جىنسىي ئىقتىدارى توسالغۇغا ئۇچراش Sexual Function Problems in Men

ئەرنىڭ جىنسىي ئىقتىدارى توسالغۇغا ئۇچراشتىن ئەرلىك جىنسىي ئاجىزلىق، مەنىي بالدۇر كىتىش ۋە مەنىي چىقىرىش توسالغۇغا ئۇچراش قاتارلىقلار بىر قەدەر كۆپ ئۇچرايدۇ. جىنسىي ئىقتىدارى توسالغۇغا ئۇچراشنى كەلتۈرۈپ چىقىرىدىغان سەۋەبلەرنى ئاساسەن ئۈچ تۈرگە ئايرىشقا بولىدۇ: فىزىئولوگىيىلىك ئامىل، پسىخىكىلىق ئامىل، ۋە مەدەنىيەت ئامىل.
ئەرلەر ئوتتۇرا ياشقا بارغاندا بەدەن ئىقتىدارى ئۈزلۈكسىز تۆۋەنلەيدىغانلىقى، تۇرمۇش، خىزمەت بېسىمى ئىنتايىن چوڭ بولىدىغانلىقى، ئۇنىڭ ئۈستىگە مۇھىت ۋە يېمەك-ئىچمەك ئوخشاش بولمىغان دەرىجىدە بۇلغانغانلىقى، شەخسلەرنىڭ تۇرمۇش ئادىتىدىكى پەرقلەر تۈپەيلىدىن، زەكەرنىڭ قايىم بولۇشى قىيىن بولۇش ئەھۋالى كۆرۈلۈشى مۇمكىن. ساغلام ۋە كۈچلبك ئەر بولغان تەقدىردىمۇ، زىيادە چارچىغان، ھاراق ئىچىپ مەسىت بولغان، ئېغىر كىسەلدىن ئەمدىلا ساقايغان، كەيپىياتى ناچارلاشقان ئەھۋالدا، ئوخشاشلا زەكەرنىڭ قايىم بولۇشى قىيىن بولۇش مەسىلىسىگە دۇچ كېلىشى مۇمكىن.
بەدەن ئەزالىرى ۋە كېسەللىك سەۋەبىدىن باشقا،كۆپ ساندىكى ئەرلەرنىڭ جىنسىي ئىقتىدارىدىكى مەسىلە كۆپىنچە روھىي بېسىم، كەيپىيات ۋە بەدەن كۈچىنىڭ يېتىشمەسلىكدىن كىلىپ چىقىدۇ. ئەرلەرنىڭ جىنسىي ئاجىزلىقىنى ياخشىلاشتا, داۋالىنىۋاتقان مەزگىلدە ئالدى بىلەن جىنسىي ھەرىكەتلەرنى توختىتىش، تۇرمۇشتا قانۇنىيەتلىك مەشغۇلات قىلىش، ئۆزىنى ئەركىن- ئازادە تۇتۇش ھەمدە جورىسى بىلەن بىللە جىنسىي ھەۋەسنى ئاشۇرىدىغان ئۇسۇللارنى ئۇگىنىش لازىم.
يېمەك -ئىچمەك جەھەتتە تەركىبىدە ھايۋانات مەنبەلىك ياغ بار، ياغدا پىشۇرۇلغان، غىدىقلاش خۇسۇسىيىتىگە ئىگە يېمەكلىكلەرنى ئىستېمال قىلماسلىق، يەنە جىددى ھەرىكەتلەر بىلەن شۇغۇللىنىشتىن ساقلىنىش لازىم. ئىسسىق سۇدا، پار مۇنچىسىدا يۇيۇنۇشتىن ئىمكانقەدەر ساقلىنىش لازىم.
بۇلاردىن باشقا، تاماكا چەكمەسلىك، ھاراق ئىچمەسلىك كېرەك. ئەگەر ئارتېرىيە قېتىشىش كېسلىگە گىرىپتار بولسا قاننىڭ زەكەر ۋە نېرۋىغا ئېقىپ بېرىشى توسالغۇغا ئوچراپ، بىمارنىڭ زەكىرىنىڭ قايىم بولۇشى توسقۇنلۇققا ئۇچراشنى كەتۈرۈپ چىقىرىدۇ . ئەمما ئەگەر زىيادە چارچاشتىن ۋە كەيپىياتنىڭ تۇراقسىزلىقىدىن كېلىپ چىققان ۋاقىتلىق ئەرلىك جىنسىي ئاجىزلىق بولسا ياكى ياشقا چوڭىيىپ قالغان ئەرلەرنىڭ زەكىرى خىلى ئۇزۇن ۋاقىتتا ئاندىن قايىم بولىدىغان بولۇپ قالسا، بەك ئەنسىرەش ھاجەتسىز.
كۆپرەك ئوزۇقلىنىشقا تېگىشلىك يېمەكلىكلەر
كۆكتات: سەۋزە، چامغۇر قاتارلىقلار.
مېۋە-چىۋە: شوخلا، قوغۇن، لىمۇن قاتارلىق مېۋە-چىۋىلەرنى كۆپرەك ئىستېمال قىلسا بولىدۇ
دانلىق ئاشلىق، قارا ئاشلىق: بۇغداي ئۈندۈرمىسى،خاسىڭ، ياڭاق، كاۋا ئۇرۇقى، گازىر، نوقۇت دېگەندەك پۇرچاق تۈرىدىكىلەر، قاتتىق پوستىلىق مېۋە قاتارلىقلار.
باشقىلار: توخۇگۆشى، بېلىق، كەپتەر، قۇچقاچ، ياڭاق مېغىزى, ھايۋانلارنىڭ ئىچكى ئەزالىرى، ئادەمگىياھ، قاتارلىقلار.
ئۇسسۇزلۇققا : قايناق سۇغا ئىككى-ئۈچ تال زەپە سىلىپ سوۋۇتۇپ قويۇپ جېگدە چېچىگى ھەسىلى سىلىپ ئىچىپ بىرىشنى داۋاملاشتۇرۇپ بىرىش قاتارلىقلار