بىرسىنى ياخشى كۆرمىسىمۇ بىللە بولغۇسى كىلەمدۇ؟[جىنسىي تۇرمۇش]

ياخشىمۇسىز بىرزات ھەكىم :مېنىڭ بىر دوستۇم يېقىندا بىر توي قىلىپ ئاجىرىشىپ كەتكەن بىر ئەر بىلەن تۇنۇشۇپ قاپتۇ ، ئۇ ئەرنىڭ بۇرۇنقى ئايالىدىن ئىككى بالىسى بار ئىكەن . لىكىن ئۇنىڭ دىيىشىچە ئۇ ئەرئايالىنى قىلچىمۇ ياخشى كۆرۇپ باقمىغانكەن .ئايالى بىلەن بىللە بۇلۇشقىمۇ رايىمۇ يوق ئىكەن ، ھەر قېتىم مەس بولۇپ قالغان چاغلىرىدا ئايالىغا يېقىنچىلىق قىلسا كېرەك. لىكىن ۋاقتى بەك قىسقا ئىكەن بىرەر مىنوتقىمۇ بارمايدىكەن ، مېنىڭ بۇيەردە سىزدىن سورايدىغان سۇئالىم بەزى بىر پىسخىك سۇئالى بولۇپ 1: بىر ئادەم بىر ئادەمنى ياخشى كۆرمىسىمۇ ئۇنىڭ بىلەن بىللە بولغۇسى كىلەمدۇ؟ ئايالارغۇ ئامالسىزكېلىدۇ . لېكن ئەرلەرچۇ؟ 2: ئەگەر مەسلىكتە قىلىپ قويدۇم دىگەن ھالەتتىمۇ بىر قېتىم بۇلۇپ بالا تۇغۇلغاندىن كېيىن يەنە ئايالىنى ياخشى كۆرمەي تۇرۇپ ئىككىنچى بالىغىمۇ قورساق كۆتەرگۇزۇپ قويسا بۇ ئادەمنىڭ ئايالىمنى ياخشى كۆرمەيتىم دىگىنى يالغانمۇ قانداق ؟ 3.قورساقتىكى بالىمۇ شۇ بىرەر مىنوتقا يەتمىگەن جىنسى تۇرمۇشتىن قېلىش ئېھتىمالى بۇلامدۇ؟

قەشقەردىن سودىگەر-ئالىمدار ئەپەندىمنىڭ بۇ ھەقتىكى ئىنكاسى:

ئەسسالامۇئەلەيكۇم؟ مۇھەببەت كىشىلىك تۇرمۇشتا كەم بولسا بولمايدىغان بىر تۇيغۇ. مۇھەببەت ئىنساننى ياشرتىدۇ. ئائىلىنى بەخىتلىك قىلىدۇ. ئۇكىشىنىڭ بۇرۇنىقى تۇرمۇشى قانداق ئۆتكەن، ئائىلىسىگە بولغان مېھرى قانچىلىك. بۇنى بىلىش كىرەك. شۇنى دىمەكچى مەنكى، ئايالغا مۇھەببىتى بولمىسىمۇ،ئائىلىگە بولغان مىېھرى قانچىلىك. بەرزەنتلىرىگە ئاتلىق مەسئۇلىيتى زادى قانچىلىك. بۇنى ئايدېڭلاشتۇرۇش لازېم. بەزى ئەر-ئاياللار بىر ئۆمۇر بىر-بىرىگە بولدىغان مۇھەببىتىنى بىلمەي ياكى كۆڭۇلدىن ئىبارەت بۇ نازۇك مەسىلىنى ئويلاشماي ئۆتۇپ كىتىدۇ. ياكى ئۆزەكى تۇرمۇش قۇرۇپ ،بىر مەزگەىلدىن كىيىن ئەتراپتىكى ئامىللارنىڭ تەسىرى بىلەن< يەنى چىرايلىق، كىلىشكەن، ئۆزگىچە مىجەزلىك قىز-ئاياللارنى ئۇچۇراتقاندا> ئائىلىسىگە نىسپەتەن تەۋرىنىشكە باشلايدۇ. ياش بىر يەرگە بىرىپ ،نەچچە پەرزەنىتلىك بولۇپ بولغاندا مۇەببەت تەمەسىدە بولىدۇ. يۇۋاش، سىرىتتىكى ئاياللاردەك ئىش بىلمەيدىغان، ناز -خۇلىق بىلەن ئەرلەرنىڭ كۆڭلىنى ئالالمايدىغان، ساددا ، ئەمما سادېق مېھرىبان ئايالىدىن كۆڭۇل ئىزدەيدۇ. شۇنى بىلىش كىرەككى ، مۇھەببەت ئۆزلىكىدىن بەرپا بولمايدۇ. ئۇنى ئۆزىمىز يارتىمىز. سىز ئايالىڭىزگە قانداق نەزەردە قارسىڭىز، ئۇسىزگە شۇنداق كۆرنىدۇ. ئايال كىشى دىگەن بىر گۈل. ھەقىقى ئىش بىلىدىغان، پاراسەتلىك ئەرلەر ئۇنى كۈندە بىر ئىچىلدۇرالايدۇ. سىز ھەققى شىرمەت ئەركەك بولسىڭېز، جۇپتى ھالالىڭېزنى كۈندە بىر ئىچىلدۇرۇپ ئۇنىڭ پاك ،شىرىن پۇرغىدىن ھوزۇر ئالالايسىز. ئىككى بالىنى تىپىپ قويۇپ ئايالىمغا كۆڭلۇم يوق ئىدى ، دىگەنلەر ئەمىليەتتە، مەۋقەسى يوق ، تۇتۇرۇقسىز ئەرلەر خالاس. كىيىن ئۇ يەنە بىر ئايالنى ياخشى كۆرەلىشى ناتايىن.
مەس ھالەتتە بىرگە بولۇپ ، بىر مىنۇتقا يەتمىگەن ۋاقىتتا قوساقتا قالامدۇ؟ دەپسىز. بۇنىڭ جاۋابى: <اللە> ھەممىگە قادېر.

تورداش بۆرىنىڭ بۇ ھەقتىكى ئىنكاسى:

قايسى كىتاپتا ئوقۇغىنىڭ ئىسىمدە قالماپتۇ ،ئىشقىلىپ بىر كىتاپتا ئوقۇغان ،ئۇنىڭدا دىيىلىشىچە ؛ 95%قورامىغا يەتكەن ئەرنىڭ كۇندە جىنسى مۇناسىۋاتتە بولىشنى ئويلاش قىتىم سانى 20_60 قىچە بولىدىكەن ، بو ئويغا كۆپىنچە ئوزى تونىمايدىغان ئاياللارنى كۆرگەندە ياكى كاللىسىدا ئويلىغاندا كىلىدىكەن . 80%قورامىغا يەتكەن ئايالنىڭ جىنسى مۇناسىۋەتتە بولىشنى ئويلاش قىتىم سانى 10_40قىچە بولىدىكەن ، بۇ ئويغا ئاساسەن ئۆز ئىرىنى كۆرگەندە ئاندىن كىلىدىكەن .
بۇنىڭدىن كۆرىۋىلىشقا بولىدۇ كۆپىنچە ئەرلەر ئۆزى ياخشى كۆرمىسىمۇ جىنسى مۇناسىۋەتتە بولىۋىرىدۇ.
لىكىن ئەخلاقلىق ئاياللار ھەرگىز ئۇنداق قىلالمايدۇ...
ئۇ ئادەمنىڭ مەن خالىمايمەن ، پەقەت مەس ۋاختىمدا شۇنداق قىلغان دىگەن گىپى 100% يالغان گەپ .

يەركەندىن تورداش ياسىنجاننىڭ ئىنكاسى:

يات جىنىسنى ياخشى كۆرمىسىمۇ جىنسىي مۇناسىۋەت قىلغۇسى كىلىش-----ئەخلاقسىزلىق بولىدۇ. ھالال نىكاھ بىلەن بىر ئۆيگە كىرگەندىكىن بىر -بىرىگە كۆڭۈل بىرىشكە تىرىشىش كىرەك. نىكاھنىڭ ھالاللىقى سەۋەپلىك تەڭرى ئۇلارنىڭ ئوتتۇرسىغا ئىسسسىقلىق سالىدۇ.ئۆزىنىڭ ئەرلىك مەجبۇرىيتىنى ۋە ئاياللىق پەزىلىتىنى ھىس قىلالايدىغان مەسئۇلىيەتچان ئىنسان بولسىلا.بىر مىنۇتقا يەتمىگەن جىنسىي مۇناسىۋەتتە ھامىلدار بولۇش بولماسلىق پەقەت ئاللاھنىڭ ھىكمىتىگە باغلىق.بۇ مەسىلىدە ھىچكىم ئىنىق جاۋاپ بىرەلمەيدۇ .
مەسلىھەتىم:80 خالتا ئۇيغۇر تېبابەت تورىغا بۇنداق تايىنى يوق سۇئاللارنى تاشلىمىساق.

قەشقەردىن ئاخبارات خادىمى: ئېرپاننىڭ ئىنكاسى:

ئەسسالامۇ ئەلەيكۇم، مەن ئىلگىرى بىر ماتېرىيالدىن مۇنداق بىر ھىكايەتنى ئوقۇغانىدىم: بىر بوۋاي بىلەن مومىيى 50 يىل بىرگە تۇرمۇش كەچۈرۈپتۇ، ئۇلار ئالتۇن تويىنى ئۆتكۈزۈپ بولغاندىن كېيىن، بىر كۈنى ئىككىيلەن بىرگە تاماق يەپتۇ. تاماق يەۋېتىپ، ئېرى تاماقتىكى بېلىقنىڭ بېشىنىڭ ھەممىسىنى مومىيىنىڭ ئالدىغا دۆۋىلەپ قويۇپتۇ. موماي بۇنى كۆرۈپ ئېسەدەپ يىغلاپ كېتىپتۇ، بوۋاي نېمە ئىش بولغانلىقىنى سورىغانىكەن، موماي:" مەن ئۆمرۈمدە بېلىقنىڭ باش قىسمىنى يېيىشكە ئەڭ ئۆچ ئىدىم، ئەمما سىز بۈگۈن تاماقتىكى بېلىقنىڭ بېشىنىڭ ھەممىنى ماڭا يىگۈزمەكچى بولدىڭىز..." دەپتۇ. بوۋاي خىجىللىق ئىچىدە:" ئىككىمىز ئۆي تۇتۇۋاتقىلى 50 يىل بوپتۇ، مەن بېلىقنىڭ بېشىنى يېيىشكە ئەڭ ئامراق ئىدىم، ئىككىمىز قەدىناس بولغاندىكىن، مەن نېمىنى ياخشى كۆرسەم سىزنىمۇ شۇنى ياخشى كۆرىدۇ، دەپ ئويلاپ شۇنداق قىپتىمەن.' دەپتۇ.
دېمەك، ئۇلار 50 يىل بىر ياستۇققا باش قويغان بولسىمۇ، ئالتۇن تويىنى بىرگە ئۆتكۈزگەن، بالىلىرىنى بىرگە بېقىپ قاتارغا قوشقان بولسىمۇ ئۇلار ئوتتۇرىسىدىكى چۈشىنىش كەمچىل بولۇپ قالغان. سىز ئوتتۇرىغا قويغان مەسىلىدىكى ئەر ھەقىقەتەن ئايالىنى ياخشى كۆرمەيدىغاندۇ، پەقەت ئائىلىسىى ۋە بالىسى ئالدىدىكى ئەرلىك، ئاتىلىق مەسئۇلىيەتنى ئادا قىلىش ئۈچۈنلا شۇ ئۆيگە قاراۋاتقاندۇ. مەيلى نېمىلا بولمىسۇن، ئۇ ئاغزىدا "ئايالىمغا كۆڭلۈم يوق" دېسىمۇ، ئۇنىڭ بىلەن ئايالى ئوتتۇرىسدا مۇئەييەن مېھىر - مۇھەببەت پەيدا بولۇپ بولغان بولۇشى مۇمكىن. ئەگەر كۈنلەرنىڭ بىرىدە ئۇنىڭ ئايالى ئۇنىڭدىن ئايرىلىپ كەتمەكچى بولسا ياكى كېسەل كارىۋىتىدا ئەجەلنى كۈتۈپ يېتىپ قالسا (بۇنداق كۈنلەردىن ئاللا ھەر بەندىسىنى ساقلىسۇن)، شۇ چاغدىلا ئايالىنىڭ ئۆزى ئۈچۈن كەم بولسا بولمايدىغانلىقىنى، ئايالىنىڭ يېنىدا ساق - سالامەت تۇرۇپ بەرگىنىنىڭ ئۆزى ئۈچۈن بەخت ئىكەنلىكىنى ئۇ تولۇق چۈشىنىپ يېتىدۇ. ئەگەر ئۇ ئەرنىڭ ئەقلى بولسىلا "بىر كۈنلۈك ئەر - خوتۇندا يۈز كۈنلۈك مىھىر- مۇھەببەتنىڭ بولىدۇ" غانلىقىنى چۈشىنىپ يېتىدۇ، ئۇزۇندىن بۇيان ئۆزى ئۈچۈن ، بالىلىرى ئۈچۈن، ئائىلىسى ئۈچۈن قولىنى كۆسەي، چېچىنى سۈپۈرگە قىلىپ كېلىۋاتقانلىقىنى تونۇپ يېتىدۇ. ئەگەر ئۇ ئەقلى گەجگىسىگە ئۆتۈپ قالغان ئەر بولسا، "ئايالىمغا كۆڭلۈم يوق" دېگەن بىر ئېغىز گەپنى دەستەك قىلىپ، جەمئىيەتتىكى نۇرغۇن ساددا خانىم - قىزلارنى ئالدام خالتىسىغا چۈشۈرۈش ئۈچۈن ھەر قانداق رەزىل قىلمىشلارنى سادىر قىلىدۇ.

تورداش پەرىدەنىڭ ئىنكاسى:

" ئايال كىشى مۇھەببەت ئۈچۈن جىنسى مۇناسىۋەت قىلىدۇ . ئەر كىشى پەقەت جىنسى ئىھتىياجىنى قاندۇرۇش ئۈچۈن".دىگەن گەپ بار . مەسئولىيەتسىز ئەر كىشى دىگەن ئالدىغا كەلگەن بەزنى يىمەي قالمايدۇ . بەزى ئەرلەر كىچىك قىزلارنى ئالداش ئۈچۈن 2 ياشلىق بالىسى بار تۇرۇپمۇ ، "ئايالىم بىلەن بىرگە بولمىغىلى 5 يىل بولدى" دەۋىرىدۇ . قارىغاندا دوستىڭىز ئالدامچى ، ئائىلىسىگە مەسئول بۇلالمايدىغان بىر ئەرگە ئۇچراپ قاپتۇ. دوستىڭىز ئۇ ئادەم بىلەن توي قىلدىمۇ دەيلى ، كىيىن ئۇ ئادەم يەنە بىر كىلىشكەنرەك ، كۆزىگە ئىسسىق كۆرۈنگەن قىز چوكانلارنى كۆرسە يەنە يالغاننى توقۇۋىرىدۇ . شۇڭلاشقا مۇشۇنداق ئاز ساندىكى ھايۋانى سۈپەت ئەرلەرنىڭ ئالدام خالتىسىغا چۈشىۋەرمەسلىكىمىز كېرەك .

مەكىتتىن تورداش زىۋىدە خانىمنىڭ ئىنكاسى:

مەسئۇلىيەتسىز ئەرلەرنىڭ كۆپلىگىدىن جەمىيىتىمىزدە ھازىرقىدەك ناشايان قىلىقلار ئائىلىگە،پەرزەنتىگە ،ئايالىغا ۋاپاسىزلىق قىلىدىغان ئىشلار كۇپۇيۇپ كەتتى،

ئۈرۈمچىدىن ئابدۇللانىڭ ئىنكاسى:

ئۇيغۇر تىبابەت نەزەرىيسىگە ئاساسلانغاندا ئىنساننىڭ قۇۋۋىتى روھى قۇۋەت ۋە ھايۋانى قۇۋەت دەپ ئىككى خىل بولىدۇ،
جىنسى ئالاقە بولسا ئىنساننىڭ ھايۋانى قۇۋۋىتى دائىرىسىگە تەۋە بولغان بىر خىل جىسمانى تەلەپ بولغاچقا ئىنساننىڭ جىسمانى قۇۋىتى ئاشقان ياكى جىسمانى قۇۋەت نورمال ۋاقىتلاردا بۇخىل تەلەپ ئۆزلىگىدىن ھاسىل بولىدۇ،
لىكىن بىر نەرسىنى ياخشى كۆرۇش بىر خىل كۆز بىلەن كۆرگىلى ھەم تۇتقىلى بولدىغان ماددى نەرسە بولمىغانلىقى ئۇچۇن ئۇ روھى ئامىل ھىسابلىنىدۇ. ئىنساندا بىر شەيئىگە بولغان قىززىقىش كۇچەيگەن ۋاقىتتا ئۇنىڭغا روھى جەھەتتە تەلپۇنۇش كۇچىيىدۇ، بۇ خىل ئامىل ئاشۇ شەيئىگە بولغان روھى قۇۋەتنى كۇچەيتيدۇ، ئەكسىچە بولسا روھى قۇۋەت ئاجىزلىشىدۇ.
قىسقىچە قىلىپ ئىيتقاندا ئۇ دوستىڭىزنىڭ ئەر تونىشىنىڭ بالىلىق بولىشى پەقەتلا جىسمانى تەلەپنى قاندرۇرۇشنىڭ نەتىجىسى، ئەمما روھى جەھەتتە ئۇنى ياخشى كۆرمەسلىك نەچچە يىل بىللە تۇرسىمۇ روھى جەھەتتە ياخشى كۆرۇشنىڭ بولماسلىقى تامامەن مۇمكىن!!!