بالىلار ئۈچۈن ساخاۋەتلىك ئۇچۇرلار [ساغلاملىق ئۇچۇرلىرى]

تور بەتلەرنى ئارىلاۋېتىپ ياكى گېزىت ئوقۇۋېتىپ، ئاق قان كېسىلى ( 白血病،Leukem ) بىمارلىرى ئۈچۈن ياردەم تەلەپ قىلىپ يېزىلغان مۇراجىئەتنامىلارنى پات پات ئۇچىرىتىپ قالامسىز؟ ئۇلارغا ياردەم قىلىشنى ئويلىغان ئەمما ئىككىلىنىپ قالغان ۋاقىتلىرىڭىزمۇ بولغانمۇ؟
ئەتىراپىڭىزدىكى ئائىلىسىدە ئاق قان كېسىلى ( 白血病،Leukem ) بارلارغا خەۋەر قىلىپ قويۇڭ، ھازىر ئاق قان كېسىلىگە گىرىپتار بولغان ئۆسمۈرلەر ئۈچۈن ئىقتىسادى ياردەم قىلىدىغان بىر تۈر شىنجاڭدىمۇ يولغا قويۇلماقتا. ئىلتىماس قىلىش مۇۋاپىقيەتلىك بولسا، ھەر بىر بالا 30000 يۈەندىن 50000 يۈەنگىچە ئىقتىسادى ياردەمگە ئېرىشەلىشى مۇمكىن. بەلكىم، بۇنداق ئائىلىلەرنىڭ تورغا چىقىش ئىمكانىيىتى ۋە بۇ خىل ئۇچۇرلاردىن ۋاقىپلىنىش شارائىتى بولماسلىقى مۇمكىن. سىز شۇلارنى خەۋەردا قىلىڭ ھەم ياردەم قىلىپ ئىلتىماس قىلىشىپ بېرىڭ! مانا بۇمۇ پۇل بەرگەنگە ئوخشاشلا ياردەم قىلغىنىڭىز.

ئائىلىڭىزدە ياكى ئەتراپىڭىزدا توشقان كالپۇك  (兔唇 ،Cleft lip ) ( كالپۇكى ياكى تاڭلىيى يېرىق) بالىلار بارمۇ؟
بۇ خەۋەرنى ئۇلارنىڭ ئاتا-ئانىسىغا يەتكۈزۈپ قويۇڭ. مۇشۇنداق كېسەلگە گىرىپتار بولغان ئۆسمۈرلەر ئەگەر ئاتا-ئانىسىنىڭ ئوپراتسىيە قىلدۇرۇشقا قۇربى يەتمىسە، قىزىل كرېست جەمئىيىتى بىلەن ئالاقىلاشسا، يەنرەن پەرىشتە فوندى ( 嫣然天使基金 ) نىڭ ياردىمى ئارقىلىق ھەقسىىز ئوپراتسىيە  قىلىنىدۇ، يەنە ئاتا-ئانىسىنىڭ مۇناسىۋەتلىك چىقىملىرىمۇ مۇۋاپىق كۆتۈرۈلىدۇ.
بۇ فوندنىڭ قۇرغۇچىسى، داڭلىق كىنو ئارتىسى لى ياپېڭ ( 李亚鹏 ) ئەپەندى شىنجاڭدىكى بارلىق توشقان كالپۇك بالىلارنى داۋالاپ ساقايتىشقا بەل باغلىدى. خوش، ئۇنداقتا شۇنچە بەلەن بۇ گەپلەرنىڭ تەپسىلاتى قەيەردىن - قەيەرگىچە ؟ تەپسىلاتىنى بىلمەكچى بولسىڭىز خەيرلىك ئىشلارغا ئۆزىنى ئاتىغان، خەلقىمىز يىلىكىنى، يېلتىزىنى قۇرىتىۋاتقان ئەيدىز كەبى قاباھەتلىك كېسەللىككە قارىشى تەشۋىقات سېپىدە قەلەم قۇۋۋىتى تۇلپار كەبى تەپچىپ تۇرىدىغان ئوغلانلاردىن ياسىن ئابدۇللا (بوھران) ئەپەندى بىلەن ئەلقەم (يۈكسەل) ھەمكارلىقىدىكى << يۈكسەل بلوگى>> غا مەرھەمەت قىلىڭ!