«تۇرپان يازغۇچىلىرىنىڭ كىتاپ ئوقۇش كۇرسى» باشلاندى   [ئۇلانما كۆچۈرۈش]

ئەدەبىيات شارابى،
لىق تولۇپتۇ جاملارغا.
بېرىپ كۈلۈپ كېلەيلى،
مېھىرلىك تاغتۇراغا.

لىق تولدۇرۇپ جاملارنى،
مۇشائىرە قىلايلى.
مىسرالاردىن دۇر تۆكۈپ،
ئەلگە بەخش ئېتەيلى.

تۇرپانلىققا كۇرس بولسا ،
ئاتۇشلۇققا يوقمىدو؟
يىراق بولغاچ ئارىلىق،
دوستلار كوڭلى توقمىدو؟

ئاتۇششلۇققا بولسا كۇرس،
ئەنجۇر ئېلىپ بارىمىز.
ئەنجۇر يېگەن تىل بىلەن .
دوست قەلبىنى قازىمىز.

ساقلاپ تۇرۇڭ ئەزىزىم،
نۆۋەت كېلەر سىزگىمۇ.
ئىلھاملارنىڭ كانىنى،
تۈگىمەيدۇ قېزىپمۇ.

تاغ ئايلانسا بەزىدە،
بەزەن ئوچاق چۆرگىلەر.
سىزگە كەلسە شۇ پۇرسەت،
ھەممە گۈلدەك كۆرۈنەر.

قېرىندىشىم پاشاگۇل ،
نەخ جاۋاپتىن سۇيۇندۇم.
كوڭول ئىزھار قىلاي دەپ،
جايىمدىلا يۇكۇندۇم.

رەھمەتلەرگە نە ھاجەت؟،
ھەممە ئۇيغۇر قېرىنداش.
يۈكسىلىدۇ مىللىتىم،
بولساق ئىناق ئۇيۇلتاش.

قەلەم تۇتقان ساھىپنىڭ،
كۆڭلى ئاسمان بىپايان.
ئەل-ئاۋامنى ئويلايدۇ،
كېچە-كۈندۈز ھەرقاچان.

بېرىپ بىزگە پۇرسەتنى،
پەرۋىش قىلدى،ئۆستۈردى.
مىللەت ئۈچۈن يازغىن دەپ،
ئارمانلارنى كۆكلەتتى.

ئۈمىدىنى ئاقلايلى،
بەردەم بولۇپ ھەمىشە.
ئۇلنى مەزمۇت سالايلى،
يىراق گۈزەل ئەتىگە.

   ۋاي ۋۇي مۇشائىرىلەر قىزىپ كېتىپتۇغۇ، تاغ تۇرانى سېغىندۇرۇپ. ئامىنە تاغ تۇرادا بىللە بولۇش نېسىپ بولغىچە تاتلىق لىرىكىلىرىڭىزدىن بولسىمۇ ھوزۇرلىنىپ تۇرايلى، مەيلى بۇ تەرەپلەرگە ئەنجۇر كەلمىسىمۇ شېرىن تېتىملىق مىسرالار بولسىمۇ ئېقىپ تۇرسۇن ، قەلەملەر ھەرىكەت، ئىجادىيەتلەر بەرىكەت تاپسۇن!

سېغىنغىنىم تاغنى راست،
ئۆزەم تاغدا تۇغۇلغان.
گويا تاغدەك مەغرۇرلۇق،
ۋۇجۇدۇمغا ئويۇلغان.

تاققا چىقسا دوستلىرىم،
گۇزەل يۇرتنى ئويلايمەن .
شائىرانە ھىس بىلەن ،
مەغرۇرلۇقنى كۇيلەيمەن.

پاشا سىڭلىم راست دېدى،
-تام ئايلانماس جاھان بو.
كېلىپ قالسا بو پۇرسەت،
دىدارلىشىش بولارمو؟!

كېلىپ قالار بو پۇرسەت،
ئۇمۇت بىلەن ساقلىساق .
ئاتۇشلۇققا ئوخشامدوق،
ئەنجۇر ئېلىپ بارمىساق؟!

رەخمەت ئابدۇلىتىپئىمىن!! دېگىنىڭىز كەلگەي.

پاشاگۈل لىرىكىلىرىڭىز  ئازلاپ  كەتتىغۇ ، لىرىكىلىرىڭىزغا تەشنامىز !

مېنىلا سۈيلىمەي ئۆزۈڭلارمۇ سايرىغاچ تۇرۇڭلار ئەزىزلەر،تولا يەۋەرسە ئەمەن تېتىيدۇ دېگەن گەپ بار،ھەممىمىز بىر ئېغىزدىن چۇرۇقلاپ ما مۇنبەرنى قىزىتقاچ تۇرايلى،ماقۇلما؟ بۇ يازمىنى ئاخىرىدا   paxagul تەھرىرلىگەن. ۋاقتى  2012-9-12 16:10  

غەيرى يېڭى يىل

                 -پاشاگۈل نىياز (توقسۇن)

  يېلىم سۈرۈپ يوق چاچنى تاراپ،
غېرىبلىقتا  ئىشىكنى تاقاپ،
مارافونچە   كىنوغا   قاراپ،
كۈتىۋالدىم سېنى يېڭى يىل.

ناخشا ئاڭلاپ تولغىنىپ ياتماي،
بەك كەچ ياتقاچ ۋاققىچە قوپماي،
ئاھ ،دەم ئېلىش! قىنىمغا پاتماي،
كىرىپ كەلدىم ساڭا يېڭى يىل.

يىراق جايدىن سېغىنىپ ئەركەم،
مۇبارەكلاپ تېل قىلسا شۇ دەم.
مىڭنى تىللاپ، بۇزۇلدى ئۇيقۇم،
كىرىپ كەلدىم ساڭا يېڭى يىل.

خەق دېسكودا ئۆچكىدەك تاقلار،
رېستۇرانلار قايناپ تاشقىنلار،
بۇ شاتلىقتىن مەنلا بىخەۋەر،
كۈتىۋالدىم شۇنداق يېڭى يىل.

قېرىپ كەتكەن بىچارە يۈرەك،
شاتلىقلارنى ئۇنۇتقان تىلەك،
قۇرۇپ كەتكەن تاشلاندۇق كۆلدەك،
كۈتىۋالدىم يەنە يېڭى يىل.

بىلەلمىدىم سەۋەبىنى ھېچ،
كۈنۈم ئۆتەر لاي سۇدەك تىنچ،
قىزىقمىدىم تاماشىغا ھېچ،
مېنى كەچۈر ئەزىز يېڭى يىل!

(2010-يىلى يېڭى يىلدا توقسۇندا يېزىلدى)

جىمىپ كەتتى ئۈن-تىنسىز،
بۇ تېمىنىڭ سەيناسى.
نەگە كەتتى ئەزىزلەر،
يوقمۇ ئەمدى پەرۋاسى.

تەنھا قالدىم بۇندا مەن،
مۇڭداشقىلى ئادەم يوق.
مۇشائىرە بولمىغاچ،
لىرىكىغا ئىلھام يوق.

ئېلان بېرەيمىكىن يا،
ئادەم بارمۇ دەپ راسا.
قايتىپ كېلىڭ ئەزىزلەر،
قىزىپ كەتسۇن بۇ تېما.

ئېلان بېرىڭ ئەمىسە. قانداق بولىدىغىنىنى كۆرۈپ باقىلى. مېنىڭچە قۇرۇق داۋراڭ باشلىنار شۇ.

ئېلان  بېرىپ يۇرىمەڭ ،
جېنىم سىڭلىم پاشا قىز.
كەڭرى سەينا  تور دىگەن ،
مۇڭدىشايلى راسا بىز.
  
ياتنىڭ كۇزى تەگمىسۇن،
يولدا يالغۇز يۇرسىڭىز.
ھەمرا بولوپ ماڭاتتوق ،
ھېيىتكارغا كەلسىڭىز.

جىمىپ كەتمەس ھەرگىزمو،
بو تىمىنىڭ سەيناسى.
چېچىپ تۇرۇڭ خۇش پۇراق،
بولوپ مۇنبەر رەھناسى.