«تۇرپان يازغۇچىلىرىنىڭ كىتاپ ئوقۇش كۇرسى» باشلاندى   [ئۇلانما كۆچۈرۈش]

سۆيگۈ پەسلى
                                    -پاشاگۈل نىياز(توقسۇن)
پىشانەمگە پۈتۈلگەنمۇ ۋەسلىڭىز،
        قانداق چىداش مۇمكىن ئىشقى- پىراققا.
   يېلىنجىغان پېتى كۈلۈپ كەلسىڭىز،
چاچقۇ بولۇپ تۆكۈلەيمۇ تۇپراققا.

لىغىرلايدۇ بەرگىلەردە ياپراقتەك.
   كۈندە مىڭ رەت پارە-پارە بۇ يۈرەك.
  سىز پارلايسىز دىل كۆكىدە قۇياشتەك،
سىزدىن باشقا نازىنىنلار نە كېرەك.

نېچۈن سەۋەب سورىماققا مۇھەببەت،
يۈرىكىمدە كۆكلىمەكتە ۋەسلىڭىز .
  ئېرىشمەككە چىن بەختكە بار قۇدرەت،
  شۇنچە تاتلىق كۈلدى سۆيگۈ پەسلىمىز.

     بەللى، بەللى، پاشاگۈل ، شېئىرلىرىڭىز  تاغارنىڭ تۆشۈكىدىن قۇيۇلغان قۇمدەكلا  تۆكۈلىدۇ دىسە! لەززىتى سەھەردىكى چەشمە بۇلاقنىڭ سۈيىدەك ھوزۇرلۇق!

پاشاگۈل ، مۇھەببەت تېمىسىدىكى شېئىرلىرىڭىزنى ياقتۇرۇپ ئوقۇپ كېلىۋاتىمەن ، ھارمىغايسىز !

ئابدۇلىتىپ مۇئەللىم ، باش سۈرىتىڭىزنى ئالماشتۇرۇپسىز ، جەنۇبىي تاغدا چۈشكەن سۈرەت ئوخشىمامدۇ ؟

ئوچۇق،ئەمما غەيرىي يېپىق سۆھبەتلەر قىزىپ كېتىپتۇ. ئاشۇ ھوزۇرلۇق، مەنىلىك كۈنلەر دىلىمنى شېرىن غىدىقلاپ ئۆتتى. سالام دوستلار، ئەرقۇت سىلەرنى، پائالىيەتكە كۆڭۈل بۆلگەن بارلىق دىلكەشلەرنى سېغىنىپ سالام!

ئۆمەرجان سىدىق،تۇرغۇنلارنىڭ ئەستايىدىللىقى، جان كۆيەرلىكىگە تەشەككۈر! ئېسىل ئەسەرلەرنى يازغان ئاپتورلارغا تەشەككۈر!

لىرىكىدا كۈلسە پاشاگۈل،
ئابدۇلىتىپ بولدى غەرق مەست.
ئابدۇخالىق چۈشسە ئۇسۇلغا،
ئەرقۇتمۇ ھەم تۇرۇپ كەتتى دەست.

تاغتۇرانى ئەسلەتتى بۇ بەت،
ئۇنتۇلمايدۇ شۇ كۈنلەر پەقەت.
كۆزلىرىنى يۈمغىچە دۇنيا،
كۆكلەپ تۇرسۇن ئەشۇ مۇھەببەت!

كۆزلىرىنى يۇمغىچە دۇنيا،
بىھۇشلۇقتا مەستانە بولسۇن.
ئىللىق چىراي،مېھرىبان سىما،
چىن دوستلۇقتا قاقاقلاپ كۈلسۇن.

ياپراقلاردا شىلدىرلاپ شۇ دەم،
تۆكۈلمەكتە مۇڭلۇق لىرىكا.
ھال رەڭ چۈشلەر ئۆكسۈپ كېچىدە،
ئېغىر غەمگە چۆكىدۇ دۇنيا.

سۆيگۈ بىلەن بىخلانغان يۈرەك،
مۇڭ كۆزلەردە كۈلىدۇ قۇياش.
خارلانمىسۇن پاكىز ئەقىدە،
قۇرۇپ كەتسۇن چاناقلاردا ياش.

ھەرگىز ئۇزاپ كەتمىسۇن بەخت،
سۆيگۈ بېغى بولسۇن بىپايان.
چاڭقاق دىلغا تۆكۈپ مۇھەببەت،
ۋاپا بىلەن ياساپ گۈلىستان.

(زوقلاننىڭ لىرىكا دېگەن بىر سۆزى تەسىر قىلىپ بۇ شېئىرنى يېزىپ باقتىم ،بىۋاستە يازغاچقا تۈزىتىشكە ئۈلگۈرمىدىم، پىكىر بەرگەيسىزلەر)

ۋوي ، بالىلار ، مۇشائىرە قىزىپ كېتىپتىغۇ ، پەرھات باھايىدىن شېئىرلىرىڭىزنى مۇنبەرگە يوللىسىڭىز تەڭ ھوزۇرلىنايلى !

‹‹ئۆزلەدىن كەلسۇن›› دېيىشىپ ئىلھاملارنى قاچۇرىۋەتمەيلى يەنە ،ئابدۇخالىق ،قېنى ئاۋۋال ئۆزلەدىن كەلسۇن!

ئاۋۋال پەرھات باھايىدىندىن كەلسۇن ، ئاندىن مەن . پەرھات باھايىدىن ئىلگىرى ئېسىل شېئىرلارنى يازغان ۋە ئېلان قىلغان . ئەمدى ئۇنىڭ كارامىتىنى مۇنبەردىن كۆرەيلى !

                             سىزدە قاينايتتى بۇلاق،
                             قاچان قالدىكىن سولاق.
                             دەيدۇ: «ئۆزلەدىن» قىزچاق،
                            قالدۇق شىڭشايتىپ قۇلاق.
                            ئۈنۈڭ لىرىكىدىن تېزراق،
                            كەتتۇق زارىقىپ ئۇزاق.

زوقلان ھەي زوقلان، لىرىكا دىگەن بۇ يەردىكەنغۇ مانا، جۈجەم سىلكىگەندەك سىلكىپ تۇرمامسىز دەيمەن.
            ئاشۇ تاتلىق ئەسلىمىلەر ئىچىدە مەست ئەيلىدىڭىزغۇ ، توۋلىغۇم كېلىۋاتىدۇ ھاي:
           
                                            كۆزلىرىدىن نۇر تۆكسۇن دۇنيا،
                                            ياشناپ تۇرسۇن دوستلۇق مۇھەببەت!

                              تاغ تۇرانى سەمىڭىزلەرگە سېلىپ تۇراي دەپچۇ  ھا ھا ھا ..........