شىمالغا سەپەر   [ئۇلانما كۆچۈرۈش]

ئەجەپمۇ ياخشى ئىش بوپتۇ.ھەممىڭلارنىڭ ساياھېتىگە يېڭىچە مەنالارنى تىلەيمەن.بارىلىق ئەزىزلەر سەپىرىڭلار كۆڭۈللۈك بولغاي.

ئۆمەر مۇھەممەت ئىمىن ، ئىلھام ئابدۇرېھىم ، ئەزىز ھېيىت كۈن قاتارلىق ئۇستاز ئاكىلارنىڭ سەپىرىگە ئاق يول ، ئىلھامىغا بەركەت تىلەيمەن .

  ئۆزيول ئاكا،  يوللىغان سۈرەتلىرىڭىز ھەقىقەتەن ئىسىل چىقىپتۇ... مەنلىك خاتىرىلەردىن يەنە يوللاپ تۇرغايسىز(تۇنۇشتۇرۇشنى ئۇنتۇپ قالماسسىز-ھە)...

سۈرەتلەرنى تولۇق كۆرۈپ چىقتىم، ئوت يۈرەك، گۈل چىرايلارنىڭ بۇ قېتىملىق شىمال سەپىرى شۇنداق خەيرلىك بولۇۋېتىپتۇ،بارلىق قاتناشقۇچىلارنىڭ تېنىگە سالامەتلىك ، كۆڭۈللىرىگە شاتلىق ۋە سەپىرىگە ئاق يول تىلەيمەن !

ئەزىزلەرنىڭ شىمال سەپىرى ئاق بولسۇن!

كاچالكا تۈۋىدىكى قىز
گۈلباھار ئەزىز

گۈلبەرگىنىڭ  جۇلاسى ئەي قىز ، ساڭا ئېيتار سۈزىمنى  يۈرىكىڭگە يېزىپ قويدۇم .
يىراقتىن   ئۇلار سېنى  چۆل بۇلبۇلى دىدى .
مەن  كۆردۈم ،  چۆلنىڭ غېرىپلىقىنى يىراقلارغا  سۈر تۇقاي قىلالىغان ،  جۇشقۇنغىنا بىر  قىزنى كۆردۈم.
ئەرلەر  بىلەن كۇچ ماداردا  تەڭ  تۇرغان  يىگىتسىمان  كاچالكا تۈۋىدىكى قىزنى كۆردۈم.
كاچالكىلار ساڭا  كۆنگەندەك ،سەنمۇ يەرنىڭ تۇمۇرلىرىغا  قادالغان  كاچالكىلارغا  ئىشچان قۇلۇڭنى  سۇنۇپ ھارمايسەن .
ئۇ يەردە    تەبى ئۆسكەن گۈللەر  يوق .
ئۇ يەردە  سۈزۈك سۈزۈك سۇلار  يوق .

-قاراڭ ئاۋۇ  گۈلنى !
- نىمە  بۇ يەردە  نەدىكى  گۈلكەن ؟
-  تەشتەكلەردىكى  گۈل ئىكەن .

سېرىق  سەبدە ، تاجىگۈللەر   ماڭا شۇ تاپ  ، قاتار  قاتار  كاچالكىلاردىن ، چاكاندىلاردىن ئۆزگە  ھېچنىمە ئۇچۇرمايدىغان  چۆل  باغرىدا   بىر  ئۈمۈد  بۇلۇپ  كۈرۈندى .
گۈللەرگە  سۇ قۇيىۋاتقان  قىز  ئۇ ئۈزىمۇ بىر دەستە گۈل ئىدى . قىزىل كىيىملىرى  بىلەن جۇلالىنىپ تۇرغان  ئوتقاشتەك قىز    ساڭا  ئۈمۈد گۈلىدىن  بىر دەستە  مەندىن يادىكار   قالدى .
-كاتيۇشا !
ئېيتقىن ئەي قىز ،مۇشۇ كېچە ، بۇ دىياردىكى  ئاخىرقى كېچە  تەڭ ئېيتىشايلى !

داۋان دەيدۇ ،داۋان دەيدۇ ،
بۇسۇغا داۋانغا يەتمەيدۇ .
قارامايغا  بىر كەلدىم ،
شاتلىق  دىلدىن كەتمەيدۇ .

2012.7.8





كاچالكىنىڭ يېنىد ابىر قىز

«كاچالكا تۈۋىدىكى قىز» كىشىنى مەپتۇن قىلىدىكەن. ئايقۇتنىڭ سەپەر جەرىيانىدىكى تەسىراتى تېخىمۇ مول بولۇشى مۈمكىن.

مۇھەببەتتىن پۈتكەن شەھەر

ئايقۇت

قارا دېسە يارىدەكلا ئويلاتتىم،
قارا دېگەن ‹‹قارىلىق››قا مىسال دەپ.
مېھرى ئىسسىق ئىكەن ئەسلىي قارىنىڭ،
قارىمايغا كېلىپ بىلدىم ئاقىۋەت.

مۇھەببەتتىن پۈتكەن ئىكەن بۇ شەھەر،
مۇھەببەتتىن چىققان ئىكەن ‹‹قارا›› ماي.
سېلىم بوۋاي سۆيگۈ ئۈچۈن ياراتقان،
نۇردەك ئىىللىق، قىزدەك گۈزەل خۇش چىراي.

تۇنجى كەلگەن مەلىكىسى ئايقىزكەن،
ئىزلىرىدىرىن ئۈنۈپتىكەن ماي بۇلاق.
شۇ ماي بىلەن كەپىسدە يېنىپتۇ ،
يەر يېغىدىن پىلدىرلىغان جىن چىراق.

بۇ ئالەمدە ياشاش ئەمەس ئۈنچە تەس،
لېكىن قىيىن بىر يۈرەككە كۆمۈلۈش.
ئايقىز ياتقان تۇپراق سۆزلەر رىۋايەت
سېلىم بوۋاي ۋاپاسىدىن گۈزەل چۈش.


قارىماينىڭ ئاق قەلبىدە ياشىدۇق،
ئۆمرىمىزدىن قالدى ئىككى يوپۇرماق.
ئىسسىققىنە ئىككى سۆز بار قەلبىمدە،
قارىماي دەپ يېزىپ قويدۇم  بەك ئوماق.

2012-يىلى 7-ئاينىڭ 8- كۈنى

ئەسسالاممۇ ئەلەيكۇم ئەزىز قەلەم ساھىبلىرى.يۇرتىمىز قارامايغا كەلگەنلىكىڭلاردىن تولىمۇ خۇرسەن بولدۇم.سەپىرىڭلارنىڭ ئۇتۇقلۇق بولۇشىنى تىلەيمەن . ياسىنجان چوغلۇق ئاكىمىزنىڭ تەمكىنلىك چىقىپ تۇرغان چىرايىدىن ،يەنە بىر ئېسىل قامۇسنىڭ سايىلىرىنى كۆرگەندەك بولدۇم .
باشقا قەلەم ساھىبلىرىنىڭمۇ قەلەم غۇنچىلىرىنىڭ پورەكلەپ ئېچىلىشىغا تىلەكداشمەن .

بۇ يازمىنى ئاخىرىدا   mayinxamal تەھرىرلىگەن. ۋاقتى  2012-7-9 14:03  

كاچالكىنىڭ يېنىدىكى قىز
ئايقۇت
ئوتتەك ئىسسىق، تاشتەك قاتتىق بۇ ھايات،
تاشلايدىكەن ھەممىمىزنى ھەر يەرگە.
كېلىۋاپسىز كاچالكىنىڭ يېنىغا،
چۈشمىگەنمۇ يا  رىسقىڭىز شەھەرگە؟

كۆپ دەرتلەرگە چىدالايمىز ئېھتىمال،
كۆنمەك تەستۇر يالغۇزلۇقنىڭ دەردىگە.
كۆزلىرىڭىز  كۈلەر يۈرەك كۈلەمدۇ؟
بوغدىڭىزمۇ يا دۇنيانى قەرىزگە؟

چۆل بۇلبۇلى دېدى، لېكىن پۈتمىدىم،
بۇلبۇل يۈرەر گۈلگە شەيدا، باغلاردا.
سىز تۆمۈرنىڭ شەيداسىمۇ ، پەرۋانە-
بولۇپ يۈرگەن ئۇمىد تولغان چاغلارغا؟

قىزىل رەڭلىك شەبنەم بولۇپ  چاقنايسىز،
چەكسىز چۆلنىڭ بەرگىسىدە يىگانە.
ئەتىر پۇراپ چىققان قىزلار شەھەردىن ،
كۆرۈنەمدۇ كۆزىڭىزگە بىگانە.


مەن جەڭلەرنى ئاڭلىغانيۇ   كۆرمىگەن،
سىزنى كۆردۈم، ‹‹جەڭچى!›› دېدىم ئىچىمدە،
ھەققى يوقكەن نادامەتنىڭ، ھەسرەتنىڭ،
بىر دەقىقە ئۆمرىڭىزنىڭ بىتىدە.


قاخشاپ يۈرگەن قىزلار تولا شەھەردە،
بۇ ھاياتتىن، بۇ دۇنيادىن قىسمەت دەپ.
مەن سۆزلەيمەن سىز ھەققىدە ھېكايە،
كاچالكىنىڭ يېنىدا بار بىر قىز دەپ.

2012-يىلى 7-ئاينىڭ 9- كۈنى

بۇ ئەسەرلەر بىۋاستە مۇنبەردە يېزىلغانلىقى سەۋەپلىك ، سەۋەنلەردىن خالىي بولالمىغان بولۇشى ئېھتىمالغا كۆپ يېقىن، ئەزىز دوستلارنىڭ توغرا چۈشۈنىشىنى ئۈمۈد قىلىمەن.
بۇ يازمىنى ئاخىرىدا   ئايقۇت تەھرىرلىگەن. ۋاقتى  2012-7-17 08:09  

بارلىق ئەزىزلەرنىڭ سەپىرىنىڭ كۆڭۇللۇك بۇلۇشىنى،تىننىڭ سالامەتلىكنى تىلەيمەن.