شىمالغا سەپەر   [ئۇلانما كۆچۈرۈش]

حۇشاللىق ئىچىدە روھلىنىپ كىلىپ،ياحشى ئەسەرلەرنى يىزىشىنى ئۇمىد قىلىمەن.

        قېرىنداشلىرىمىزنىڭ غۇلجىدىكى كۈنلىرىگە خاتىرجەملىك ۋە يېڭى مەنىلەر تىلەيمەن!

گۇلباھار،پاتىگۈل،ئاتىكەم غۇلجىدىكى سەپىرڭىلار بەك ئالدىراش بولۇپ كەتتىمۇ نىمە؟ سۇرەتلەرنى ئانچە-مۇنچە يوللاپ بىزنى خەۋەردار قىلساڭلار بولاتتى.

بۇ مۆھتىرەملەرنىڭ سەپىرى كۆڭۈللۈك بولغاي. شىمالدىكى يازغۇچىلارنىڭ كارامىتىنى بۇلتۇر گۇمىدا راسا كۆرگەنىدىم. ئۇلار مەندە ئاجايىپ يۇمۇرىستىك تەسىراتلارنى قالدۇرغانتى. ئۇلار ھېچنەرسىدىن غەم قىلمايدىغاندەكلا خۇشال يۈرىدىكەن. جەنۇبلۇقلاردەك ئېغىر ياشىمايدىكەن. بۇ قېتىممۇ مەن غۇلجىدىكى پائالىيەت ئەڭ ياخشى بولىدۇ دەپ ئويلىغانتىم، دىگىنىمدەك بوپتۇ. بۇ مۇناسىۋەت بىلەن شىمال سەپىرىگە ئاتلانغان ئەزىمەتلەرگە، غۇلجىدىكى ئوت يۈرەك باھادىرلارغا چىن كۆڭلۈمدىن سالام يوللايمەن. سىلەرنىڭ سالغان داستىخنىڭلارغا داخىل بولغاندەك بولدۇق. بۇ يازمىنى ئاخىرىدا   كۆزگۈ تەھرىرلىگەن. ۋاقتى  2012-7-15 14:52  

ھۆرمەتلىك يازغۇچىمىز تۇرسۇنجان مۇھەممەت ۋە مەتتۇرسۇن ئۇبۇلقاسىملار ئارقىلىق شىمال سەپىرىدىكى بارلىق قەلەمكەش دوستلارغا سالام!
تۇرسۇنجان ئاكا، سىزنىڭ مۇبارەك بېشىڭىزنىڭ ‹‹ئاق قاشتېشى››دەك قىممەتلىك ئىكەنلىگىنى ئۇلار ئاخىرى بايقىۋاپتۇ. مۇبارەك بولسۇن! شىمال سەپىرىدىكى چاقچاقلاردىن ‹‹زەللە›› ئالغاچ كىلەرسىز!
مەتتۇرسۇن ئاخۇن، قاچانلا قارىسام ئىشخانىڭىزدا توختىماي ئەسەر يازاتتىڭىز،  شەتسڭز رىفلىكىس قا كۈنۈپ قالغان قوللىرىڭىز بىكار تۇرۇپ بىئارام بوپ كەتكەنسىزمۇ؟ ئەگەر ئوغرىلىقچە يازغان بولسىڭىز يوللاپ قويارسىز.

ئۇلار تاغدىن چۈشىۋالغۇچە غەيرەت قىلىڭلار ھە!....

ۋايجان !!! ئاتىكەم خانىم ئەجەب ئىچىمنى قايناتتى ! نىمدىگەن لاتاپەتلىك دەيمەندە ! خۇددى شېئىرلىرىدەكلا !!! بىر چېقىۋالمىساق بولماپتۇ !

ئاتىكەم سىدىققا چاقچاق

سالام سىزگە جان ھەدە ،
ئەجەب تىژلىق تۇرۇپلا .
تۆت تال گىياھ ئىچىدىن ،
تۆت قۇلاقتەك ئۈنۈپلا .
تۇمارلىرى بارمىكىن
بويلىرىغا ئېسىلغان
كۆز تەگمىسۇن دەيمەندە
جاھانغا ئوت قويۇپلا .

شېئىرلىرىڭىز يىقىملىق
ئەجەب ئاققان دېڭىزدەك
يارا قىلدى يۈرەكنى
تومۇزدىكى ئېڭىزدەك
بەرگۈلۈكنىڭ بارىنى
خۇدا سىزگە بەرگەنمۇ
قايناپ كەتتى ئىچىمىز
ئىچىتىلغان قىمىزدەك .

ياكى ئېيتىڭ ئۆزىڭىز
چۆچەكتىكى ئايالمۇ
ياكى مەجنۇن ساراڭلار
ئىچىدىكى خىيالمۇ
ياكى چوقۇم قاچتىڭىز
ئەپسانىنىڭ ئىچىدىن
ھىبە ئاتلىق تەڭرىچە
كۆيەر قالماي ھايالمۇ .

چاقچاق قىلدۇق كۆڭلىمىز
سىزگە يېقىن بولغاچقا
كۈلكىڭىزىڭ ئىچىدىن
موننالىزا تامغاچقا
مەڭگۈ - مەڭگۈ مۇشۇنداق
ياپياش تۇرۇڭ ، ياش تۇرۇڭ
قەلبىڭىزدە ھەركۈندە
ئاي ئون تۆتكە تولغاچقا !

بۇ يازمىنى ئاخىرىدا   Kvz تەھرىرلىگەن. ۋاقتى  2012-7-15 16:13  

ئۇستاز ۋە ئاكا سۈپەت يازغۇچىلىرىمىزدىن ياسىنجان سادىق ، تۇرسۇنجان مۇھەممەت ، ئۆمەر مۇھەممەتئىمىن كىروران ، ئابلىكىم تالىپلارنىڭ شىمال سەپىرىدە يېڭى تۇيغۇلارغا چۆمۈپ ، يېڭىچە ئەسەرلەرنى مەيدانغا كەلتۈرىدىغانلىقىغا ئىشىنىمەن . ياسىنجان ئاكا  شىمالدىكى مۆھتىرەم يازغۇچىمىز مەمتىمىن ھوشۇرغا ، شېئىرلىرىنى ياقتۇرۇپ ئوقۇيدىغان شائىرلاردىن ئاسىمجان ، شەۋكەت رۇستەم ، ئابدۇخىلىل مىر خىلىل ، ئەكرەم ئابدۇمىجىت ، زەپەرىلەرگە مەن جەنۇپلۇق ئىنىڭىزنىڭ سالىمىنى يەتكۈزۈپ قويارسىز . قايتىپ كەلگىنىڭىزدە ئاغزىڭىزدىن شىمال سەپىرىنىڭ ھىكايىسىنى ئاڭلىغىلى بارىمەن . ئامان بولۇڭلار ئۇستازلار .

12-چىسلا زارىققان دەملەر يېتىپ كېلىپ جەنۇپتىن كەلگەن بارچە ئەزىزلەر بىلەن كۆرۈشۈپ ئىلى دەرياسى«چولپان ئەدىبىيات مۇكاپاتى»نى تارقىتىش يىغىنىغا بىللە قاتناشتۇق. چۈشتە غۇلجا شەھرى دۆڭمەھەللە شىپاڭ ئارامگاھىدا ھەمسۆھبەتتە ۋە تاماقتا بىللە بولدۇق.
دىل سۆيۈنگەن،كۆڭۈل قىيمىغان،كۆز ئارقىدا قالغان  بىر يېرىم كۈنلۈك كۈتۈشتىن كېيىن 14-چىسلا سائەت 11 لەر بىلەن توقۇستاراغا يېتىپ كەلگەن ئەزىز قەلەمكەشلىرىمىزنى ئېلىپ توقۇستارا تەلىم جىرغىلاڭ تاغلىق ساياھەت ئورنىغا بىللە چىقىپ كەتتۇق.
يول بويى بولۇنغان قىزىقارلىق پاراڭلار، مەن غۇلجىدىكى ئايرىلىشتىن كېيىن تېزرەك كۆرۈشۈشنى كۈتكەن دوستۇم گۈلباھار ۋە ئاتىكەم،پاتىگۈللەر ھەم باشقا بارلىق قەلەمكەش ئۇستازلىرىمىز،دوسىتلىرىمىز بىلەن ئۇزۇن يولنى قىسقا ھىساپلاپ سائەت بىرگە ساڭگىلىغان دەقىقىدە گۈزەل ساياھەت مەنزىلى بولغان تەلىمگە يېتىپ باردۇق.
ئۇ يەردىكى تاماقلىنىش،كۆڭۈل ئېچىش ۋە ھەمسۆھبەتتە بولۇشلار تولىمۇ كۆڭۈللۈك ۋە مەنىلىك بولدى. بولۇپمۇ چۈشلۈك تاماقتىن كېيىن كۈچ سىنىشىپ ئارقىدا قالغانلارنى توۋلىشىپ،باشتا چىققانلارغا ھەۋەس قىلىشىپ تۇرۇپ تاغلىق چوققىغا يامىشىپ چىقىش پائالىيىتى بەكلا قىززىدى ۋە ئۇنتۇلغۇسىز تەسىراتلارنى قالدۇردى.
تاغ يېرى يامغۇر يېرى..دىگەن  قاراشلار جەنۇپتىن كەلگەن مىھرى ئاتەش قېرىنداشلىرىمىزنىڭ تەپتى بىلەن ئاستا ئۆزىنى چەتكە ئالدى ئەتىمالىم، كۈن شۇ قەدەر ئوچۇق بولدىكىن نۇرلىنىپ چىققان قوياش،تاغ باغرىدىن كېلىۋاتقان جانغا ھوزۇر سالقىن شاماللارنىڭ يەلپۈشلىرى، تاغ جىراسىدىكى دەريا سۈيىنىڭ يېقىملىق شاۋقۇن بىلەن سۈپ-سۈزۈك چەشمىلەرنى چاچرىتىپ ئېقىشلىرى.. ھەيھات..ھەممىنىڭ دىلىدا شۇ قەدەر ئېسىل لېرىكىلارنى تۇغدۇردى.(ئىھتىمال بۇ لېرىكىلارنىڭ لەززىتىنى بۇ .ئېزىز قەلەمكەشلەر ماكانلىرىغا ئامان-ئېسەن بېرىۋىلىپ خاتىرىدىن شۇنداقلا كۆڭۈل خاتىرىلىنىڭ پىنھان بەتلىرىدىن ئېلىپ چىقىپ تۆككەندە  ئايرىم سۈرۈشىمىز مۇمكىن)
قىيا-چىيا بىلەن 2 سائەتتەك جەڭ قىلىپ چوققىغا چىقىۋالغاندىن كېيىن كۈن پاتارغا ئەگىشىپ تىك تاغدىن چۈشۈشتىكى قىيىنلىقلار ۋە بۇنىڭ لەززىتى....
كەچتە تاغ ھاۋاسىدا تازا ئاچقان ئىشتىھالارغا ياققان يەرلىك ساپ ئوت-چۆپ يەپ چوڭ بولغان قوينىڭ گۆشىدە قىلىنغان نارىن چۆپ ۋە باشقا سەي-قورۇمىلار ..شۇنىڭ بىلەن باشلانغان كەچلىك كۆڭۈل ئېچىش،پىكىر ئالماشتۇرۇش ئولتۇرۇشى...
ھەممىمىز  ياتاقلىرىمىزغا قايىتقاندىن كېيىن يېرىم كېچىدە ئۈنلۈك  ئاۋازى بىلەن بىزنى ئۇيغىتىۋەتكەن شىددەتلىك يامغۇر...

كېچىدىكى ئەپتىدىن خۇددى چېلەكلەپ يېغىپ كەلكۈن ئېلىپ كېلىدىغاندەك تۇيۇلغان يامغۇرنىڭ ۋەھىمىسىنىڭ ئەكسىنچە تاڭ سەھەردە كۈلۈپ چىققان چىرايلىق قوياش،ياپيېشىل ئوت-چۆپلەردە يالتىراپ تۇرغان يامغۇرنىڭ ئاخىرقى تامچىلىرى ۋە سەھەر شەبنىمى...ھەممىسى شۇ قەدەر گۈزەل خۇددى بىر مۇنچە ئەركەك قەلەمكەشلەر ئارىسىدا ۋاللىدە چاقناپ تۇرغان گۈل كەبى ئايال قەلەمكەشلىرىمىز گۈلباھار،ئاتىكەم،پاتىگۈللەردەكلا...
بۇلارنىڭ ھاياجىنى تېخىچە دىلىمدا، يۈرىكىمدە كۆزلىرىمدە،لەۋلىرىمدە ،كۇنۇپكا تاختىسىنى بېسىۋاتقان مۇنۇ قوللىرىمدا..
مەن كۆزۈم قىيمىغان ھالدا ئەتىكى خىزمەت مۇناسىۋىتى بىلەن بۈگۈن چۈشلۈك تاماقتىن كېيىن ئىلاجىسىز ئۇلار بىلەن خوشلىشىپ قايتىپ كەلدىم.كېلىپلا يەنە ئۇلارنى سېغىنىۋاتىمەن،كۆڭلۈمدە چۈشتە ئەيبۇكامنىڭ «ياق توقۇستاراغا چۈشۈپ تاماق يىمەيمىز، ئەمدى ئۇدۇللا مايتاغقا قاراپ ماڭىمىز»دىگەن كەسكىنلىكىنىڭ ئۆزگىرىپ ئەتىلىككە توقۇستارا ناھىيە بازىرىدا بىر توختاپ  بىر قېتىملىق تاماقلىنىشتا يەنە ئۇنتۇلغۇسىز ھاياجان ۋە تەسىراتلارنى قالدۇرۇشنى بەك..بەك تىلەۋاتىمەن،ئۈمىد قىلىۋاتىمەن !!

بۈگۈن سائەت 8 لەر بىلەن  مېھمانلار تەلىم ساياھات ئورنىدىن يولغا چىقىدۇ .

  قۇت بولسۇن ،-سادىر نەپەسلىك ئىلى ئوغلانلىرىنىڭ غورۇرلۇق قۇچاقلىرىغا....

  قۇت بولسۇن ،-ئەجداد ئىپتىخارى پورەكلىگەن پەخىرلىك ئىلى زىمىنىدا ئەزىزلىرىمىزنىڭ قەدەملىرگە...

                            شادلىق ھەم ئىلھاملىرىڭلار زور بولغاي.......
بۇ يازمىنى ئاخىرىدا   (ئۈمىد) تەھرىرلىگەن. ۋاقتى  2012-7-16 11:51  

ئابدۇخېلىلكا،ئاخشام كېلىۋاپسىزدە سىزمۇ...

بۈگۈن ئەتىگەن سائەت 6.30بىلەنلا ئەتىگەنلىك ناشتىلىقنى يەپ يولغا چىققان ئەزىزلىرىمىز  8 بولمايلا توقۇستارادىن ئۆتۈپ قۇيۇندەك چاپقىنىچە ئۇدۇللاپ مايتاغقا يول ئالدى. خەيىر..سەپىرىڭلار ئوڭۇشلۇق بولسۇن ئەزىزلەر!!

توققۇزتارادىن ھارماي ئۆتكەن يازغۇچىلارغا مۇبارەك بولسۇن. قەدەملەردىن ئىللىغان دىللاردىن ئويناقلاپ ئېقىۋاتقان ئىلى دەرياسىنىڭ سۈيىدەك سۈزۈك تۇيغۇلارنىڭ ئاپىرىدە بولۇشىنى تىلەيمەن. ئامان بولۇڭلار.

كىشىلىك ھاياتنىڭ قىممىتىنى يازغۇچى -شائىرلار بىلەن بىرگە بولغاندا تېخىمۇ چوڭقۇر ھېس قىلغىلى بولىدىكەن.