شىمالغا سەپەر   [ئۇلانما كۆچۈرۈش]

شىمال سەپىرىدىكى بارلىق ئەزىزلەرنىڭ مايتاغدىكى پائالىيىتىنىڭ كۆڭۈللۈك بولۇشىنى تىلەيمەن.

     بۇ تېمىدا بىزگە خەيرلىك تىلىگەن ۋە سەمىمىي سالام يوللىغان قەلەمكەش دوستلارغا سەمىمىي تەشەككۇر. ئالدى بىلەن  بۇ پائالىيەتىنى تەشكىللىگەن شىنجاڭ يازغۇچىلار جەمىيىتىگە، پائالىيەتنى كونكىرت تەشكىللەش، ماسلاشتۇرۇش ئىشلىرىدا رولىنى تولىمۇ ئۈنۈملۈك جارىي قىلدۇرغان  غەيرەت ئاسىم ئاكا ۋە ئەيبۇ ئاكىغا چىن كۆڭلۈمدىن رەھمەت ئېيتىمەن. بىزگە سەمىمىي تىلەكلىرىنى بىلدۈرگەن ياسىنجان ئۈمىد، بۈركۈت، ياسىنجان توخنىياز توغراق قاتارلىقلارغا مەندىن سالاملار بولسۇن!

ئەسسالامۇ ئەلەيكۇم قەلەمكەش دوستلار! ماڭا بۇنداق ئەدەبىي  تۇرمۇشنى باشتىن كەچۈرمىگىنىمگە خېلى يىللار بولغان ئىدى. بۇ قىتىم ئاپتونوم رايونلۇق ئەدەبىيات-سەنئەتچىلەر بىرلەشمىسى ۋە شىنجاڭ يازغۇچىلار جەمىيىتىنىڭ رەھبەرلىگىدە بۇ سەپەرگە مۇشەررەپ بولغىنىمدىن ئىنتايىن خۇرسەنمەن.بۇ سەپەر مەن ئۈچۈن ھەقىقەتەنمۇ خەيرلىك بولدى. ساھىپخان يۇرت رەھبەرلىرى ۋە ساھىپخان قەلەمكەش دوستلار بىزنى ئىنتايىن قىزغىنلىق بىلەن كۈتىۋالدى. ھەم بىزگە ھەمراھ بولۇپ ھەپىرىمىزگە مەزمۇن قوشتى. بۇ سەپەردىكى ھاياجىنىمنى بەلكىم ھامىنى نامايەن قىلىمەن. دوستلىرىمنىڭ مەندىن كۈتكەن ئۈمىدىنى يەردە قويمايمەن.

شىمال سەپىردىكى قەلەمكەش دوستلارنىڭ مايتاغ دىيارىغا ساق-سالامەت يېتىپ كەلگەنلىكىدىن تولىمۇ خۇش بولدۇق.ئاخىرىقى مەنزىلىڭلار بولغان مايتاغ دىياردىكى كۈنلىرىڭلار خەيرىلىك بولغاي!

كۇنلىرىڭلار مەنىلىك ئۆتكەي،باسقان ئىزىڭلاردىن حۇشپۇراق گۇللەر ئۇنگەي ئەزىزلەر.

ئەسسالامۇ ئەلەيكۇم دوستلار! بىزنىڭ بۇ شىمال سەپىرى داۋامىدا بىزنىڭ سەپەردىشىمىز،يازغۇچى مەتتۇرسۇن ئوبۇلقاسىمنىڭ « قىزارغان ئۇپۇق» ناملىق رومانى شىنجاڭ خەلق نەشىرياتى تەرىپىدىن نەشىر قىلىنىپ بازارغا سىلىنىپ،بىزنىڭ بۇ سەپىرىمىزگە يەنە بىر يىڭى بىر مەزمۇن قوشتى.
يازغۇچى مەتتۇرسۇن ئوبۇلقاسىم كېرىيە ناھىيىلىك ئەدەبىيات-سەنئەتچىلەر بىرلەشمىسىنىڭ دائىمى مۇئاۋىن رەئىسى،باش كاتىۋى.ئۇنىڭ بۇندىن بۇرۇن 70 پارچىغا يىقىن ھىكايە،نەسىرى،14 پارچە ئەدەبىي ئاخباراتى،10 پارچىغا يىقىن ئىلمىي تەتقىقات ماقالىسى،8 پوۋستى ئېلان قىلىنغان. «بۇ شۇنداق جاھان»، «ئوتلۇق نەپەسلەر» ناملىق رومانلىرى نەشىر قىلىنغان. يازغان،يىزىشقا قاتناشقان،تۇزگەن،تۇزۇشكە قاتناشقان 12 پارچە كىتاپ نەشىر قىلىنغان.
ئۇ ھازىر شىنجاڭ يازغۇچىلار جەمىيىتنىڭ ئەزاسى،«يىڭى قاشتىشى» ژورنىلىنىڭ تەھرىر ھەيئىتى،«كېرىيە» ژورنىلىنىڭ مۇئاۋىن باش مۇھەررىرى.
مەن بۇ يازغۇچى دوستۇمنىڭ بۇندىن كىيىنكى ئىجادىيىتىنىڭ تېخىمۇ بەركەتلىك بولىشىغا تىلەكداشمەن.

يازغۇچى مەتتۇرسۇن ئوبۇلقاسىمنىڭ « قىزارغان ئۇپۇق» ناملىق رومانىنىڭ شىنجاڭ خەلق نەشىرياتى تەرىپىدىن نەشىر قىلىنىپ بازارغا سېلىنغىنىغا مۇبارەك بولسۇن!بۇ ھەمىمىز خۇشال بولغۇدەك چوڭ ئىش ئىكەن.بۇنىڭدىن كېيىنكى ئىجادىيىتىگە ئۇتۇق تىلەيمەن.

Kvz قېرىندىشىم، رەھمەت سىزگە ! يازغان شېئىرىڭىزدىن سۆيۈندۈم، گەرچە سىز تەسۋىرلىگەندەك بولمىساممۇ لېكىن كۆڭۈل دېگەن ياخشى گەپتىن سۆيۈنىدىكەن. سىزگە ھەم بارلىق قېرىنداشلىرىمىزغا ياخشىلىقلار يار بولسۇن! بۇ يازمىنى ئاخىرىدا   ئايقۇت تەھرىرلىگەن. ۋاقتى  2012-7-17 08:10  

شىمال سەپىرىدىكى ئەزىزلەرگە ئېھتىرام، مەتتۇرسۇن ئاغىنە، «قىزارغان ئۇپۇق» لىرىڭغا مۇبارەك. سەل بىي سەمىرىپ كەلسەڭ تېخىمۇ يارىشىتتى، تۇرسۇنجان ئاكىمىزنىڭ تېخىمۇ روھى ئۆسۈپ، بەردەم قەلەملىرى بىلەن پاك تۇيغۇلىرىنى يۇغۇرۇپ، يەنە ئېسىل يازمىلارنى سۇنىدىغانلىقىغا، ياسىنجان ئاكىمىزنىڭ تېخىمۇ سۈزۈكلىشىپ، باھادىرانە تەن ۋە روھىنىڭ ساغلام بولۇپ كېتىشىگە تىلەكداشمەن. تۇرغۇن جالالىدىن، ئىنىمىز يانغىنغا سۈزۈك تۇيغۇلار يار بولغاي.

سەپىرىڭلار كۈنۈڭلار ئەھمىيەتلىك،كۆڭۈللۈك بولغۇسى!!!ھەممىڭلارغا ئۇتۇق يار بولسۇن!!!

بۇ سەپەردە رەسىمگە چۈشمەپسىلەردە ،زاتى مۇبارەكلەر

7-ئاينىڭ 10-كۈنى ئۆمەك ئەزالىرى بۆرتالا شەھەرگە قاراشلىق چىندىل يېزىسىنىڭ ئەسلىھە ئىگىلىكىنىڭ ئۈلگە كۆرسىتىش بازىسى ۋە سەبدە گۈل يىتىشتۈرۈش مەيدانىنى زىيارەت قىلىشقا كەتتى . بۇ كۈنى چوغلانبەگ ئاكامنىڭ سالامەتلىكى يار بەرمەي (ئەتىگەندە دوختۇرخانىدا ئاسما ئاستۇرغان ئىدى ) زىيارەت ئۆمىكىدىن ئايرىلىپ  قالغان ئىدۇق . ئۇكۇل تۈگىگەندىن كېيىن سالامەتلىكى خېلى ياخشىلىنىپ قالدى . شۇنىڭ بىلەن بۆرتالادىكى چوغلانبەگ ئاكامنىڭ قىزغىن ئوقۇرمىنى ئادىلجاننىڭ ھەمراھلىقىدا تۇلىمۇ ئەھمىيەتلىك بولغان بىر زىيارەت ئېلىپ باردۇق . ئۇ بولسىمۇ __ بۆرتالا شەھىرىنىڭ شىمال تەرىپىدىكى قىرىق كىلومېتىر يىراقلىققا جايلاشقان دالتۇ قەدىمى شەھەر خارابىلىقى . بۇ شەھەر مىلادىي 600- يىلى قۇرۇلغان بۇلۇپ ،تەخمىنەن مىلادىي 1200 -يىللىرى بىر قېتىملىق جەڭدە ۋەيران بولغان .( شەھەرنى بويسۇندۇرالمىغانلىقى ئۈچۈن سۇغا باستۇرۋىتىلگەن ئىكەن ) ھېلىمۇ شەھەر سېپىلى ۋە شەھەر دارۋازىسىنىڭ ئىزنالىرى روشەن كۆزگە چېلىقىپ تۇرىدۇ . تۆۋەندە شۇ زىيارەت كارتىنىسىدىن بىر نەچچە پارچە سۆرەت ھۇزۇرۇڭلاردا بۇلىدۇ :

7-ئاينىڭ 10-كۈنى كەچتە بۆرتالا شەھرىدىكى قەلەمكەش دوستلار ''ئابدىشۈكۈر ئارامگاھى '' دا زىيارەت ئۆمىدىكىلەرگە چاي بەردى . داستخان شۇنچىلىك مول ، كەيپىيات ناھايىتى قىزغىن داۋاملاشتى . بۆرتالا شەھرىدىكى ۋە ئۆمىكىمىزدىكى شائىرلار بەس -بەستە مۇشائىرە قىلىشتى . سازەندىلەر خەلق ناخشىلىرىنى ۋايىغا يەتكۈزۈپ ئۇرۇندىدى ، بۆرتالا ئوبلاستلىق ئەدەبىيات سەنئەتچىلەر بىرلەشمىسىنىڭ باش كاتىپى ئا.ئۇيۈن خانىم زىيارەت ئۆمىكىدىكى ھەربىر ئەزاغا ئاتاپ مۇڭغۇل قائىدىسى بۇيىچە ناخشا ئۇقۇپ چاي تۇتتى . (بۇ خانىمنىڭ ئۇيغۇرتىلىنى تۇلىمۇ چىرايلىق سۆزلىشى ھەربىر ئۆمەك ئەزاسىدا چوڭقۇر تەسراتلارنى قالدۇردى )
چوغلانبەگ ئاكام بىلەن ئىككىمىز چۇشتىن بۇرۇنقى پىلانىمىز بۇيىچە بۇ قىزغىن سورۇندىن كۆزىمىز قىيمىغان ھالدا ئايرىلىپ ، بۆرتالا شەھرىدىكى ئادىلجان ، ئەيساجان ( بىر سوم پىلانىنىڭ تەشكىلىگۈچىسى )،يەنە چوغلانبەگ ئاكامنىڭ قىزغىن ئوقۇرمەنلىرىدىن بىر نەچچەيلەن بىزنى بۆرتالا شەھەر ئەتراپىدىكى چىندىل يېزىسى تەۋەسىگە جايلاشقان '' ئالتۇنلۇق  شەھەر خارابىسى ''غا باشلاپ باردى . قاراقىتان خانلىقىنىڭ ئاخىرقى دەۋرىگە تەۋە بۇ قەدىمى شەھەر خارابىسىنى زىيارەت قىلىپ ئەجدادلىرىمىزنىڭ ياشاپ ئۆتكەن قەدەم ئىزلىرىنى كۆرگەندەك ۋە ئۇلار ياشىغان شۇ دەۋرىگە قايتقاندەك تۇيغۇغا كەلدۇق .

‹‹تەلىم››دىكى خاتىرە

تاغلارنى يۆلەيدۇ تاغلار تۇتۇشۇپ ،
جاراڭلار قارغاينىڭ يېشىل ناخشىسى .
قۇچاغلاپ قويغاندا تۇيغۇڭنى تاغلار ،
قولۇڭغا قەلەم ئال جانىم  ياخشىسى ...
ئىككى كۈن ، ئىككى تۈن سىرداشتۇق تاغدا ،
بۇ جىلغا ھېس قىلدى دىللارنى شۇئان .
ۋۇجۇدقا ئاققاچقا ئويغاق ، شاش ئېقىن ،
غازىباي ، كىرۇران ، ئابلىز ، تۇرسۇنجان  
ھاياجان ئىچىدە بولدى  ئوت ،  ئارمان .
ئۇزاقتىن ـ ئۇزاققا باقتى ئايقۇتمۇ ،
بۇ كۆركەم تاغلارغا زوقلۇنۇپ دىلدىن
جىسمىدا چاقنىغاچ كۆك رەڭلىك چىقىن ...
رەڭلەردىن تۇيغۇسى چوغلانغان تۇرغۇن ،
تاغلارنىڭ روھىغا قېتىلىپ كەتتى .
ئىچىدىن تېشىغا يۈكسەلدى تارىخ
قۇمۇللۇق سەمەتنىڭ قىلغان سۆزىدىن
مەتتۇرسۇن پاللىدە يورۇپ ئۆزىدە  
چوقىلار روھىدىن ئەرىشكە يەتتى .
ئەخەتمۇ ئۆزىنى سىلكىدى بىر رەت
تاڭلارنى كۆردى ئۇ يېشىل ئاۋازدىن .
ئاتلارنىڭ كىشنىشى ئېزىز ھېيت كۈننى
بىر ياڭراق ناخشىغا باشلىدى قەۋەت ...
ئا.تالىپ سۆيۇنۇش ئىچىدە يورۇپ
قەلبىگە يېزىلدى شېئىر بوپ پەقەت ...
باغرىمىز قانمىدى ئانا تاغلارنىڭ
گۇپۇلدەپ تۇرغان شۇ چەكسىز ئوتىغا .
راست ئىدى ، ساپ ئىدى  سۆزلەنگەن سۆزلەر
بۇ بەلكىم بىر تارىخ بوپ قالار بۇندا .
مەمتىمىن ھوشۇركام ، ئابلىمىت سادىق
سۆزلىگەن شۇ سۆزلەر تاغلار ئېسىدە
مارجاندەك نۇرلۇنۇپ قالىدۇ ئېنىق ...
دىللارنى باغلىغان بۇ ئوت مەڭگۈگە
يىلىنجاپ ئېرىتار ھەتتا تاشلارنى .
پۆرەكلەپ كېلىدۇ جەزمەن ئىلھاملار
جەنۇپقا ، شەرقكە يەتكەن شۇ كۈنى .
قەشقەردە ، خوتەندە ، ئاقسۇ ، تۇرپاندا
سورايدۇ سېلەردىن پەقەتنى شۇنى .  
گەر سوراپ قالغاندا دەيسىلەر بەلكىم،
جاراڭلاپ تاغدىكى ئەكىس سادادەك :
‹‹ سادىرنىڭ ئىزلىرى تاغلاردا باركەن ،
قاش سۇيى لوتۇننى سۆزلەپ تۇراركەن  
ئابرال ئۇ غېنىنىڭ رىۋايىنى -
نۇر قىلىپ دىللارغا چېچىپ تۇراركەن ›› ...
دېسەڭلەر ، بۇ زىرەك مېھنەتلىك تارىم ،
توغراققا يازىدۇ يېشىل خەت قىلىپ
يۇسۇپنىڭ ، ماخمۇتنىڭ قەلىمى بىلەن .
شۇندا بۇ سالاملار يېتەركەن تولۇق
ۋەسلىگە ، پەسلىگە باھارنى ئېلىپ .
مەن پىقىر شەۋكىتى شۇندا زۇقلۇنۇپ
كېلىمەن دوستلۇقنىڭ تەمبىرىن چىلىپ .
جان جىگەر قەلەمداش دوستلار تاغلاردەك
بۇ سەپەر يولىدا مېڭىڭلار تۇغ بوپ
جەۋلان قىپ ئاسماننى لەرزىگە سېلىپ ...
2012-يىلى16-ئىيۇن
تەلىم تېغى – غۇلجا