شىمالغا سەپەر   [ئۇلانما كۆچۈرۈش]

غازى ئوغلى، ،، قاتارلىق شائىر يازغۇچىلارنىڭ خوشال- خورام سەپەر قىلىشىنى ئۈمىد قىلىمەن.

   ئەدەبىياتىمىزنىڭ ئەتىسى ئۈچۈن ئىزگۈ ئۇچىرشىشلار، سەمەرىلىك قەدەملەر بارغانسىرى كۆپىيىۋاتىدۇ... مۇشۇ ئىشلارنى ۋۇجۇتقا چىقارغۇچى ئازات مۇئەللىم باشچىلىغىدىكى يازغۇچىلار جەمىيىتى رەھبەرلىرىمىزنىڭ تېنى سالامەت، ئۆمرى ئۇزۇن بولغاي..-بۇ ئىشلارنى  تەشەببۇس قىلىپ روياپقا چىقرىش يولىدا ھارماي تىرىشقان ئەيبۇ ئاكىمىزنىڭ ئايىغىدىن گۈللەر ئېچىلغاي...

   بۇ قېتىم شىمالنى ئايلىنىش سەپىرىگە ئاتلانغان ئۇستاز ئەدىبلىرىمىزنىڭ -تورداشلىرىمىزنىڭ سەپرىگە ئاقيول بولسۇن... مۇبارەك بولسۇن ئەزىزلەر..

   ساھىبخان ئىبراھىم نىياز ،ئوسمان قاۋۇل، دولقۇن تۇرغۇن ئاكىلارغا مۆلجەر تاغ باغرىدىن سالام....
بۇ يازمىنى ئاخىرىدا   (ئۈمىد) تەھرىرلىگەن. ۋاقتى  2012-7-8 14:49  

                                                            سالام نامە

                                                                 (نەسر)  

                                                         ئەزىز ئەيسا كۆكتۇغ

شىمالغا ،جۇڭغار –ئابرال ۋادىلىرىغا ئۆگىنىش ،زىيارەت ئۈچۈن  يولغا چقىدىغان كۈنىنىڭ ھارپا كىچىسى. سەپەر شاتلىغى مەستخۇشلىغىدا شۇنداق  تاتلىق  -شىرىن چۈش كۈرۈپتىمەن …
چۈشۈمدە دولان دەرياسى ۋادىسىدىكى  ياپ –يېشىل بوستانلىق  گۈلزارلار ئارا سەيلە قىلىپ  كېتىپ بارغۇدەكمەن …سەلكىن شاماللار  قاناتلىرىنى  يىنىككىنە قېقىشىپ ئۈچۈپ كېلىپ مىنى ،ئەركىلىتىپ باغاش ئەتكۈدەك ،
يېشىل ياپراقلار بىر بىرسىدىن گۈزەل بىر بىرسىدىن  رەڭدار گۈل بەرگىلىرى   يۈزلىرىدە قۇياشنىڭ ئوتلۇق  نۇرلىنى چاقنىتىپ ، كۆزلىرىدىن ھاياجان  شەبنەملىرىنى   سىرغىتىشىپ تۇرۇپ چاۋاكلار چالغۇدەك،
ئۇلار ماڭا شۇنداق مۇھەببەتلىك ئوتلۇق تىلەكلەرنى ئېيتقۇدەك :
-مۇبارەكلەر  بولسۇن ! مۇبارەكلەر  بولسۇن !،سالامىمىزنى ،دۇئالىرىمىزنى جۇڭغار –ئابرال ۋادىلىرىغا يەتكۈزسىڭىز –دەپ چۇرقۇراشقۇدەك،
باغىستاندىكى   بۇلبۇل،كاككۇك،تورغاي ،سۇندۇك، تۇرلىغا ،قارا غۇجىلار بەس-بەس بىلەن سايرىشىپ  شۇنداق خىتاپلار قىلغۇدەك :
-بىزنىڭ سالامنامىلىرىمىزنى  مەرھۇم داۋۇتجان ناسىرى ،رۇزى تەمبۇر بوۋىلىرىمىزغا ،نۇرمۇھەممەت تۇرسۇن ، سەنۇبەر قاتارلىق ئىلى بۇلبۇللىرىغا ئالغاچ كەت !
چەكسىز كەتكەن يېشىل ئېتىزلاردىن ،ئېكىنزارلاردىن ياڭراق  ئىلتىجالار جاراڭلىغۇدەك :
-نۇرلۇق قۇياشتىن تىمسال ئالغان  قىزىرىپ بىشقان شىرمەت نانلىرىمىزدىن جۇڭغاردىكى نىفىتچىلارغا ،ئىلى -ئالتاي يايلاقلىرىدىكى  چارۋىچى ،يىلقىچىلارغا ئالغاچ كەت! بىزنىڭ ئۇلارغا بولغان مۇھەببىتىمىز ھۆرمىتىمىز قۇياشقا ئوخشاش ئوتلۇق ھەم مۇقەددەس  …!!!
بۇلۇتلارغا تاقاشقان  ئىگىز قارلىق چۇققىلار ئارىسدىن  شارقىراپ ھەيۋەت بىلەن ئېقىپ چۈشىۋاتقان تارىم دەرياسىدىن سادا كەلگۈدەك:
-ئەزىز ئوغلۇم …سالامىمنى ،سادايىمنى ،ئىلى ،ئىرتىش دەرياسىغا  يەتكۈز –دىگۈدەك!!!  
ئاقسۇ جەنۇبى شەھەر رايونى يار بۇيىدا ھاسىسىغا تايىنىپ ، ئۇچتەك   ئاقارغان  ساقال بۇرۇتلىرىنى  ئاپئاق تونى سەلكىن شامالدا يەلپۈنۈپ تۇرغان  پەرىشتە سۈپەت بۇزرۇك  بوۋىمىز  خاراباتىنىڭ قۇبۇلىغا مۇيەسسەر بولدۇم .
بۇزرۇك بوۋام ماڭا شۇنداق دىگۈدەك :
-ئۇنتۇپ قالما ،شۇ جۇڭغار ،ئابرال دالالىرىغا بارغىنىڭدا  شاھ-مەشرەپ ھەزرەتلىرىنىڭ ئىشىق ھىجران  دەشىتلىرىدە قالدۇرغان ھەربىر مۇقەددەس ئىزلىرىنى تاۋاپ قىلغاچ  كەل!يەنە سەككاكى ،نازىمىلار  ئىلىم ھىكمەت –نەزمى ئەشئار گۈلىستانىدا سەيرى قىلىۋاتامدىكىن؟ئۇلارنى ئىزدەپ بېرىپ سالام بىرىپ ئۆت ئوغلۇم .ناۋادا تۇغلۇق تۈمۈرخان ئاق تۇلپارىنى مىنىپ جەڭگاھلارغا كەتكەن بولسا سەلكىىنلەردىن دۇئايىمنى يەتكۈز .تەلەي بەختىڭگە  خان ئالىيلىرى  ئوردا سەلتەنەتىدە بولسا ئايىقىغا باش قۇيۇپ ئىززەت  ئېھتىرامىمنى  بىلدۈرۈپ كەل !...
ئاقسۇ لەنگەر كۇچىسىدا قولتۇقىغا كىتاب قىستۇرۇپ ئالدىراش كېتىپ بارغان ئوت يۈرەك  شائىر ل. مۇتەللىپ بىلەن  ئۇچرىشىپ قالدىم. ئوت يۈرەك  شائىر  ماڭا شۇنداق يالقۇنلۇق خىتاپلارنى قىلغۇدەك :
-بەك ياخشى ئىش بۇلۇپتۇ ،شۇ دەمدە قانىتىم بولغان بولسا ، مەنمۇ سەن بىلەن كۆكتە پەرۋاز قىلىپ  چوڭ بۇلغان يۇرتۇم ئىلى نىلقا بويلىرىغا بارغان  ،يۇرتۇمدىكى ھەربىر چىمدىم تۇپا- تاشلارنى،ھەربىر تال گۈل-گىياھلارنى قانماي پۇرىغان ،شۇ قىبلىگاھ يۇرتۇمنى  قانماي باغاشلىغان سۆيگەن بۇلاتتىم.بۇ قىممەتلىك پۇرسەتكە ئىرىشكەن ساڭا مۇبارەك بولسۇن !شۇلارنى ئۇنتۇپ قالما،-سادىر بوۋامغا ،ئەخمەتجان قاسىم ھەم ئىلى ئۈچ ۋىلايەت ئىنقىلاۋىدا قىممەتلىك ھاياتىنى تەقدىم ئەتكەن نامسىز قەھرىمانلارغا  بولغان سالامىمنى  چۇڭقۇر ھۆرمىتىمنى  ساڭا سوغات قىلىپ تۇتاي ! …
…………………………
شۇنداق شىرىن تاتلىق چۈش كۈرۈپتىمەن ...
مانا بۈگۈن ئۈزۈم  جۇڭغار،  ئىلى ۋادىلىرىدا يۈرمەكتىمەن .
بەلكىم  مەن  بۇ يازمامنى تۈزۈكرەك يازالمىغاندىمەن  
ئەمما مەن  جەنۇب خەلقى بولۇپمۇ، ئاقسۇ ۋادىسىدىكى كىشىلەرنىڭ جۇڭغار ، ئىلى ۋادىلىرىغا  بولغان   ئوتلۇق مۇھەببىتىنى سالامنامىسىنى   ئېلىپ كەلدىم...

2012-يىل 8-ئىيۇل  .قارىماي

جەرەنبۇلاق ۋە نېفىت ئېلىش بىرىنچى سېپىدىكى زىيارەت خاتىرىلىرى

بارلىق قەلەم ساھىبلىرىنىڭ سەپىرىگە ئاق يول تىلەيمەن.

ئەزىزلەرنىڭ سەپىرىنىڭ ئوڭۇشلۇق بۇلۇشىنى ئۈمىد قىلىمەن . ئاق يول بولسۇن .........

ياسىنجان سادىق چوغلان ئاكامنىڭ تېخىمۇ چوغلىنىپ كىلىشىنى ئۈمىد قىلىمەن.

قارامايدىكى ئىككى كۈنلۈك پائالىيەتتىكى بىر قىسىم سۆرەتلەر :

سەرخىللار يىغىلىپتۇ، سەپىرىڭلارغا ئاق يول تىلەيمەن!

     يېڭى مۇھىت كىشىگە يېڭىچە ئىلھام ۋە يېڭىچە تۇيغۇلارنى، ئارزۇ-ئىستەكلەرنى بەخىش ئېتىدۇ. ئىدىيە ۋە مەنىۋىيەت جەھەتلەردە سىلكىنىش ئېلىپ كىلىدۇ.  ئۇيقۇ ئېچىلىدۇ، قەلەم شاشلىشىدۇ!....
بۇ قېتىم شىنجاڭ يازغۇچىلار جەمئىيىتى تەرىپىدىن ئورۇنلاشتۇرۇلغان «شىمال سەپىرى» نىڭ خاسىيىتى بىلەن، پەخرلىك ئەدىپلىرىمىزنىڭ مول مەنىۋى مەھسۇلاتلارنى ، تېخىمۇ ئېسىل ئەسەرلەرنى خەلقىمىزگە سۇنۇشىغا تىلەكداشمەن!... بۇ يازمىنى ئاخىرىدا   ئا.ئا.سەئىدى تەھرىرلىگەن. ۋاقتى  2012-7-8 20:49  

يوۋ........... سەيلە-ساياھەت دېگەنمۇ سالاپەتلىك كىشىلەرگە بەكرەك يارىشىدىغاندەك قىلىدۇ جۇمۇ، سۆلىتىدىن ئەيمىنىپمۇ قارىغىلى بولمايدا رەسىملەرگە ... (چاقچاق ھە)

ئەزىزلەرنىڭ سەپىرگە شادلىق ۋە يېڭىچە ئىلھاملار يار بولغاي! ئاق يول تىلەيمەن!

سەپەرلەر ئاق يوللۇق بولغاي! يانغىن ئىنىمنىڭ ئۈلگۈرۈپ كىلەلىگىنىدىن خۇش بولدۇم.

ئۇستاز ياسىنجان سادىق قاتارلىقلارنىڭ يېڭى مەنزىرىلەردىن يېڭىچە سادالارنى ياڭرىتالايدىغانلىقىغا ئىشىنىمەن .

تىلەك تەلقىنلىرى


باغرىڭغا بىر پارچە ئوت بولۇپ كىردىم ،
مېھرى ئوت ، چېھرى ئوت ، قەلبى ئوت جەنۇپ .
يۈرۈكىم ئايلاندى قايناق قازانغا ،
بېغى ئوت ، تېغى ئوت ، خەلقى ئوت جەنۇپ ....

      بۇلتۇر مۇشۇ كۈلەردىكى ‹‹ جەنۇپقا سەپەر ›› زىيارىتىدىكى تەسىرات خاتىرەمدىن ...


دىلكەشلىك ھىدى تېخى دىمىقىمدا ،
ياز خۇلۇق يالقۇن يانار تىنىقىمدا .
ئۈزۈلمەس قەلبلەرنىڭ رىشتىسىدىن ،
شىلدىرلاپ ئىزگۈ ئاقار ئېرىقىمدا .

ئاق تىلەك ، ئاپئاق يوللار ئېچىلىدۇ ،
بۇ مېنىڭ كۆكسى كۆلبە قىنىقىمدا .
كەلگۈم بار تاڭلىيىمغا تاڭنى تېڭىپ ،
بىر ئۆمۈر كۈلكە ئويناپ زىنىقىمدا .

قالمىدىم دوستلار ئارا قاراڭغۇدا ،
ياندۇرسام سەن پەرۋانە چىرىقىمدا .
تەنبىھلەر تەلقىنىدە تۈزۈتۈپ قوي ،
بولسا گەر سەۋەن - خاتا قىلىقىمدا .

كۆۋرۈكنىڭ ياغىچىنى سۇغا چىلاپ ،
چايقىغان ئىكەن مېنى قىرىقىمدا .
شۇڭا قول ئۇزاتقانلار ئۇلۇغلۇقتىن ،
ھىچقاچان بوپ باقمىغان سىنىقىمدا .

مەن كىمنى رازى قىلغان مەئىشەتتىن ،
بىر ئوچۇم ، قۇچقاچ تويماس تېرىقىمدا .
باغرىنى بارلىق قىلىپ تۆككەنلەرنىڭ ،
يامايمەن يېرىقىنى يېرىقىمدا .


بۇ يازمىنى ئاخىرىدا   ئابدۇخېلىل تەھرىرلىگەن. ۋاقتى  2012-7-9 14:37