(ئۆزھال) ناخشا تېكسىتلىرى ھەققىدە [ئۇلانما كۆچۈرۈش]

ئەسسالامۇ ئەلەيكۇم ھۈرمەتلىك يازغۇچىلار تورىدىكى بارلىق قىرىنداشلار ۋە مۇنبەرنىڭ باش تەھىرى ئەيبۇ ياقۇپ ئەپەندى . مەن  ناخشا تېكسىتى ھەققىدە يوللىغان تىما كونا مۇنبەردە قاپتۇ . ھازىر ئىزدەپ تاپالمىدىم . ئالدىنقى ئايدا تاپقانلىرىمنىڭ خەت نۇسقىسى نۇرمال كۈرۈنمىدى . بۇ تىمىنى يوللاشتىكى مەخسەت شائىرلىرىمىز  شۇ شېئىرلىرىنى بۇ يەرگە ئەكىلىپ قويۇشقا ئىمكانىيەت يارىتىش بىلەن بىرگە يەنە يىڭى يازغانلىرىنى يوللىغان بولسا ياخشى بىر ئىش بولغان بۇلاتتى دەپ قارايمەن  . مىنىڭ ئويلىغىنىم ھەرگىزمۇ يامان ئىش ئەمەس ئىدى . بۇ ھەقتە مەن قىسقا چۈشەنچە بەرگەن . ئارلىقتا جىددى بۇلۇپ قىلىپ مانا ئەمدى كىرىپ تۇرۇپتىمەن . مەن بۇ ھەقتە شائىرلارغا يەنە بىر قېتىم چۈشەنچە بىرىپ ئۈتەي .


1- سىلەرمۇ كۈرۈپ تۇرۇپسىلەر. ھازىر يالغۇز كېچىلىك كېچىلىك كۆپ ئەمەس . نېمىشقا ؟ پۇل بەك جىق كىتىدۇ . كېچىلىك قىلغۇچى بىر مۇنچە پۇلنى دەسمى سالسا يىقىن يورۇقلىرىنى بىلەت ئىلىپ قوللاش ئۇياقتا تۇرسۇن بىلەت سورايدۇ . ببىرەلمىسە خاپا بۇلىدۇ ھەتتا كېچىلىك قىلغۇچىنى تىللاپ . سېستىپ يۇرىدىغان ئەھۋاللار بار شۇڭا بىر مەيدان كېچىلىكنى مەيدانغا چىقىرىش ئاسان ئەمەس شۇڭا ناخشا تېكسىىتلىرىنى ئىشلتىىش سۈرئىتىمىز سىلەر ئويلىغاندەك بولماي قالدى .
2- بىر ناخشىنى ئاھاڭغا سىلىش خىزمىتى بەك ئىنچىكە خىزمەت . ئۇنى ئاكورىتلاشتۇرۇش ئۈچۈن ئاز دىگەندە 2000 سوم پۇل كىتىدۇ . شۇڭا بەزى ناخشىچىلىىرىمىز  بىرەر پىلاستىنكا چىقىشى ئۈچۈن سۈرەتكە ئىلىش ئىشىنى دىمىگەندىمۇ ئاز دىگەندە 60 مىڭ سوم پۇل خەجلەيدۇ . لىكىن ئۇنىڭ ساختىسى كوچىدا ئىككى سومدىن سېتىلىپ سەنئىتىمىز ئۈچۈن مەبلەغ سالغۇچىلار ئېغىر زىيان تارتىدۇ . شۇڭا مەيلى سەنئەت ساھەسىگە مەبلەغ سالغۇچىلار بولسۇن مەيلى سەنئەتكارلار بولسۇن بۇ جەھەتتە بەكلا چۈچۈپ كەتتى . قالغان ئىشلارغا سىلە ھەم مەن گۇۋاھچى . شۇنداق بولغان بىر تېكسىىتنى ئاھاڭغا سىلىپ . ناخشا قىلىپ ئىيتىپ ئىكرانغا يارىغىدەك قىلىشنىڭ ئارقا تەرىپىدە تاغدەك قيىنچىلىقلار بار بۇ مەسىلىنى چۈشىنشىڭلارنى سورايمەن .
3- ئالدىنقى قېتىم يوللانغان ناخشا تېكىسىتلەرنىڭ ھەقىقى « تېكىسىت » بۇلۇش ئۆلچىمىدىن يىراقلىرى بەكلا جىق .ئارىدا بولغىدەك دەپ قارىغانلىرىمنى مەن يىغىپ قويغان . ئۇنىڭدىن نەچچىسىنى مەن ئورخان روزى . مۇراتجان . دىلمۇرات قاتارلىق موزىكانىتلارغا بىرىپ قويغان . بەزىلىرى سەھنىگە يۈزلىنىش ئالدىدا تۇرىۋاتىدۇ . شۇڭا ما تەرەپتىن يىزىپلا ئا تەرەپتىن تېكىسىتنى بەرسەك جاۋاپ يوق دەپ مىنى ئالدىراتمىساڭلار يوللاڭلار بولمىسا يوللىماي ساقلاپ قويساڭلارمۇ بۇلىدۇ . ئەمما مەن ۋىجدانىم بىلەن شۇنداق دەيمەنكى ناخشا تېكسىىتى بۇلۇشقا ھەقىقى سالاھىتى بار ھەر قانداق بىر تېكىسىت مىنىڭ كۈزۈمدىن قېچىپ قۇتۇلالمايدۇ . شۇڭا ئۈزۈڭلار .ئىشەنىچ قىلغان ياخشى تېكسىىتتىن بىزنى خەۋەردار قىلساڭلار ئۇنىڭ جاۋابى چوقۇم بۇلىدۇ .
4- بۇرۇنقى شائىرلارنىڭ ناخشا تېكسىىتلىرى ناخشا قىلىپ ئوقۇلۇپ تۈگەپ بولدى . بۇلارنىڭ ئېچىدىن مىسال ئالسام . لۇتپۇللا مۇتەللىپ . ئابدۇخالىق ئۇيغۇر . نىمشىھىت . ئۆتكۇر . تىيىپجان ئىليۇف قاتارلىقلارنىڭ شېئىر توپلاملىرىنى ۋاراقلىساڭلار ياخشى شېئىرلارنىڭ ئاساسەن ناخشا بۇلۇپ بولغانلىغىنى ھىس قىلىسىلەر . دىمەك جەميەت ۋە شېئىر دۇنياسى سىلەردىن . ھازىرقى مۇشۇ دەۋىر شائىرلىرىدىن بىر نەرسىنى كۈتمەكتە . ئەگەر بۇ دەۋرىمىز بوش قالسا قانداق بولماقچى ؟ مەن شائىر دەپ ھۈكىرەپ يۈرىۋاتقان ئەزىزىلەر بۇ ھەقتە ئويلىنىپ بېقىڭلار . ئىزدىنىپ بېقىڭلار . ئۇيغۇر سەنئىتى ھازىر يىڭى تېكسىىتلەرگە . ياخشى شېئىرلارغا مۇھتاج . شۇڭا بۇ ئىشنى مىنىڭ ئىشىم ئەمەس دىمەستىن ھەممىڭلار مۇشۇ ساھە ھەققىدە ئويلىنىپ بېقشىڭلارنى تەۋسىيە قىلىمەن .


چۈشەندۇرۇش مۇشۇنچىلىك بولسۇن . ئەمدى بۇ گەپكە ئەيبۇ ۋە باشقا شائىر دوسىتلار قانداق قارايدىكەن .
  

دىمەكچى بولغان مەخسەت تىخىمۇ ئىنىق ئىپادىلەنسە. مەسىلەن: ئاپتۇرنىڭ قارىشى ئاساسدىكى ناخشا تېكىستلىرىگە قانداق ئۆلچەم قويۇلىدۇ؟

ئۈرۈمچىدىكى چاغلىرىمدا ئۆزھالكامنىڭ سەمىمىلىكىدىن كۆپ سۇيۈنگەن ئىدىم . مۇنداقچە قىلىپ ئېيتقاندا ئۇ ماڭا ھەم مەندىن باشقا تالايلارغا نۇرغۇن ئىشلارنى ئۆگەتكەن . بۇ تېما كونا مۇنبەرگىمۇ يوللانغان . بىراق تورغا يوللانغان تېكىستلەرنىڭ كۆڭۈلدىكىدەك ئەمەسلىكى ھەممىمىزگە ئايدىڭ . راخمانجان ئاۋۇت ئۆزھال باشلىغان ئىشىنىڭ ھۆددىسىدىن چىقالمايدىغانلاردىن ئەمەس . ناۋادا ياخشى تېكىستلەر بولسا مۇشۇ تېمىنىڭ ئاستىغا تاشلاپ باقساق بولىدۇ . بۇ يازمىنى ئاخىرىدا   تۇران تەھرىرلىگەن. ۋاقتى  2012-6-27 15:46  

ئاناڭ ئالەمدىن ئۆتمەستە
-روزى سوپى ئۇچتېكىن



ھاپاش قىلىپ يۈدۈۋال ئاناڭ ئالەمدىن ئۆتمەستە،

مېھمان قىلىپ كۈتۈۋال ئاناڭ ئالەمدىن ئۆتمەستە.



خىياللىرىڭ چېچىلار ئاناڭ ئىسڭگە يەتكەندە،

شىرىن خىيال سۈرۈۋال ئاناڭ ئالەمدىن ئۆتمەستە.



ئانىسى بارلار خان بالىلار، (يۇقى خار بالىلار)،

پادىشاھدەك يۈرۈۋال ئاناڭ ئالەمدىن ئۆتمەستە.



ھايات دېگەن بىر قىمار، دوقمۇش-دوقمۇشتا مىڭ دىشۋار،

دىشۋارلارغا كۆنۈۋال ئاناڭ ئالەمدىن ئۆتمەستە.



كۈلەلمەيسەن ئاناڭ باردەك ياكى ئالەم بەك تاردەك،

ئىچ-ئىچىڭدىن كۆلۈۋال ئاناڭ ئالەمدىن ئۆتمەستە.



پەرۋانە بۇلۇپ بېشىدا، ئولتۇرۇپ ھەم قېشىدا،

پۇت-قولىغا سۆيۈۋال ئاناڭ ئالەمدىن ئۆتمەستە.



بۇ ئالەمنى ئاقتۇرساڭ ئاناڭدىن ئۇلۇغ ئىنسان يوق،

ئاناڭ ئۈچۈن كۆيۈۋال ئاناڭ ئالەمدىن ئۆتمەستە!...

گۈل پۇراش

ياسىنجان ئىمىن (ئۈمىد)

سېنى سىم-سىم ئۇزاتقان سەھەر،

بۇلۇتمۇ ياش تۆككەن ئېسەدەپ.

قانداق ئۇنتاي چۈشۈمگە لەرزان

كىرگىنىڭدە سۈپسۈزۈك لەيلەپ؟...

ئېسىڭدىمۇ بىز ئۇچراشقان كۈن،

گۈل تۇتقىنىم...قىزارغىنىڭ زەپ؟

ئۈزىۋالدىم بىرجۈپ گۈلسۇرۇخ،

ۋىسال كۈلگەن كۈنلەرنى ئەسلەپ...

قىزىلگۈلنىڭ لېۋىدە شەبنەم،

ئېچىلماقتا قەلبىم پورەكلەپ.

بەرگىلەردە خۇشبۇي تىنىقىڭ،

قاندى بۈگۈن سېغىنچىم پەسلەپ...

قايتقىنىڭدا قارلغاچ بولۇپ كەل،

سەن كەلگىچە كۆيەي گۈرۈلدەپ.

سۆيگۈ چېچىپ تۇمشۇقلىرىڭدىن

يالقۇنىمنى پەسەيتكىن پەرلەپ...

مەيلى زەپران تۆكۈلسۇن ياپراق،

مەيلى ئاق قار ياغسۇن لەپىلدەپ؛

قەلبىم ساڭا يەنىلا باھار،

گۈل ئېچىلار بىر سېنىلا دەپ....

2012-5-31.      ئاقسۇ .

كونا مۇنبەردە بەك كۆپ شېئىرلار يوللىنىپ كەتكەن سىزنىڭ تىمىڭىزنىڭ ئاستىغا.
مەنمۇ ئويلاپ قالغانتىم.ھەجەپ ئۇنتۈنسىز يوقاپ كەتتى يا دەپ!
ناخشا قىلىپ ئوقۇلۇپ چىققاندا ئاڭلارمىز....

«دېھقان بولماقمۇ تەس» تۇرسا ئەلۋەتتە بىر ناخشىنى پۈتتۈرۈپ ئېكرانغا چىقىرىشمۇ تەستە. ئالدىراپ-ئالدىراپ نەگە بارىدىكىن ئالدىراتقانلار........

ئۆزھال  ئەپەندىگە مەندىن سالاملار بولسۇن .  سىزنىڭ  سەنئەت ساھەسىدىكى ئىشلىرىڭىزغا  زور ئۇتۇقلار يار بولسۇن ، سىزنىڭمۇ  ئىسىل تېمىلىرىڭىزنى  مۇنبەرگە يوللاپ تۇرشىڭىزنى ئۈمۈت قىلىمەن . ئىشلىرىڭىز بەرىكەتلىك بولسۇن .

ئالدى بىلەن پىكىر بۇلىشى كىرەك . يىڭى پىكىر دىسەم لاپ بۇلىدۇ . كونا پىكىرنى يىڭىچە ئىپادىلەش يولىمۇ ئۆز نۆۋىتىدە يەنە بىر يىڭىلىق ھىساپلىنىدۇ . بولسا خۇددى نەچچە رۇبائىنى بىر يەرگە ئەكىلىپ قويغاندەك بولسا تىخىمۇ ياخشى . بىر ناخشىچى ناخشىنى ئوقۇغاندا ھەر بىر مىسرادىن تاماششبىن ھۇزۇر ئىلىشى كىرەك . بولمىسا ئۈچ كۈپلىت شېئىردا خۇلاسىنى ئاخىرىدا چىقىرىمەن دىسەك بىشى ئوقۇلۇپ ئاخىرىغا كىلىپ بولغىچە ناخشنىڭ بىشى ئۇنتۇلىدۇ ، شۇڭا ناخشا تېكسىىتى دەممۇ دەم كىشىلەرنىڭ قەلبىگە بۈسۈپ كىرەلىشى كىرەك . مۇشۇ يىقىنىدا مۇھەببەت شېئىرلىرىدىن شۈنچىلىك زىرىكتىمكى شۈنچىلىك لەززەتلىك تاتلىق نىمە دەپ قەلەمگە چىققاندا نىمە دەپ لاۋزا ئادەم بىزار قىلىدىغان نەرسىگە ئايلىنىپ قالىدۇ دەپ ئويلايدىغان بۇلۇپ قالدىم . ئابدۇخالىق ئۇيغۇرنىڭ . ئا ، ئۆتكۇرنىڭ شېئىر توپلاملىرىنى كۈرۈپ قويۇڭلار نىمشىھىتنىڭ ئەسەرلىرىمۇ بىز ئۈچۈن ئۆلگە . مەسىلەن : ئۈمۈر ھەققىدە  مۇخەممەس . ئىز دىگەندەك . يەنە نىمشىھىتنىڭ ئەسەرلىرىنىڭمۇ ھەممىسىنى ناخشا قىلىپ ئوقۇغۇلى بۇلىدۇ . يەنە بىرى ناخشا قىلىپ ئوقۇلىۋاتقان تېكىسىتلەرگە دىققەت قىلىپ قويۇڭلار . كومپوزىتۇرغا ئىلھامنى تېكسىت بىرىدۇ . پىكىر بىلەن ناخشا تىكسىتى بۇلىدىغان قۇرۇلما . ۋە ئېنىق ئۇدار بولغان بۇلىدۇ . چاچما شېئىر ياكى مەنىسى غۇۋا ئەسەرلەرنى ناخشا تېكسىىتى قىلغىلى بولمايدۇ بولسىمۇ بۇنداق ئەسەرلەر ناھايىتى ئاز بىر قېسىمى شۇنداق بولدى . ناخشا تېكسىىتى مەنىسى ئوچۇق . تەلەپپۇزى راۋان . جۈملىسى ئېنىق ۋە ھەر قانداق ئادەم چۈشىنەلەيدىغان دەرىجىدە بۇلىشى كىرەك . مەن ئەمدى بۇ تىمامدا ياخشى چىققان تېكسىتلەرنى شۇ ھامان ئاھاڭغا سىلىپ دۇتتار بىلەن چىلىپ ئورۇنداپ مۇشۇ كۆزنەككە قويىمەن . بەزى يەرلىرىنى تۈزەتسەم سەۋەبىنى دەپ قويىمەن . ئىمكان قىلىپ ئۈزۈمنىڭ ناخشا تېكىستى جەھەتتىكى چۈشەنچەمنى ئوتتۇرغا قويۇپ ئۈتىمەن ھەم ئۈزۈم يازغان ھەم تېكسىىت بۇلىدۇ دەپ قارايدىغانلىرىمنى يوللاپ ماڭىمەن .    بۇ يازمىنى ئاخىرىدا   ئۆزھال تەھرىرلىگەن. ۋاقتى  2012-6-27 19:10  

تۆت يۇلتۇز

بۇ شېئىرىمنى بىزدىن ۋاقىتىسز ئايرىلغان ئۇيغۇر خەلىقنىڭ سۈيۈملۈك ئوغلانلىرىغا بىغىشلايمەن .

  
سائادەت جىڭىدە چاپچىغان تۇلپار ،
باغرىدا جۇدالىق ھوۋلىغان دۇتتار ،
جۇدۇندىن بالقىغان يالقۇنلۇق باھار ،
باتۇر ، كۆرەش ، مىزرات ، مۇرادىم .

كۈيلەرنىڭ كۆكسىدە گۈلدەك ئېچىلىپ ،
قاراڭغۇ سۈكۈتكە نۇردەك چېچىلىپ .
ھەسرىتا – بىۋاقىت كەتتىڭىز ئېقىپ ،
كۆرەش ، مۇرات ، باتۇر ، مىرزادىم .

ئارمانلىق دۇنياغا ئۆمىتلىك باققان ،
ھەر زامان ھەقىقەت ئىشگىنى قاققان ،
مىھنىتى ئۇيغۇرنىڭ كۆڭلىگە ياققان ،
مىرزات ، كۆرەش ، مۇرات ، باتۇرۇم .

كەتتىڭلار دەرىت بىلەن ئىگىلدى بىشىم ،
كۆز ئەمەس يۈرەكتىن ئاقتى قان - يېشم  ،
يۈز كىلىش سىلەرگە ئەمدى تەشۋىشىم ،
مۇرات ، باتۇر ،مىرزات ، كۆرىشىم .

                سەندىدۇر

سەندىدۇر ، كۆڭلۈم ئارامىم سەندىدۇر ،
سەندىدۇر ، سۆيگۈم قارارىم سەندىدۇر .
سەن بولمىساڭ چىقمايدۇ بەلكىم ئاي قوياش ،
سەندىدۇر ۋەسلىم مۇرادىم سەندىدۇر .

سەندىدۇر ، كۆزۈم خىيالىم سەندىدۇر .
سەندىدۇر ، پەسلى باھارىم سەندىدۇر ،
سەن مىنىڭ زۈلمىتىمدە شام چىراق ،
سەندىدۇر تاجىم تۇمارىم سەندىدۇر ،

سەندىدۇر بار ئەتىۋارىم سەندىدۇر ،
سەندىدۇر بەختىم زاۋالىم سەندىدۇر ،
بۇ ھايات سۆۋلەت بايانىم سەندىدۇر ،
سەندىدۇر دەردىم سالامىم سەندىدۇر ،


بۇ مەن يېقىنىدا يىزىپ ئاھاڭغا سالغان ناخشىلار . ناخشا تېكىسىتى مۇشۇنداق بولسا بۇلىدۇ دەپ قارايمەن .

ﭼﯩﻦ ﺗﯘﻣﯘﺭ ﺑﺎﺗﯘﺭ ﯮﻳﺪﻩ ﺑﺎﺭﻣﯘ
ﺷﯘ ﻗﻪﺩﯨﻤﻜﻰ ﺯﺍﻣﺎﻧﺪﺍ
ﻣﻪﺧﺘﯘﻣﺴﯘﻻ ﻳﺎﻧﯩﻐﺎ ﻛﻪﻟﺪﻯ ...
ﻳﻪﺗﺘﻪ ﺑﺎﺷﻠﯩﻖ ﭘﻪﺭﯨﺸﺘﻪ .


ﭼﯩﻦ ﺗﯘﻣﯘﺭ ﺑﺎﺗﯘﺭ ﯮﻳﺪﻩ ﺑﺎﺭﻣﯘ ؟
-ﭼﯩﻦ ﺗﯘﻣﯘﺭ ﻛﻪﺗﻜﻪﻥ ﻗﺎﯞﺍﻗﺨﺎﻧﯩﻐﺎ .
ﻣﯩﺴﺮﺍﻥ ﻗﯩﻠﯩﭽﻰ ﻳﯩﻨﯩﺪﺍ ﺑﺎﺭﻣﯘ ؟
ﺳﯘﻧۇپ كەتكەن ﯮﺗﻜﻪﻥ ﺯﺍﻣﺎﻧﺪﺍ .


ﺷﯘ ﻗﻪﺩﯨﻤﻜﻰ ﺯﺍﻣﺎﻧﺪﺍ
ﻣﻪﺧﺘﯘﻣﺴﯘﻻ ﺟﺎﻧﯩﻐﺎ ﻛﻪﻟﺪﻯ ...
ﻳﻪﺗﺘﻪ ﺑﺎﺷﻠﯩﻖ ﺑﯩﺮ ﺷﻪﻳﺘﺎﻥ .

ﭼﯩﻦ ﺗﯘﻣﯘﺭ ﺑﺎﺗﯘﺭ ﯮﻳﺪﻩ ﺑﺎﺭﻣﯘ ؟
ﻗﻪﻫﺮﯨﺘﺎﻥﻛﯘﻧﻠﻪﺭﺩﻩ ﺋﯩﭽﻜﯘﻡ ﻛﻪﻟﺪﻯ ﻗﺎﻥ .
ﻛﺎﯞ-ﻛﺎﯞ ﻛﯘﭼﯩﻜﻰ ﻳﯩﻨﯩﺪﺍ ﺑﺎﺭﻣﯘ ؟،
ﺑﯩﺮ ﭼﺎﻳﺎﻧﺪﻩﻙ ﻫﯘﯞﻻﺭﺑﺎﻳﺎﯞﺍﻥ .


ﺷﯘ ﻗﻪﺩﯨﻤﻜﻰ ﺯﺍﻣﺎﻧﺪﺍ ،
ﻣﻪﺧﺘﯘﻣﺴﯘﻻ ﻏﺎﺭﯨﻐﺎ ﻛﻪﻟﺪﻯ ...
ﻳﻪﺗﺘﻪ ﺑﺎﺷﻠﯩﻖ ﯪﻟﯟﺍﺳﺘﻰ .


ﭼﯩﻦ ﺗﯘﻣﯘﺭ ﺑﺎﺗﯘﺭ ﯮﻳﺪﻩ ﺑﺎﺭﻣﯘ ؟
-ﻫﻪﻱﻣﻪﯕﮕﯘﻟﯘﻙ ﺟﺎﺯﺍﻻﻧﻐﺎﻥ ﻗﯩﺰ .
ﺳﻪﻥ ﺋﯩﺰﯨﻘﻘﺎﻥ ﻳﻮﻟﻼﺭﻧﻰ ﻛﻮﺭﺩﯗﻡ ،
ﯮﺧﺸﺎﺵ ﺋﯩﻜﻪﻥ ﻣﺎﯕﻐﺎﻥ ﺋﯩﺰﯨﻤﯩﺰ .


ﭼﯩﻦ ﺗﯘﻣﯘﺭ ﺑﺎﺗﯘﺭ ﯮﻳﺪﻩ ﺑﺎﺭﻣﯘ ؟
ﻣﻪﻥ ﭘﺎﺗﻤﺎﻳﻤﻪﻥ يەتتە  ﺋﯩﻘﻠﯩﻤﻐﺎ
ﺟﯘﻟﺪﯗﺭ ﻛﯩﭙﻪﻥ ﺑﻮﻟﯘﭘﺘﯘ ﻛﯩﺴﯩﭗ ،
ﺑﻪﻙ ﻫﻪﺳﻪﺕﻗﯩﻼﺗﺘﯩﻢ ﺳﯘﻣﺒﯘﻝ چېچىڭغا .

ﭼﯩﻦ ﺗﯘﻣﯘﺭ ﺑﺎﺗﯘﺭ ﯮﻳﺪﻩ ﺑﺎﺭﻣﯘ ؟،
ﻣﻪﺧﺘﯘﻣﺴﯘﻻ ﻳﺎﻧﯩﻐﺎ ﻛﻪﻟﺪﯨﻢ .
ﺷﺎﺭﺍﭖ ﺋﯩﭽﯩﭗ ﻳﯘﺭﯗﭘﺘﯘ ﺑﯩﻠﺴﻪﻡ ،
ﭼﯩﻦ ﺗﯘﻣﯘﺭﻧﯩﯔ ﺟﺎﻧﯩﻐﺎ ﻛﻪﻟﺪﯨﻢ .

ﻧﻪﻗﺮﺍﺕ :
ﻣﻪﺧﺘﯘﻣﺴﯘﻻ ﻳﺎﻧﯩﻐﺎ ﻛﻪﻟﺪﯨﻢ ،
ﭼﯩﻦ ﺗﯘﻣﯘﺭﻧﯩﯔ ﺟﺎﻧﯩﻐﺎ ﻛﻪﻟﺪﯨﻢ .

2005-ﻳﯩﻠﻰ 2-ﯪﻳﻨﯩﯔ 17-ﻛﯘﻧﻰ (ﻳﻪﻛﻪﻥ)


بۇ يازمىنى ئاخىرىدا   jallat تەھرىرلىگەن. ۋاقتى  2012-6-27 19:12  

بوۋىلار

پەرىشتىدەك چىھرى نۇرلۇق بوۋىلار .
باغرىدا باغ مىھرى باھار بوۋىلار .
ھاياتىنى مىھنەت بىلەن تولدۇرۇپ
سۆزلىرىدىن ھىكمەت ياغار بوۋىلار .

ۋەتەن ئۈچۈن پىدا قىلىپ جىنىنى ،
غۇرۇرىدىن مىدال ئاسقان بوۋىلار .
رەقىپلەرنى قان يىغلىتىپ جەڭلەردە .
ھەر قەدەمنى ئەل دەپ باسقان بوۋىلار .

ۋەتەن دىدى خەلقىم دىدى بىر ئۆمۈر.
كەچمىشىدە مىڭلاپ داستان بوۋىلار ،
تەۋەرۈكتۇر بىزگە مەغرۇر قامىتى
ھەر پەسلىدە باغى بوستان بوۋىلار .

رەقىپ ئۈچۈن كۆكسى قالقان بوۋىلار .
ھەر خانىدە نۇرلۇق ئاسمان بوۋىلار .
بۇ يازمىنى ئاخىرىدا   ئۆزھال تەھرىرلىگەن. ۋاقتى  2012-6-27 19:12  

تاغلارغا نەزەر سال تاغلارغا

دەرىت ئەلەملەر باغرىدا دەريا ،
سۈيەر پەقەت ئۇنى نۇر زىيا ،
بۇلاق دىمە كۆكسىنى يىرىپ ،
ئىيتىلغىنى ھەسرەتلىك ناخشا،
دەردىم بار دىمە ئەي ئاجىز ئىنسان ،
تاغلارغا نەزەر سال تاغلارغا .

جۇدۇنلار قەددىنى ئىگەلمەس .
ھىچكىمگە دەردىنى دىيەلمەس .
تەمكىنلىگى ئەڭ ئۇلۇغ نەپەس .
سۈكۈتلىرى غالىبلىغى بەس
قىلىچتەك تۇرقىغا قاراپ نەزەر سال
تاغلارغا نەزەر سال تاغلارغا .

ھەر باھار چىچەكتىن تاج تاقايدۇ .
قىشتا ئاپپاق قاردىن ئارتىدۇ رومال .
چىھرىدە مەڭگۈلۈك ئۈمىتنىڭ نۇرى .  
ئىزدىمەس بىرىشتىن باشقا بىر ئامال
دەردىڭنى سۆزلىمە مىسكىن ئاشىقلار
تاغلارغا نەزەر سال تاغلارغا .
بۇ يازمىنى ئاخىرىدا   ئۆزھال تەھرىرلىگەن. ۋاقتى  2012-6-27 19:13  

ئەسلىمە
ھىكىم ھەسەنگە بېغىشلايمەن

سىز ماڭغان كوچىلار دەردى كۈلپەتتە ،
ياد ئېتىپ ۋاقىتسىز كەتكەن ئوغلىنى ،
زەرەپشان ئۆكسۈيدۇ غەمدە - غۇربەتتە ،
ھازىدار باغرى قان ئۇيغۇر ئاسمىنى ،

باغلىرىم چىھرىگە سۆلەت ئىدىڭىز ،
تاغلىرىم كۈكسىدە دۆلەت ئىدىڭىز .
ئىجادى ئەمگەكنىڭ ئالتۇن تاجىنى  ،
تاقاشقا مۇناسىپ ئوغلان ئىدىڭىز ،


ھاياتنىڭ جىڭدە بىر تۇلپار كەتتى ،
مۇڭلىرى نۇر زىيا بىر دۇتتار كەتتى .
مېھنىتى كۆكسىدە ئوت بۇلۇپ يانغان ،
ھاياتنى سۆيگۈچى بىر باھار كەتتى .

سىز بەرگەن سەھنىگە چىقتىم مەن بۈگۈن ،
باغرىمغا چىڭ بېسىپ ئەلنى - ۋەتەننى .
ئاۋازى پۈتىدۇ پۈتۈن كۈيچىنىڭ ،
تاپالماي دۇنيادىن ھىكىم ھەسەننى .

ئۆرتەيدۇ قەلبىمنى سېغىنىش پىراق
ئەبەدى ئۆچمەيدۇ سىز ياققان چىراق