(ئۆزھال) ناخشا تېكسىتلىرى ھەققىدە [ئۇلانما كۆچۈرۈش]

سۆيگۈ ناخشىسى2
ئېزىز مەتكىرىم
ئاڭلا قىز ،ئۇخلىما،بۇ تىمتاس كىچە،
بىر يىگىت ئېيتىدۇ سۆيگۈ ناخشىسى.
ئۇ كىسەل بوپقالدى سىنىڭ ئىشقىڭدا،
سەن ئۇنىڭ داۋاسى-تىۋىپ،باخشىسى.

ئاڭلا قىز،ئۇخلىما،ئاڭلىغىن ناخشا،
ۋە لىكىن ئۇخلىسۇن سەندىن باشقىسى.
ئۇيقۇدىن ئويغۇنۇپ كۆرۈشكىلى چىق،
ئۇ سىنى كۆرمىسە كەلمەس كەتكۈسى.

ئاڭلا قىز،ئۇخلىما،بۇ تىمتاس كىچە،
ئاڭلىغىن تۈگىمەس سۆيگۈ ناخشىسى.
جۆر بۇلۇپ قېتىلساڭ سەنمۇ ناخشىغا،
تۈگىمەس ناخشىدىن داستان پۈتكۈسى.

ئاسمار  ئىنىم، ئىنكاسقا تېما  يوللىغاندا  ماۋزۇ، ئىسىم، تېكىستنى پەرقلەندۇرۇپ ياكى تورداشلارنىڭ ئاسان ئىلغا قىلىپ ئوقۇشى  ئۈچۈن ئورۇن قالدۇرۇپ يوللىغان بولسىڭىز -ھە؟ ئىجادىيىتىڭىز بەركەتلىك  بولغاي؟

كەچۈرۈڭ ئەمەتجان ئاكا،مىنىڭ كومپىيوتۇر سەۋىيەم خۇددى يېزىقچىلىق سەۋىيەمگە ئوخشاش ئانچە ياخشى ئەمەس.شۇڭا بەزىبىر خاتالىقلار سادىر بوپتۇ.لىكىن مەن چۇقۇم تۈزىتىۋالىمەن.رەھمەت سىزگە.سىزنىڭمۇ ئىجادىيىتىڭىز بەرىكەتلىك بولغاي!

باھاردا ئىزدىسەڭ  بۇلبۇل

باھاردا  ئىزدىسەڭ بۇلبۇل ئۇنى  ئىزدە  گۈلۈستاندىن،
ئەشۇ  يەڭلىغ تاپارسەنكى ھۇقۇشنى چۆل- باياۋاندىن.

مەگەر  يانتاقنى بىر گۈل دەپ پۇراپ قالما  شۇ  يانتاقنى،
كىلەر ھەر چاغدا  خۇش-ئەنبەر ئېچىلغان لالە- رەيھاندىن.

نادان ھۆپۈپنى بۇلبۇل دەر ، ئىشەكنى  كۆرسە  دۇلدۇل  دەر،
ئۆزۇڭنى  نېرى  تۇت  دائىم ناداندىن- بەختى تازغاندىن.

شىۋىرغان قۇترىسا بەرداش بىرەلمەي قاخشىما  زارلاپ،
زىمىستان جۇتتا بۈركۈتمۇ قانات يىغمايدۇ   ئاسماندىن.

جۇدۇن كۆچمەي، قۇياش  كۈلمەي، باھار قانداق جامال  ئاچقاي،
نە  خەندان ئەيلىسۇن بۇلبۇل ئادا  تاپماي  زىمىستاندىن.

بەخىتتۇركى باھار  يەڭلىغ،  لېكىن  مۇشكۈلگە  مۇشتاقتۇر،
ئۈگەن  مۈشكۈلنى  يەڭمەكنى  ، بۈيۈك  مەنزىلدە  كارۋاندىن.

تۇرۇپ  دەقەمدە  گۈلشەننى كۆزۈڭ  قارچۇقىدەك  ئاسرا ،
ئېلىڭ  شۇ  چاغدا  گۈللەنگەي  قازانغان  زور  ئۇتۇق -شاندىن.

بۇ يازمىنى ئاخىرىدا   ئەمەتجان قۇربان تەھرىرلىگەن. ۋاقتى  2012-10-10 12:41  

قولۇمدا گۈل،  يېنىمدىمۇ  گۈل

(ئىپىك ناخشا  تېكىستى)


ئوغۇرلۇقچە بىر  گۈلنى ئۈزدۈم،
گۈل  شېخىدا  قېپقالدى  ئىزى.
‹‹گۈلنى سۆيۈپ گۈل  ئۈزىڭ !›› دىدى،
كۆرۈپ  قالغاچ  شۇ  گۇلباغ  قىزى.

تۇرۇپ قالدىم بوغۇلۇپ، مەڭدەپ
قىزغا  لايىق  جاۋاپ  تاپالماي.
قۇلۇمدا گۈل،  يېنىمدىمۇ  گۈل،
كېتىپ  قالدىم  قىزغا  باقالماي.

نەقرات:
‹‹گۈلنى سۆيۈپ  گۈل  ئۈزىڭ ›› دىدى
كۆرۈپ  قالغاچ شۇ  گۈلباغ قىزى.

بۇ يازمىنى ئاخىرىدا   ئەمەتجان قۇربان تەھرىرلىگەن. ۋاقتى  2012-10-11 15:10