(ئۆزھال) ناخشا تېكسىتلىرى ھەققىدە [ئۇلانما كۆچۈرۈش]

ھېيت  ناۋاسى

ئەمەتجان قۇربان                                                                                         

(قوش  كىشىلىك)



بۇگۈن ھېيت،بۈگۈن بايرام جان دوستلار،

بارچە دىلدا شاتلىق-قاينام جان دوستلار



ئاتا-ئانا ،قېرىنداشلار-يارەنلەر،

       ھەم داستىخان،ھەمسۆبەتتە شات كۈلەر.



بۇ  ئايەمدە تۈگەر  يۈرەك  ياراسى،

ئايەم دىگەن شۇ  يارىنىڭ داۋاسى.



نۇسرىتىدىن  كۈلگەن قوۋناق  ئالەم  بۇ،

بۇ ئالەمگە  مەڭدەك  ياراشقان  ئايەم  بۇ.



دىلدا  ئاقسۇن مېھىر-شەپقەت دەرياسى،

كۆككە  يەتسۇن ئۆم-ئىناقلىق ناۋاسى.



سىر- تۈگۈنلەر  يۇيۇلسۇن  بۇ  ئايەمدە،

ئۇلۇغ  خېسلەت  ئەپۇ قىلىش- ئادەمگە




   IP：خاتىرلەندى      2011-8-30 14:53:30

بۇ يازمىنى ئاخىرىدا   urghu تەھرىرلىگەن. ۋاقتى  2012-6-30 01:39  

ھەسرەت سىڭگەن  تىنىق

(تېكىست)

                                                                                                     

تىنىقلىرىم  پۇرايدۇ  ھەسرەت،

خىيالىمدا  سەن بولساڭ ئايان.

        ھېجران ماڭا  سالدى  كۆپ كۈلپەت،

   ئەركەم  سېنى كۆرىمەن  قاچان؟!



ھەسرەت  سىڭگەن تىنىقلىرىمنى،

شاماللارغا  قويىمەن قوشۇپ.      

ئەگەشتۈرۈپ  سەنمۇ  شامالغا،   

تىنىقىڭنى  قويغىن ئۇزۇتۇپ.      



ھەسرەت بارمۇ ۋە ياكى بەخت،

      تېز  ئىبەرتكىن ،مەن قۇچاق ئاچاي.

پۇرىغاندا تىنىقلىرىڭنى،            

قىسمىتىڭدىن كۈلەي يا يىغلاي.  

بۇ يازمىنى ئاخىرىدا   urghu تەھرىرلىگەن. ۋاقتى  2012-6-30 01:44  

سەنسىز

ئەمەتجان قۇربان

يۈرەك  قېنىپ كۈلەلمەس سەنسىز،
دىلىم ھۇزۇر  سۈرەلمەس  سەنسىز.
بۇ  سۆيگۈنىڭ  داۋانلىرىدا،
قەدەملىرىم  يۈرەلمەس  سەنسىز.

سىنىڭ ئۈچۈن  تۇغۇلدۇم  بىلسەڭ،
بۇ  قىسمەتكە  بوغۇلدۇم   بىلسەڭ،
ساداقەتنىڭ  گۈلباغلىرىدا  ،
گۈلۈم   پەقەت   ئېچىلماس سەنسىز.

نىمە قىلسام  سەن  ئۈچۈن  قىلدىم،
بەزى كۈلۈپ  بەزى  غەم  يىدىم.
تۈندە  تەرگەن   يۇلتۇزلىرىممۇ
ئەتراپقا  نۇر  چاچالماس  سەنسىز.

نەقرات:

كۈنۈم ئۆتمەس  بىر  كۈنمۇ  سەنسىز،

قەدرى  يوقتۇر ئۆلۈممۇ سەنسىز

بۇ يازمىنى ئاخىرىدا   urghu تەھرىرلىگەن. ۋاقتى  2012-7-7 12:22  

ئەمەتجان بۇرادەر . بەزى تېكسىىتلىرىڭىز بەك ياقتى . بۇ قېتىم چوقۇم نەچچىسى سەھنىگە چىقىدۇ . ئايقۇت خانىمنىڭ بىر نەچچە شېئىرى بەك پەيىزى يىزىلىپتۇ .

سەھىپىسى خاتا يوللىنىپ قالغانلىقتىن،ئۆچۈرۈلدى
بۇ يازمىنى ئاخىرىدا   ئاق گۈل تەھرىرلىگەن. ۋاقتى  2012-7-11 17:09  

سەھىپىسى خاتا يوللىنىپ قالغانلىقتىن،ئۆچۈرۈلدى
بۇ يازمىنى ئاخىرىدا   ئاق گۈل تەھرىرلىگەن. ۋاقتى  2012-7-11 17:08  

كونا مۇنبەردىكى ناخشا -تېكىستلەر بىر- بىرىدىن ياخشى چىققان تېكىستلەرتى . مۇشۇنداقمۇ سەل قارغان بارمۇ ؟ بىر قەلەمكەش دوستۇم  ئېسىل بىر ھېكايەمنى بىر مۇھەرىرگە بەرسەم رىستۇراننىڭ دېرىزىسىدە قاپتۇ دەپ يوق قىلدى . دەپ زارلانغىنىدەك ئىش بوپتۇ .ھازىر  بىزنىڭ ناخشا -مۇزىكىلىرىمىز خەلىقنىڭ ئېھتىياجىنى قاندۇرالمايۋاتقان بىر چاغدا ، ئۇنىڭ ئۈستىگە ھەممىلا ئادەم پۇلنىڭ غېمىدە پالاقشىپ ھوشونى يۇقتۇپ  قويۋاتقان چاغدا بۇنداق ئىشلارغا يۈكسەك مەسئولىيەت بىلەن قارساق دەيمەن .

ئەسسالامۇ ئەلەيكۈم:ئۆز ھال ئەپەندى ياخشىمۇسىز؟ئىشلىرىڭىز ئۇتۇقلۇق بولسۇن!!!،ئۆزۈم يازغان بۇ ناخشا تېكىستىنى سىزگە يوللۇدۇم، لايىق تاپسا كۆزدىن كەچۈرۈپ باققان بولسىڭىز.


كۈتەلىسەڭ مېنى ئەگەردە



ئېرشات ئوسمان




ئۈمىدىڭنى بەرگىن ھەر تاڭغا،

كۈتەلىسەڭ مېنى ئەگەردە.

ئوخشاپ تۇرسۇن كۆڭلۈڭ باھارغا،

كۈتەلىسەڭ مېنى ئەگەردە.




ۋاپا كېرەك سۆيگۈ دېگەندە،

كۈتۈش بىلەن كىيسەڭمۇ جەندە.

بولسۇن شۇنداق چىن يۈرەك سەندە،

كۈتەلىسەڭ مېنى ئەگەردە.



چۈشلىرىڭگە كىرىپ تۇرايمەن،

باغلىرىڭدا خەندان ئۇراي مەن.

باھارىڭنى گۈلگە ئورايمەن،

كۈتەلىسەڭ مېنى ئەگەردە.




ئۇنتۇلمىسۇن بىز كۈلگەن ئۆتمۈش،

شۇندىن يانغان دىلدىكى كۆيۈش.

بۇ دەرتلىرىم بولۇپ قالسۇن چۈش،

كۈتەلىسەڭ مېنى ئەگەردە.



ياشايلى بىز بەخىتنى كۆزلەپ،

يۈرمەي مەنمۇ شامالغا سۆزلەپ.

باراي گۈلۈم يېنىڭغا ئىزلەپ،

كۈتەلىسەڭ مېنى ئەگەردە.



كۆڭلۈم كۈلسۇن سەن بىلەن تامان،

كۈلكىلەرگە ئاشىق بۇ جاھان.

جاندىن كېچىپ بولاي مەن جانان،

كۈتەلىسەڭ مېنى ئەگەردە.

  مەن بىلىمەن سەن كەلمەيسەن يېنىمغا

ناخشا تېكىستى



ئەلەملىرىڭ ئىز سالسىمۇ دىلىمغا،
قىلچە ئىچىڭ ئاغىرمايدۇ جېنىمغا.
كۆز ياش بىلەن ساقلىساممۇ بىر سىنى،
مەن بىلىمەن سەن كەلمەيسەن يېنىمغا.


ئارمانلارنى ئېلىپ بىللە مەن ئۈچۈن،
تاتلىق خىيال قىلىپ بىللە مەن ئۈچۈن.
دىل كۈيۈڭنى چېلىپ بىللە مەن ئۈچۈن،
مەن بىلىمەن سەن كەلمەيسەن يېنىمغا.


تەلمۈرۈشتە كۆزلەرگە ياش تولدۇرۇپ،
يەنە ئۆمۈد گۈللۈرۈمنى سۇلدۇرۇپ.
زىمىستاندا مېنى يالغۇز قالدۇرۇۇپ،
مەن بىلىمەن سەن كەلمەيسەن يېنىمغا.


چۈنكى ئۆزۈڭ راۋان بولدۇڭ يولۇڭغا،
يېتەلمەسمەن تۈنلەردىمۇ ئويۇڭغا.
سۆيگۈڭ بىلەن گۈللەر ئېلىپ قولۇڭغا،
مەن بىلىمەن سەن كەلمەيسەن يېنىمغا.


بىر سېنى دەپ بولۇپ كەتسە يۈرەك قان،
قىلسام پەقەت بۇ كۆڭۈلگە سېنى خان.
ئەجەل كېلىپ چىقسىمۇ گەر ئەزىز جان،
مەن بىلىمەن سەن كەلمەيسەن يېنىمغا.


ئاپتۇرى:ئېرشات ئوسمان

قاردىكى ھېجران (ناخشا تېكىستې)



ئايرىلىشنى ئېپ كەپسەن بۈگۈن،
ھاياتىمنى قىلىپ زىمىستان.
تۆكۈلمەكتە سۆيگۈنىڭ بەرگى،
قار ئاستىغا كۆمۈلدى باھار.

خوش دېگەنچە قايرىلدىم سەندىن،
بولدى باغرىم لەختە-لەختە قان.
قارا قىشنىڭ سوغۇق شامىلى،
ئېلىپ كەلدى ھالىمغا پىغان.

پىنھانلارمۇ بولمىدى تېنىچ،
يەنە ياغدى ئەشۇ ئاپئاق قار.
كەچمىشلەرنى سالدى ئېسىمگە،
يېراقلارغا خوشلاشقان باھار.


خىياللىرىم ئېسىلدى قارغا،
كېتەلمىدىم قارغا ئايلىنىپ.
قاردەك ئېرىپ كەتسەم مەيلىدى،
قانداق ياشاي سەندىن ئايرىلىپ.


قاتالمىدىم ياكى مۇز بولۇپ،
سەن سۆيگۈمگە قالدۇرغان دەرتتە.
قار ئاستىدا ئۆچمەكتە ئىزلار،
كونا جايدىن قايتتىم ھەسرەتتە.


مۇز بوپ قاتتى كىرپېگىمدە ياش،
دىرىزەڭگە تەلمۈرۈپ باھار.
تويۇڭ بولدى قارلىق كېچىدە،
ئەمەس بۈگۈن سەن ماڭا نېگار.


ئاپتۇرى:ئېرشات ئوسمان
  

ئوت كۆيمەيدۇ كىمنىڭ بېشىدا

قۇياش بىلەن مۇڭدىشىپ ئاستا،
يۈر كېتەيلى ھېلىقى يەرگە.
ھەمرا بولار چېچەكسىز كۈنلەر،
ئۆز-ئۆزىنى سۆيمىگەن ئەرگە.

گۈلگە قارا،گۈللەرگەقارا،
پورەكلىدى نىمىشقا بۇنچە.
ياقىسىنى يىرتىپ چاكۇ-چاك،
نېمە كەپتۇ بۇلبۇلغا شۇنچە.

كۆيۈپ يۈرەر تاشلار يېلىنجاپ،
قارىغىنا چۆلنىڭ ئىشقىدا.
يۈر كېتەيلى ھېلىقى  يەرگە،
ئوت كۆيمەيدۇ كىمنىڭ بېشىدا...

سەن باھارنى چۈشەنمىدىڭمۇ؟!

ئابدۇللا ئارىپوۋغا تەقلىد


چىمەنلىكتە گۈللەرنىڭ نازى،
كېپىنەكلەر ئوينايدۇ خۇشال.
ئاڭلىنىدۇ بۇلبۇل ئاۋازى،
بۇندا ھەممە گۈلگۈن خۇشچىراي.
قوۋناقلىقنى كۆرمەي دىدىڭمۇ؟
سەن باھارنى چۈشەنمىدىڭمۇ؟!



ئۇزاقلاردىن شۇگۈزەل چاغلار،
خىيالىمغا كېلىدۇ پات-پات.
لالەزارلىق بۇلاق بويىدا،
بۇلاقلاردەك كۈلگەنتى ھايات.
شۇچاغلارنى ئۇنتاي دىدىڭمۇ؟
سەن باھارنى چۈشەنمىدىڭمۇ؟!


ئەتراپلاردا سايرايدۇ قۇشلار،
شوخ بالىلار ئوينايدۇ ھارماي.
كەتتى ئۆتۈپ ئالتۇندەك چاغلار،
كۆرسەتمىدىڭ بىرسەنلا چىراي.
پىنھانلاردا يۈرەي دىدىڭمۇ؟
سەن باھارنى چۈشەنمىدىڭمۇ؟!



باشقىچىغۇ سەھەرنىڭ پەيزى،
گۈل پۇرايدۇ ھەممىلاتەرەپ.
سۆيگۈمىزدىن دەستە تىزىمەن،
ساڭا ئامەت،بەىىت،قۇت تىلەپ.
سۆيگۈئوتى ئۆچسۇن دىدىڭمۇ؟
سەن باھارنى چۈشەنمىدىڭمۇ؟!

سەن باھارنى چۈشەنمىدىڭمۇ؟!

ئابدۇللا ئارىپوۋغا تەقلىد


چىمەنلىكتە گۈللەرنىڭ نازى،
كېپىنەكلەر ئوينايدۇ خۇشال.
ئاڭلىنىدۇ بۇلبۇل ئاۋازى،
بۇندا ھەممە گۈلگۈن خۇشچىراي.
قوۋناقلىقنى كۆرمەي دىدىڭمۇ؟
سەن باھارنى چۈشەنمىدىڭمۇ؟!



ئۇزاقلاردىن شۇگۈزەل چاغلار،
خىيالىمغا كېلىدۇ پات-پات.
لالەزارلىق بۇلاق بويىدا،
بۇلاقلاردەك كۈلگەنتى ھايات.
شۇچاغلارنى ئۇنتاي دىدىڭمۇ؟
سەن باھارنى چۈشەنمىدىڭمۇ؟!


ئەتراپلاردا سايرايدۇ قۇشلار،
شوخ بالىلار ئوينايدۇ ھارماي.
كەتتى ئۆتۈپ ئالتۇندەك چاغلار،
كۆرسەتمىدىڭ بىرسەنلا چىراي.
پىنھانلاردا يۈرەي دىدىڭمۇ؟
سەن باھارنى چۈشەنمىدىڭمۇ؟!



باشقىچىغۇ سەھەرنىڭ پەيزى،
گۈل پۇرايدۇ ھەممىلاتەرەپ.
سۆيگۈمىزدىن دەستە تىزىمەن،
ساڭا ئامەت،بەىىت،قۇت تىلەپ.
سۆيگۈئوتى ئۆچسۇن دىدىڭمۇ؟
سەن باھارنى چۈشەنمىدىڭمۇ؟!

موخۇردىن خالىقۇف ناخشىلىرىدىن

بۇ دۇنيا

بۇ دۇنيا ئەرزىمەس پىدا بۇلۇشقا ،
بەندە سەن ئۇرۇنما خۇدا بۇلۇشقا ،
ھەر قىسمەت تەقدىردۇر ئاللاھتىن كىلەر .  
شاھ بولساڭ تەييار تۇر گادا بۇلۇشقا ،

بايلىققا ئالدانما ئامانەتتۇر ئۇ ،
بەخىت قۇشى كۈتمىگىن ھىكايەتتۇر ئۇ ،
دۇنيادىن دۆلەت ھەم ئابرۇي ئىزدىسەڭ .
سەبرى تاقەت مىھنەت قانائەتتۇر ئۇ ،

يار ۋەسلى جىلۋىگەر ئۈتۈپ كىتىدۇ .
نەپىسى يامان ھىلىگەر يۈتۈپ كىتىدۇ .
مەرىت بولغىن مەرىتلەرگە كۇلىدۇ تەلەي .
ئىگىلسەڭ بۇ زامان تىپىپ كىتىدۇ .

ئۆمۈدلىك باق دۇنياغا دوستۇم(ناخشا تىكىستى)




ئۆمۈدلىك باق دۇنياغا دوستۇم،

بۇ كۈنلەرمۇ ئۆتۈپ كېتىدۇ.

ئوخشاش بىر كۈن ئۆمۈتسىزگىمۇ،

چىققان قۇياش پېتىپ كىتىدۇ.



ئۆمۈدلىك باق دۇنياغا دوستۇم،

ئۆمۈتسىزنى ياقتۇرماس ئالەم.

ئەلەم چەكسەڭ ئۆكسۈمە ھەرگىز،

يارالمىغان كۆز ياشقا ئادەم.



ئۆمۈدلىك باق دۇنياغا دوستۇم،

ئۆمۈد دىگەن چۆللەرگە يامغۇر.

خورىتىدۇ ئۆمۈرنى تەشۋىش،

مۈشكۈللەردە ياشىغىن مەغرۇر.



ئۆمۈدلىك باق دۇنياغا دوستۇم،

شۇنداق ئۆتكەن ھەر كۈنۈڭ ھىيىتتۇر.

مەڭدىمەيدۇ قاردا-جۇدۇندا،

قەيسەر روھقا تاغلار شاھىتتۇر.



ئۆمۈدلىك باق دۇنياغا دوستۇم،

تېپىلىدۇ ئەتىۋارىڭمۇ.

ئەمەس ھايات چېقىلغان دۇتتار،

موڭ ياغدۇرار چالغان تارىڭمۇ.



ئۆمۈدلىك باق دۇنياغا دوستۇم،

ئۆمۈدلىكنىڭ ھەر كۈنى باھار.

پېنھانلاردا ئۆكسۈش نە ھاجەت،

ئەسلى ئۆمۈت سەن ئۈچۈ نىگار.



ئۆمۈدلىك باق دۇنياغا دوستۇم،

قايرىلمىسۇن شېخىڭ جۇدۇندا.

ئىزلىرىڭدىن تۆھپە ياراتقىن،

ئەزىز جاننى ئالغۇچە خۇدا.





ئاپتۇرى :ئېرشات ئوسمان .مەجنۇن