(ئۆزھال) ناخشا تېكسىتلىرى ھەققىدە [ئۇلانما كۆچۈرۈش]

ۋەتەن ئىشقى

جاپا ئىزەلمىگەن باغرىم ۋەتەن ئىشقىدا ئىزىلدى.
پىغان كەلكۇن كەبى ئۆرلەپ مۇڭۇم ھەسرەتتە ئىزىلدى.
چۇشۇمدە ئىزتىراپ بىلەن ۋەتەن دەپ نالىلەر چەكتىم
ئۇزۇمنى پارچىلاپ مىڭغا كۇيۇم زۇلمەتتە ئىزىلدى

ۋاراقلاپ كۆپ كالاملارنى يىشىم كەلكۇنگە ئايلاندى
گىلىمدىن ئۆتمدى نان تۇز ئازاپ خانەمگە ئايلاندى
ئەزىز تۇپراق قۇچاغىدا كۆيۇم ماتەمگە ئايلاندى
ئەسەر يوق قەھرىمانلىقتىن جىنىم غۇربەتتە ئىزىلدى

ھەجەپ بىر دەرىتتە ئۆرتەندىم كىشى بىلمەس بايانىمنى
كۆڭۆللەر سىغىنار بولدى  شىھتلەر قەبىرگاھىنى
سۇنۇپتۇ ئەرلىگىم ئەمدى كۆرۇپ ئەرلىك زاۋالىنى
سۇنۇق ئەرلىكنى چىڭ تۇتتۇم تىغى ئالقاندا ئىزىلدى.

يەر شارى

ئاق مۈشۈگۈم  مەش يىنىدا ئۇخلايدۇ ،
كىپىنەكلەر شىرنىلەرنى ئوۋلايدۇ ،
ھەرە كۆنىگىدىن سۆيگۈ مىھرى تارايدۇ .
مۇھەببەتكە تەشنا ئىكەن يەر شارى .

سۈزۇك ھاۋا قوغلاپ يۈرەر تۇماننى ،
سۈيۈپ قويار ئاي يۇلتۇزلار ئورماننى ،
سۈيەيلى تەڭ گۈل چىچەكنى سامانى .  
بىزدىن سۆيگۈ كۈتەر ئىكەن يەر شارى ،

يەر شارىسىز بىزگە ھايات نان نەدە ،
يەر شارىسىز بىزگە بەخىت جان نەدە ،
يەر شاردىن ھەيدەيلى جۇت تۇماننى ،
ئىس تۇتەكتىن بىزار ئىكەن يەر شارى .

يەر شارىدىن بىزدە پەقەت بىرسى بار ،
ساپ موھىتقا مۇھتاج ھەممە ئىنسانلار .
ھاياتلىقنىڭ ئانىسى - بۇ ماكانى ،
مىھرىمىزگە تەشنا ئىكەن يەر شارى .

مايلامچى بالا

سوغ شامال مۇزلىتار بارماقلىرىڭنى ،
شىۋىرغان ئۈششۇتەر قۇلاقلىرىڭنى ،
قار مۇز بۇلۇپ قاتسا نازۇك كىرپىكلىرىڭدە  ،
تام مىشڭنى سېغىنامسەن مايلامچى بالا ،

بىر كۈن تاپقان پۇلۇڭ ئاران نانغا يەتكەندە ،
بەزىلەر ئىگىسز دەپ بوزەك ئەتكەندە  ،
بەزىلەر ئىش ھەققىڭىنى بەرمەي كەتكەندە ،
يىشىڭ بىلەن يۈز يۇيامسەن مايلامچى بالا ،

سەنمۇ ئاتاڭ- ئاناڭنىڭ بارلىغى ئىدىڭ  ،
خۇددى باشقا باللاردەك ئەتىۋار ئىدىڭ ،
ئاناڭ ئەتكەن تاماقنى سېغىنىپ شۇ دەم ،
ئۆيگە كەتكۇڭ كىلەمدۇ مايلامچى بالا ،

باللىق چىغىڭدا چەككەن مۇشاقەت ،
يولوڭدا ئۆچمەس بولغۇسى چىراق ،
جاپالىق تۇرمۇش تاۋلىسا سىنى  ،
بەختلىك ھاياتقا ئاچقۇسى قوچاق ،

ئاي پەرى

بولمىسا كۆڭلۈڭدە كۈندەشلىك كىرى ،
خۇش كۈلۈپ قىلغاي تەبەسسۇم ئەختىرى ،
يايرىغاي دىل كۈندە ھىيت بايرام كەبى ،
گەر ھەسەت چىرماغىدىن بولساڭ نىرى .

بولسا قەلبىڭ چىكى يوق دەريا كەبى ،
يار ھامان روھىڭغا شاتلىق دىلبىرى ،
قىممىىتڭنى ئەل ئارا قىلغاي بايان ،
تىقمىساڭ دوسىتلارغا ھەسەت خەنجىرى .

ئاي يۈزۇڭگە خوپ ياراشقان خاللىرىڭ ،
قامىتىڭ ھۆسنۇڭگە خاس گۈل ياشلىغىڭ ،
ساتمىسا ۋىجداننى شاش بەڭۋاشلىغىڭ ،
يار ساڭا مەڭگۇ بەخىت ئەي ئايپەرى .

ئەتلەس

ئەتلەسنىڭ تاجىدا جىلۋىگەر تاغلار ،
باغرىدا ياپ يىشىل چىمەن چايقىلار ،
يەتتە رەڭ كۆكسۇڭدە ھەسەن ھۇسەندۇر ،
ئاستىدا ئوتلايدۇ توپ توپ يىلقىلار ،

باغىرىڭدا ئۆتمۈشنىڭ ئىزلىرى چولپان ،
شەلپەرنىڭ چىھرىدە يالتىرار گۇلخان ،
چىچىلسا ئالەمگە رەڭدار لىنتىلار ،
چاراقلاپ جىسمىڭدا پاكلىق نامايان .

نەچچە مىڭ يىل ئاۋال سۆيگەن پەرىشتەم ،
ھۆسنىدە ئالەمچە پاكلىق مۈجەسسەم ،
مىھنەتتە تاۋلانغان سۆيگۈم مۇقەددەس ،
سەن بىلەن جەننەتتۇر كەلگۈسۈم ئەتەم .

دىھقانىم

دىھقانىم سىنى دەپ كەتمەن چاپمىدىم ،
ئاچلىقتىن سەن بىلەن ھۇزۇر ئالمىدىم ،
سىنى دەپ شەھەردە تىرىمىدىم گۈل ،
سەن ئۇچۇن بىر پارچە شېئىر يازمىدىم ،

ئۈستىلەپ كۆپەيسە ئالۋاڭ ياساقلار ،
ھەقنى دەپ كۇكسۇمنى قالقان قىلمىدىم ،
داۋاسىز يىرىلدى مىھرلىك ئالقان
چاك كەتكەن تاپانغا مەلھەم بولمىدىم ،

سەن بىلەن خاماندا ياتمىدىم بىللە ،
سۇ تۇتۇپ بىر قىتىم باغلاق باقمىدىم ،
نان تۇزۇڭ ئەر قىلدى بىلىمەن ئەمما ،
سىنى دەپ ئوچاققا ئوتلار ياقمىدىم ،

ھوسۇلۇڭ بىشىدا تاغىرىم تەييار ،
تومۇزدا تۇتمىدىم بىر چىنە شەربەت ،
ئەجىرنى تاماسىز ياشاش دەپ بىلىپ ،
ھاياتقا بىر قىتىم قىلمىدىڭ مىننەت .

تېكست يوللاشتا  ئايرىم تېما  قىلىپ يوللامدۇق ئۆزھال؟ ياكى  سىزنىڭ تېمىڭىزنىڭ  ئاستىغا  ئىنكاس شەكلىدە يوللامدۇق؟

مۇشۇنىڭ ئاستىغا يوللايلى .

نە قىلاي؟

دىلبىرىم سەنسىز ھاياتنى نە قىلاي،
سۆيمىسەم مەڭزىڭ، ناۋاتنى نە قىلاي،
بولمىساڭ، مەن كۆك تامان قىلسام سەپەر،
بىكېرەكتۇر- جۈپ قاناتنى نە قىلاي؟
جىلمىيىپ تۇرساڭ كۈلۈپ گۇلباغ ئارا،
گۈل دېگەن «پارچە-پۇرات»نى نە قىلاي؟
بىنەزەر ھىجران چۆلىگە پالىساڭ،
ئۇچرىسا گەر، تىلسىماتنى نە قىلاي؟
ئالمىسام يارىم  سېنىڭدىن بىر ئۇچۇر،
سېنى دەپ قىلغان جىھاتنى نەقىلاي؟
سېزىمەن ئۆزۈمنى سەنسىز بىر غېرىب،
سەرۋىدەك قامەت-سۇباتنى نە قىلاي؟
كەلمىسە رەھمىڭ مۇھەممەتكە ئەگەر،
سەۋدايى بولسام ئۇياتنى نە قىلاي؟


سەندەدۇر

ئەي جانان پىكرۇ-خىيالىم سەندەدۇر،
بىلىمەن، بەختۇ-ۋىسالىم سەندەدۇر،
كېچىلەر  بىدارىمەن ئۇيقۇ ھارام،
بىئىلاجمەن،بار ئامالىم سەندەدۇر.
قاپلىدى قەلبىم بېغىنى جۇت-سوغۇق،
ئىللىتار پەسلى باھارىم سەندەدۇر!
مېھنىتىمدىن باغنى پەرۋىش ئەيلىسەم،
ئوخشىغان ئالما-ئانارىم سەندەدۇر.  
قويدى ئىشقىڭ بۇ ۋۇجۇدنى مەست قىلىپ،  
مەلھىمى دورا-داۋايىم سەندەدۇر.
تاشلىما  ھىجرانغا مۇھەممەتنى سەن،
كەلگىنە،كۆڭۈل ئارامىم سەندەدۇر.

بۇ يازمىنى ئاخىرىدا   مۇھەممەدتوختى تەھرىرلىگەن. ۋاقتى  2012-6-29 22:10  

سەن  بولمىساڭ

ئەمەتجان قۇربان                                                                                                                                         

سەن بولمىساڭ كۆكتە ئاي،
كېتەر  ماڭا  باقماستىن،
سەن بولمىساڭ يۇلتۇزمۇ،
توختار نۇرلۇق چاقناشتىن،

سەن بولمىساڭ  دۇنيادا،
چىراي ئاچماس باغلار مۇ.
سەن بولمىساڭ، زىمىندا-
تىك  تۇرالماس تاغلارمۇ.

سەن بولمىساڭ دەريادا،
شاۋقۇن  سۇلار توختايدۇ.
سەن  بولمىساڭ بۇ  جانىم،
دەرت -ئەلەمدە قاخشايدۇ.

سەن بولمىساڭ بولمايدۇ
يۈرەك كۈچكە تولمايدۇ.
چىن ساداقەت گۈللىرى،
سىنىڭ بىلەن سۇلمايدۇ.

بۇ يازمىنى ئاخىرىدا   urghu تەھرىرلىگەن. ۋاقتى  2012-6-30 00:54  

ناخشا  تېكىستلىرى

ئەمەتجان قۇربان

ئەجەپ



ئەجەپ بىر  باستى غەم-كۈلپەت

ۋىسالغا قانمىغان  تۇرسام،

جۇدالىق  سازىنى  دەرتتە،

قېنىپ  بىر  چالمىغان  تۇرسام



يۈرەك  ھېجراندا  ئۆرتەندى،

غېمىم  يەلكەمگە يۈكلەندى.

مۇھاببەت  ئىشقىدا   مەڭڭگۈ،

قوياشتەك  چاقنىغان  تۇرسام



ناكەسلەر  بەك  كۆرەلمەسكەن،

سائادەتلىك يۈرەلمەسكەن.

يىراق  مەنزىلدە  تۇلپار  بوپ،

داۋاندىن ئاتلىغان  تۇرسام.



ھۇزۇرى قايدا  بۇ  جاننىڭ.

چۆلى  بىر   باغۇ-بوستاننىڭ.

جاپانى  كۈچ  جاسارەتتە،

پۈكۈپ  مىڭ  قاتلىغان  تۇرسام.



ئېچىلماس گۈلى  ئىشرەتنىڭ،

يۇرۇقتۇر  يولى  نۇسرەتنىڭ.

گۈزەل ئەخلاق  -دىيانەتنى،

ئەزەلدىن  ياقلىغان  تۇرسام.





سۆيەلمەيمەن



سۆيەلمەيمەن  سىنى دىلبەر،

كۆزۈڭنى ياشلىما ئەمدى.   

      گۈزەل  چاغلارنى  ياد ئەيلەپ،

سۆزۇڭنى باشلىما ئەمدى.   



خۇنۇكلەشتى جامالىڭمۇ،

      يۇرەك-قەلبىمدە جايىڭ يوق.

   مېنى دىلدىن  سېغىنغاندا،

   پېقىر  يانىڭدا  دائىم  يوق.



بولاركەن  بۇ مۇھەببەتنىڭ،

رىيازەت، دەردى-ھېجرانى.

    ۋىسال  ئەختەرى  نۇرلۇقكەن،

ئىشىقنىڭ   بولسا  قۇربانى.   



      بۇ ئالەم  ئۇز  كۆرۈنمەس  ھەم،

ۋاپا  ئەھلىگە  داغ  يەتسە.

           بەختتىن   سۆز  ئېچىش  تەس گەپ.

ئىشق  باغىگە  زاغ  يەتسە.   



قىزىلگۈل



ئەي  قىزىل گۈل بەرگىڭدە،

شەبنەم بولالماي.                 

  يۈرۈپتىمەن  ئىشقىڭدا،           

ھەمدەم  بولالماي.               



        ئەي قىزىلگۈل بەرگىڭدە،

چوغدەك  قان بارمۇ؟

        سىنىڭ  ئەسلى ئىلكىڭدە،

تىرىك  جان  بارمۇ؟



رىۋايەتتە  ئاشق يىگىت،

قالمىسا  ئۇخلاپ،           

    سۇبھى-تاڭدا  ئېچىلامتىڭ ،

قۇياشتەك  چاقناپ؟         



ئەي قىزىلگۈل ۋەسلەڭدە،

بىدارمەن  ھەر  ۋاق.        

ماڭا  قاراپ   ئېچىلغىن،   

دىدارمەن   ھەر  ۋاخ.  



                                                              




   IP：خاتىرلەندى      2011-8-27 16:09:14

بۇ يازمىنى ئاخىرىدا   urghu تەھرىرلىگەن. ۋاقتى  2012-6-30 01:10  

باھاردا   ئىزلىسەڭ  بۇلبۇل

ئەمەتجان قۇربان                                                                                                                 



باھاردا  ئىزلىسەڭ بۇلبۇل  ئۇنى  ئىزلە گۈلۈستاندىن،

  ئەشۇ  يەڭلىغ تاپارسەنكى ھوقۇشنى چۆل-باياۋاندىن.



مەگەر يانتاقنى بىر گۈل دەپ پۇراپ قالما  شۇ يانتاقنى،

      كېلەر ھەر چاغدا خۇش  ئەنبەر ئېچىلغان لالە-رەيھاندىن.  



نادان ھۆپۈپنى بۇلبۇل دەر،ئېشەكنى كۆرسە  دۇلدۇل دەر،

ئۆزۈڭنى نېرى تۇت دائىم نا توغرا  يولى ئازغاندىن.      



شىۋىرغان قۇترىسا بەرداش بىرەلمەي  قاخشىما  زارلاپ،

   زېمىستان جۇتتا  بۈركۈتمۇ  قانات  يىغمايدۇ   ئاسماندىن.



   جۇدۇن  كۆچمەي،قۇياش كۈلمەي  باھار قانداق جامال ئاچقاي،

نە خەندان ئەيلىسۇن  بۇلبۇل ئادا  تاپماي  زىمىستاندىن.     



بەخىتتتۇركى باھار  يەڭلىغ لېكىن مۈشكۈلگە مۇشتاقتۇر،

      ئۆگەن  مۈشكۈلنى  يەڭمەكنى بۈيۈك  مەنزىلدە كارۋاندىن.



تۇرۇپ  دەقەمدە  گۈلشەننى كۆزۈڭ  قارچۇغىدەك  ئاسرا،

      ئېلىڭ  شۇ  چاغدا گۈللەنگەي قازانغان زور  ئۇتۇق- شاندىن



توغراق ناخشىسى



    قەددىڭنى تىك  تۇتۇپ  تۇرىسەن  ھەيۋەت،

جۇت-بوران داجىيدۇ  مەغرۇرلىقىڭدىن.     

چۆللەرنىڭ  مەڭزىدە  چاقنىغان  خالسەن،

ھاياتلىق  تۆكۇلەر  غەيۇرلىقىڭدىن.         



           يىلتىزىڭ يەر  ئۆزرە  يېپىشقان  مەھكەم،

باقىدۇ  بىر  ساڭا  قۇملار  بارخېنى.

         چاك  كەتكەن قوۋزىقىڭ  ئاراشلىرىدىن،

     چاقنايدۇ  بوۋامنىڭ گۈزەل -ئارمىنى.



          ئەزەلدىن دەرەخلەر  كۆركى  سەن  توغراق،

بۇ ئانا زېمىنغا گۈلدەك ياراشقان.     

قەدىمى تارىخنىڭ  ئىزناسى سەندە،

نامىڭدۇر مەڭگۈگە تىللاردا داستان.



ئەزەلدىن دەرەخلەر كۆركى سەن توغراق،

جۇش ئۇرار قەلبىمدە  ساڭا  ئىشتىياق.






   IP：خاتىرلەندى      2011-8-28 14:36:42      

بۇ يازمىنى ئاخىرىدا   urghu تەھرىرلىگەن. ۋاقتى  2012-6-30 01:19  

يالغان

ئەمەتجان قۇربان                                                                                          

    بېرىپ ئىشقىڭنى ئەي دىلبەر،

  يۈرەكتىن سۆيگىنىڭ  يالغان.

مۇھەببەت  ئىشتىياقىدا،      

لاۋا  بوپ كۆيگىنىڭ يالغان.



     جامالىڭ شۇنچە مېسكىندۇر،

    يۈرەكتىن كۈلگىنىڭ يالغان.

    ۋېسال  دەشتىدە بىغەم بوپ،

يىگانە يۈرگىنىڭ يالغان.



بەخت قوينىدا ياشلىقنىڭ،

  پەيزىنى سۈرگىنىڭ يالغان.

     پەلەككە دادلىنىپ -ۋايساپ،

قاپاقمۇ تۈرگىنىڭ يالغان.



جاھاندا ھەرنە  قىسمەتنى،

بۇ ياشتا كۆرگىنىڭ يالغان.

ۋېسال پەسلىگە مۇشتاق بوپ.

ھاياتسەن،ئۆلگىنىڭ يالغان.




   IP：خاتىرلەندى      2011-8-28 16:02:23

بۇ يازمىنى ئاخىرىدا   urghu تەھرىرلىگەن. ۋاقتى  2012-6-30 01:23  

ئانا

1

ئەمەتجان قۇربان                                                                                             

بىر  بوردا  نان تاپساڭ  ناۋادا،      

بالام  بار دەپ گېلىڭدىن ئۆتمەس.  

بىر يۇتۇم  سۇ  ئىچمەكچى  بولساڭ،

بالاڭ  يەنە  خىيالدىن  كەتمەس.   



  بىر تامچە ياش ئاقسا  كۆزۈڭدىن،   

  ئاي  يۈزىگە داغ  چۈشەر  ئىكەن.   

  مېھرىڭ  سىڭگەن  بۇ ھايات قوينى،

   سىنىڭ بىلەن  گۈل جەننەت  ئىكەن.



قەلبىڭ مېھىر دۇنياسى  ئانا،

  كۆزۈڭ  قۇياش  زىياسى  ئانا.

          سىنىڭ  بىلەن قۇت-بەركەت  تاپار،

بۇ  ھاياتنىڭ  مەناسى  ئانا



ئانا(2)



   سىز  ھاياتتا  ئاددى بىر  ئىنسان،

       پەرزەنت ئۈچۈن شەپقەت چولپانى.

كۆتۈردىڭىز قەيسەرلىك بىلەن،

يەلكىڭىزدە  پۈتكۈل دۇنيانى.



     تۇنجى بولۇپ  ئۈگەتتىڭىز سىز،

بۇ ھاياتقا  قەدەم  ئېلىشنى.

     داۋانلاردا  شاش تۇلپار بولۇپ،

    بەيگىلەردە ھارماي  چېلىشنى.



بۇ دۇنياغا تۆرەلگەن  ئىنسان،

ياشاشنىمۇ  سىزدىن ئۈگەنسۇن.

بۆشىكىگە  مېھىر -شەپقەتنىڭ،

ئەللەيلىنىپ ئىللىق بۆلەنسۇن

بۇ يازمىنى ئاخىرىدا   urghu تەھرىرلىگەن. ۋاقتى  2012-6-30 01:30  

مېھىرلىك  دۇنيا

ئەمەتجان قۇربان                                                                                               



كۆڭۈللەر كۆڭۇلدىن  سۇ ئىچەر،

بۇ ھايات ئىنسانگە چەكلىكتۇر.

ياخشىلىق ھەر جايدا ئامانەت،

يامانلىق ئىنسانگە پەسلىكتۇر.



                 كۆيۈملۈك  ئىنسان  ،سۆيۈملۈكتۇر.           

چىن ياشا  بۇ ھايات  قوينىدا

رىيازەت ئەر  ئۈچۈن  سىناقتۇر،

مېھنىتىڭ   توختىسۇن  چويلىدا.



بۇ  دۇنيا  مېھىرلىك  دۇنيادۇر،

    قۇياشتەك  نۇر  چېچىپ پارلىغىن.

  بۇ ھايات  گۈلشىنى   رەڭداردۇر،

ئەل-ئاۋام   ئۈمۈدىن    ئاقلىغىن.



گۈل قىسىپ  كەلسەڭ



   گۈل  قىسىپ كەلسەڭ نىگارىم،

گۈلنىڭ ئۆزىكەنغۇ   دېدىم.

  چاقنىغان ئالتۇن  ئۈزۈكنىڭ   ،

نۇرلۇق  كۆزىكەنغۇ    دېدىم.



       تۇر  يىراق، ئېپقاچ  ئۆزۈڭنى،  

    كۆزى  يامانلار  قەستىدىن.   

تەلپۈنەر  ساڭا  يۈرەگىم،  

       ئىشقى-مۇھەببەت   دەستىدىن.



شەھمى-ھايا، پەزلىڭ بىلەن،  

كۆڭلۈمنى  ئۇتتۇڭ  ناز  قىلىپ.

سېغىنىپ  كەلسىەڭ  قېشىمغا،   

قوينۇمنى  ئاچتىم  ياز  قىلىپ.   



بۇ ھايات گۈلدەك  ھاياتتۇر،

قەدرىنى  بىلگەنلەر  ئۈچۈن.

چىن  ساداقەت باغلىرىدا      ،

شاتلىنىپ كۈلگەنلەر ئۈچۈن.




   IP：خاتىرلەندى      2011-8-30 14:29:52

بۇ يازمىنى ئاخىرىدا   urghu تەھرىرلىگەن. ۋاقتى  2012-6-30 01:34