(ئۆزھال) ناخشا تېكسىتلىرى ھەققىدە [ئۇلانما كۆچۈرۈش]

سەنئىتىم

مىللىتىمنىڭ نامىنى ئەلگە تاراتقان سەنئىتىم ،
شۆھرىتىنى ، شاننى خانغا ياراتقان سەنئىتىم ،
يالتىراپ گۈل چىھرىدە ئارمانغا پاتقان سەنئىتىم ،
قەلبىدە قات قات ۋەتەن ھىجرانى ياتقان سەنئىتىم ،

ئۆستۈرۈپ پىرچەڭگىدەك ئوغلاننى ھەردەم باغرىدا ،
ھەر دەۋىر ئاۋازغا سۈدەك قېتىلغان سەنئىتىم ،
يانمىغاي مەردانىلەر رەقىبى جەڭگە چىللىسا ،
ئۇندا دۈشمەن كۆكسىگە ئوقتەك ئېتىلغان سەنئىتىم ،

سۇجۇپ، فارابى مۇڭلىرى جىسمىدا غەليان ئىتىپ
جىلۋىسىدە قانلىرى گۈلدەك ئىچىلغان سەنئىتىم ،
شىرىن جۇدالىق قىسمىتى تاغدەك، يىقلسا باشىغا ،
تىك تۇرۇپ ئىمانغا مەھكەم ئېسىلغان سەنئىتىم ،
  

جاللات ئاۋۇ ناخشا تېكىسىتىنى كىچك تىپتىكى موزىكىلىق دراما قىلسا بولغىدەك .

    ئالدى بىلەن ئۆزھالنىڭ مۇشۇ ئىنتىلىشىنى، ئۇرۇنىشىنى، تىرىشچانلىقىنى قوللىشىمىز كېرەك، چۈنكى ھەرقانداق بىر ئىشنى قىلىدىغان، باشلايدىغان، ھېچ بولمىسا دەۋەت قىلىدىغان ئادەم بولمىسا بولمايدۇ. بۇرادەرىمىز ئۆزھال مانا مۇشۇنداق بىر ئىشنى باشلىغان، ئارىدا بىر مەزگىل مۇنبەردىن يوقاپ كەتكىنى راسىت، بۇنى ئۆزىمۇ قىسمەن ئىزاھلاپتۇ، كونا مۇنبەرگە شائىرلىرىمىز، ھەۋەسكارلىرىمىزنىڭ خېلى ياخشى تېكىستلىرى يوللانغان، ئەمدى ئۇلارنىڭ ھەممىسى ئاھاڭغا سېلىنىپ ئوقۇلمىسىمۇ، ئەمما يەنىلا شېئىر بولۇپ ئوقۇلىۋېرىدىغۇ، شۇڭا شائىرلىرىمىز، قەبىدىن كۈي بولۇپ تۆكۈلگەنلىرىنى كۆپچىلىكنىڭ قەلىپ كۈيلىرى بىلەن بىرلەشتۈرۈپ، سەھنىلەردە ناخشا قىلىپ ئېيتىلىشنى ئويلىغان بولسا، ئۆزھالنىڭ تەشەببۇسلىرىنى قوللاپ ئۆز ئىجادىيەتلىرىنى تەقدىم قىلسا، ئۆزھالىنىڭ ئۆزى دېگەندەك بۇ جەھەتتىكى بوشلۇق كېڭىيىپ كەتمىگەن بولاتتى. ئامال، ئىمانىيەتسىزلىكتىن، تاللاش ئىمكانىيىتىنىڭ بولىغانلىقىدىن بولىۋاتقان شۇ ناخشىچىلار، كومپوزتورلار ئەتراپىدىكى بىر نەچچە شائىرنىڭ تېكىستلىرىلا ئاھاڭغا سېلىنىپ ئېيتىلىدىغان ئەھۋالغا خاتىمە بېرىلەتتى.
   ئۆزھالغا مۇنداق بىر نەچچە تەكلىپ بەرمەكچىمەن:
  1.سىز بۇ يېڭى مۇنبەردە يەنە بىر يېڭى تېما ئاچىسىىڭىز شائىرلىرىمىز ئۆزىنىڭ تېكىستلىرىنى شۇ تېما ئاستىغا داۋاملىق يوللاپ بەرسە.
  2.كونا مۇنبەردىكى تېكىست-شېئىرلارنى يېڭى مۇنبەرگە يۆتكەپ كەلگىلى بولىدۇ. بۇنىڭغا ئۆزىڭىزنىڭ ۋاقتى يەتمىسە باشقىلارغا ھاۋالە قىلسىڭىز ياكى كونا مۇبەردىكى تېما ماۋزۇسى ئاستىغا تېما ئېچىپ قويسىڭىز شائىرلىرىمىز ئۆزلىرى ئېرىنمەي يۆتكەپ قويسىمۇ بولىدۇ.(مۇنبەر باشقۇرغۇچىلىرى كونا مۇنبەردىكى ئەھمىيەتلىك تېمىلارنىڭ يېڭى مۇنبەرگە يۆتكەپ كېلىنىشىنى چەكلىمىدى، شۇڭا بۇ ئىمكانىيەت بار).  ۋە ياكى ئۆزىڭىز ياخشى دەپ قارىغان تېكىستلەرنى يۆتكەپ قويسىڭىز.
  3.سىزنىڭ «كارىدور»ھەققدىكى تېمىڭىزمۇ بار ئىكەن، مەيلى شۇ جەھەتتىكى ئىشلار بولسۇن ياكى تېكىست جەھەتتىكى ئىشلار بولسۇ، ئاپتۇرلىرىمىزنىڭ سىز بىلەن شەخسەن ئالاقىلىشىپ، پىكىر ئالماشتۇرۇش، مەسلىھەت سوراش دېگەندەك ئېھتىياجلىرى تۇغۇلۇپ قېلىشى مۇمكىن، شۇڭا سىز باشقىلارنىڭ ئۆزىڭىز بىلەن بىۋاستە ئالاقىلىشىش ئۇسۇلىڭىزنى(مۇئاپىق كۆرسىڭىز)بىلدۈرسىڭىز، كۆپچىلىكنىڭ سىز بىلەن ھەر جەھەتتىن مۇنبەر ئىچى-سىرتىدا ئالاقىلىشى قولاي بولاتتى. بۇنىڭدا، تېلىفۇن نومۇرى سەخسىي ئۇچۇر ئالاقىگە تەۋە يەنى، مەخپىيەتلىكى مەلۇم چەك ئىچىدە بولىدىغان نەرسە، مۇڭداشقۇ دېگەنمۇ سەل بىمەنە، ئادەمنى بىمەھەل ئاۋارە قىلىدىغان نەرسىكەن، ئەڭ ياخشىسى سىز مۇقىم، توغرا بىر ئېلخەت ئادرىسى ئېلان قىلسىڭىز ياكى شەخسىي بلوگ قۇرسىڭىز ياخشى بولارمىكىن دەيمەن.
  شەخسەن مەن سىز بىلەن ئىلمىي ئالاقىلەردە بولۇشنى ئىستەيمەن. بۇ يازمىنى ئاخىرىدا   bagyar تەھرىرلىگەن. ۋاقتى  2012-6-27 21:27  

بەگياركا . ياخشى پىكىرلەرنى قىلىپسىز . ئۈزۈم يىقىنىدا بىر مۇنچە ئىشلارنى تۇتىۋالغان . بىر دراما ئۈچۈن تۇتۇش قىلىۋاتىمەن بۇ بىر ئىش . پىلاستىنكىغا تەييارلىق قىلىۋاتىمەن بۇ ئىككىنچى ئىش . يەنە باشقىلارنىڭ كېچىلىكلىرى قولۇمدا بار . ئۇنىڭ ئۈستىگە ئابدۇرھىىم ھىيىتىنىڭ  ناخشا موزىكا توپلىمى چىققان شۇ ئىشلارنىڭ تەشۋىقات ئىشلىرىنى قىلىۋاتىمىز . مەن باشقا تىما ئېچىپمۇ ئولتۇرماي . تورداشلار ئۆزى ياخشى دەپ قارىغان تېكسىتلىرىنى مۇشۇ تىمىنىڭ ئاستىغىلا ئۆزلىرى يوللاپ قويسا . ئەرزىيدۇ دەپ قارىغانلىرىنى ئۈزى ئىلىپ كەلسە ئەڭ مۇۋاپىق بۇلارمىكىن دەيمەن . ئالاقە ۋە مەسلىھەت ئىشلىرىدا مەن داۋاملىق دوسىتلار ئۈچۈن خىزمەت قىلىشنى شەرىپىم دەپ بىلىمەن شۇڭا كەلگەنلەر سالام بەرسە ئالدىغا چىقىش . گەپ سورىسا قولدىن كەلگەننى قىلىپ ياشاشتىن باشقا ئۈرۈمچىدە ياشاپ نىمە ئەھميىتىمىز بولدى ئەمدى ؟

مەن بارلىق ئالاقېلىشش ئادېرىسىمىنى قالدۇراي . دوسىتلار مۇشۇ بويىچە مەن بىلەن ئالاقىلاشسا بۇلىدۇ .

تېلېفۇن : 13659993265

مۇڭداشقۇ : 384111685

خەت ساندۇق : ozhal@yahoo.cn

ئارقىلىق مەن بىلەن ئالاقىلاشسا بۇلىدۇ .  يەنە باشقا ئىشلار بۇلۇپ قالسا قولدىن كەلگەنچە دوسلۇق قولۇمنى سۇنۇش مىنىڭ ئەنئەنەم شۇڭا باشقا ئىشلاردىمۇ مەسلىھەت سورايدىغان زۇرىرىيەت بار دەپ قارايدىغان ئەزىزلەر مىنى بىمالال ئىزدىسە بۇلىدۇ . يەنە بىر گەپ . تېلېفۇن كەلسە خوتۇنۇم كۈنلىمەيدۇ شۇڭا قاچاندا بولسا ئۇرساڭلار بۇلىدۇ ئەمما يىرىم كېچىدە مەس ئۇرغان تېلېفۇنلار بىردەك ئېلىنمايدۇ

  ئۆز ھال ماۋۇ « تېلېفۇن كەلسە خوتۇنۇم كۈنلىمەيدۇ شۇڭا قاچاندا بولسا ئۇرساڭلار بۇلىدۇ » گەپنى دېمىسەكمۇ بولاتتىغۇ، بۇرادەر، مەيلى چاخچاق دەپ بىلدۇق. بۇ يازمىنى ئاخىرىدا   bagyar تەھرىرلىگەن. ۋاقتى  2012-6-27 20:46  

قاچانلا قارىسا سىياسى ئۈگۈنۈش قىلغاندەك نىرۋېىنىڭ تارلىرىنى تۈزۈپ قاتتىق تۇرىۋالمايلى . ئون ئېغىز گەپتە بىر ئىغىز چاخچاق بولمىسا ھاياتنىڭ تەمى لەغمەن بىلەن داپەندىجىدە قالدىمۇ ئاكا ؟

كىملەر

ئابلەت مۇھەممەت كۈيزار

ھاياتنىڭ پەيزىنى سۈردى كىملەر شاد ؟
قۇياشنىڭ نۇرىغا چۈمدى كىملەرشاد ؟
ئازابلار ئىلكىدە پۇچۇلسا يۈرەك،
باھارنىڭ قوينىدا يۈردى كىملەر شاد ؟


دەريانىڭ سۇلىرى تاشماي ئاقامدۇ،
تۈن- كېچە چولپانلار سىزگە باقامدۇ.
بىر ناننى تەڭ يېگەن، تەڭ يېگەن بىلەن،
سۆيۈنىڭ تارىنى چەكتى كىملەر شاد ؟

يېقىملىق سايرايدۇ باغدىكى بۇلبۇل،
مۇھەببەت يۈرەكنى قىلمايدۇ جۇل- جۇل.
سىرداشلار ئۆز- ئارا قالسا ياتلىشىپ،
ئۈمىدنىڭ بېغىغا كەلدى كىملەر شاد ؟

2012- 6- 27

كونا تېكىسىتلەر

يول

پاكلىق بولسا قاندا، جېنىڭدا،
قىسمەت تۇراپ تۇرماس يېنىڭدا.

تۇلۇنئايمۇ قىلار تەبەسسۇم،
گۈللەر پۇراق چاچسا ئىزىڭدا.

سامادىمۇ، تاغلاردىمۇ يول،
تۇتاش بولسا يۈرەككە يۈرەك.

ئۈمىد بىلەن چۆلدىن ئاتلايدۇ،
بۈيۈك مەنزىل ئىشقىدا ئەركەك.

قۇياش باقار مەيۈس پەرىشان،
ئۆز يولۇڭدا كەزمىسەڭ چاپسان.
باھادىرلىق__ توغراقتىكى سۈر،
يول بولمىسا يوقايدۇ ئارمان!

قاردىكى جۇدالىق

باغلاپ ساڭا تۇنجى ئەقىدە،

يۈرىكىمنى بەرگەنتىم نىگار.

مەن يېگانە قار باسقان يولدا،

ئاق چېچەكتەك كەزدىم ئىنتىزار.

سەن يېنىمدا كۈلگەندە خۇشال،

سەزگەن ئىدىم ئۆزۈمنى ئەركەك.

بۈگۈن قاردا ئايرىلىپ سەندىن،

جۇدالىقتا ئىزىلدى يۈرەك.

سېنى قانداق ئۇنتۇپ كېتەرمەن،

بەخىتسىزلىك بولدى ماڭا يار.

يۈرىكىمدە سۆيگۈ ئازابى،

بىۋاپالىق قىلدى مېنى خار.

ئوتلۇق سالام

سالام يۇرتۇم سالام ئەزىزلەر،

بارچە دىلدىن ئېھتىرام تازىم.

ئەسلەپ دائىم باھارنى يىللار،

ھايات يەنە مەڭگۈلۈك يازىم.

سالام قۇياش ئاي ۋە يۇلتۇزلار،

سالامىمدا بار بۈيۈك تىلەك.

توپا يوللار توپا چىرايلار،

سىلەردە بار مېھىرلىك يۈرەك.

سالام بوۋا، ئەسسالام موما،

سىلەر تارىخ بىزگە يادنامە.

ئات ئۈستىدە باھادىر ئەركەك،

ئۆلۈمنىمۇ سۆيەر مەردانە.

قايتارما؛

سالام يۇرتۇم سالام ئۇيغۇرۇم،

سىلەر دېگەن سۇلتانلار نەسلى.

ھايات ئىللىق كۈلۈپ باقمايدۇ،

ئۇنتۇلغاندا ئادەملەر ئەسلى.

ئەركەك كۈيى

ياشار ئادەم ئۈمىد ئىچىدە،

ئۈمىدۋاردا مېھىرلىك يۈرەك.

دەرت ھەسرەتتە خورىسا ھايات،

ياش تۆكمەيدۇ ۋىجدانلىق ئەركەك.

سۆيگۈ دېگەن يېقىملىق ناخشا،

ھەممە ئېيتار ئۆز ئاۋازىدا.

ۋىسال چەكسە بەخىت تارىنى،

يىگىت يەنە ئەلنىڭ زارىدا.

تېنىق باردۇر ھەربىر گېياھتا،

جەم بولغاندا دىللارغا دىللار.

ئۇنتۇلسىمۇ تۈمەن مىڭ قەبرە،

مەرد ئىزىنى ئىزدەيدۇ يىللار.

2011- يىل 12- ئاينىڭ 24- كۈنى

بۇ يازمىنى ئاخىرىدا   kuyzar تەھرىرلىگەن. ۋاقتى  2012-6-27 21:38  

كىملەرنىڭ ئارقىغا شاد دىگەن سۆزنى ئالساق بۇلامدۇ ؟ تەلەپپۇز قىلىشتا ياخشىراق بولغىدەك .

بولىدىغان پىكىر ئاكا ! مەن ھازىرلا ئۆزگەرتەي!

        ئۆزھالغا مۇنداق بىر نەچچە تەكلىپ بەرمەكچىمەن:
  1.سىز بۇ يېڭى مۇنبەردە يەنە بىر يېڭى تېما ئاچىسىنىڭ شائىرلىرىمىز ئۆزىنىڭ تېكىستلىرىنى شۇ تېما ئاستىغا داۋاملىق يوللاپ بەرسە.

    بەگيار "ئاچىسىنىڭ شائىرلىرى..." ئەمەس، بەلكى " تېما ئاچسىڭىز....."دېمەكچىغۇ دەيمەن؟

كۈيزار:
كىملەر

ئابلەت مۇھەممەت كۈيزار




ھاياتنىڭ پەيزىنى شاد سۈردى كىملەر؟
قۇياشنىڭ نۇرىغا  شاد چۆمدى كىملەر؟
ئازابلار ئىلكىدە پۇچۇلسا يۈرەك،
باھارنىڭ قوينىدا شاد يۈردى  كىملەر؟


دەريانىڭ سۇلىرى تاشماي ئاقامدۇ،
تۈن- كېچە چۈلپانلار سىزگە باقامدۇ.
بىر ناننى تەڭ يېگەن، تەڭ يېگەن بىلەن،
قەلىپنىڭ تارىنى شاد چەكتى   كىملەر؟

يېقىملىق سايرايدۇ تاڭلاردا بۇلبۇل،
مۇھەببەت ھاياتنى ئەيلەيدۇ گۈل-گۈل.
سىرداشلار ئۆز- ئارا قالسا ياتلىشىپ،
ئۈمىدنىڭ بېغىغا شاد كەلدى  كىملەر؟

كىچىككىنە ئۆزگەرتىشلەرنى قىلىپ باقتىم، چۈنكى تېكىستتىكى رادف بولۇپ كەلگەن سۆزدىكى ئۈزۈك تاۋۇش بىلەن قاپىيە بولۇپ كەلگەن سۆزنىڭ بېشىدىكى ئۈزۈك تاۋۇش بىر جايدا كېلىپ قالسا، ئاھاڭدارلىق سەل يىرىكلىشىپ قالىدىغاندەك ھېس قىلدىم. لايىقىدا بولمىغان بولسا كەچۈرۈڭ.

بۇ يازمىنى ئاخىرىدا   bagyar تەھرىرلىگەن. ۋاقتى  2012-6-27 21:30  

خىجىلمەن، شۇنداق دېمەكچىدىم، تۈزەپ قويدۇم. ئىملا ساقچىسى قاق پاچاقتىن ئالدى-دە! مەن دىققەت قىلاي ئەركزاد.

ئۆزۈمنى دەپ ياشايمەن ئەمدى
قۇربانجان ئىبراھىم
بەزمىلەرگە چىللايسەن يايرىم،
تالاي قېتىم بارالمىساممۇ.
ماختىنىپسەن، ‹‹سۆيىدۇ ئۇ›› دەپ،
بىر پارچە خەت يازالمىساممۇ.
خەجلەپ بولدۇڭ تالاي پۇلۇمنى،
چىن مۇھەببەت تاپالمىساممۇ.
تۈگەپ كەتتى نەچچە تويلۇقمۇ،
لەۋلىرىڭگە قانالمىساممۇ.
يانچۇقۇم بوش بوپتىمەن يامان،
ئاقساپ يۈردۈم چاپالمىساممۇ.
توينىڭ گىپى يۈرەكنى ئەزدى،
ياكى خەققە يايالمىساممۇ.
نامراتمىدىم ئۆزۈمگە بايمەن،
كاتتا ساراي سالالمىساممۇ.
ئۆزۈمنى دەپ ياشايمەن ئەمدى،
سىنىڭ ئۈچۈن يارالمىساممۇ.
زىياپەت يوق تارقىمايدىغان،
يولۇڭغا ماڭ، قاچالمىساممۇ.


قاچانغىچە قىسىمىز بويۇن

قۇربانجان ئىبراھىم

تەسكە توختار كۆرۈشمىكىمىز،
ئۆيىمىزمۇ بىر يەردە تۇرۇپ.
كۆرۈشتۇقمۇ دۈشمەنلەر كۆرسە-
مىڭ قىلىدۇ ھەممىگە سورۇپ.

چىقالمايسەن ئۆيۈڭدىن شۇڭا،
ياكى سۇراپ ياكى بىسۇراق.
مەيلى دەمدىم ئوتۇڭدا كۆيۈپ،
سەن يىغلىساڭ مەن چەكسەم پىراق.

مەھەللىدە كۆرۈشسەك گەپ جىق،
چاتقاللاردا سۆيۈشسەك گەپ جىق.
ئۇچراشساقمۇ يېرىم كىچىدە،
كەينىمىزدىن ئەگىشەر ئىز جىق.

تىللىغاندا ئاتا-ئانىمىز،
دۈشمەنلەرگە بولىدۇ ئويۇن.
مانا بىزمۇ كىچىك ئەمەسقۇ،
قاچانغىچە قىسىمىز بويۇن.

مەن ئەۋەتەي ئەلچىلەر ئەتە،
دۈشمەنلىرىم قالسۇن ھەسرەتتە.
باشقا كەلسە باتۇر دەيدىكەن ،
تەڭ كۆرىمىز ئۇنى ئەلۋەتتە.

ئەگەر مېنى سۆيسەڭ چىن دىلدىن

ئەمدى مېنى ئالداپ يۈرمىگىن،
ئۆتۈۋېلىپ كۆۋرۈك بۇزمىغىن،
رىمغا كەتسەم ئۈمىد ئۈزمىگىن،
ئەگەر مېنى سۆيسەڭ چىن دىلدىن.

ۋاپا قىلغىن بەرگەن ۋەدەڭگە،
يولاتمايمەن قىلچە ئەلەمگە،
غېرىپ بولاي، ئوخشا سەنەمگە،
ئەگەر مېنى سۆيسەڭ چىن دىلدىن.

بارۇيوقۇم بىر تاللا قاپاق،
لېكىن سېنى بىلىمەن ئۇجماق،
مېنى تاللا نى بايلار تۇرماق،
ئەگەر مېنى سۆيسەڭ چىن دىلدىن.

تۇرمۇش ئەمەس بىر تال ئويۇنچۇق،
ئالما ياكى ساپاليۇ چاقچۇق،
ئېسىپ قوياي بوينۇڭغا توپۇق،
ئەگەر مېنى سۆيسەڭ چىن دىلدىن.

نائەھلىلەر ئويناتسا گەر قاش،
زەردە بىلەن ئاتقىن چالما تاش،
بىز بولايلى ئۆمۈرلۈك قاياش،
ئەگەر مېنى سۆيسەڭ چىن دىلدىن.

نىگارغا
قۇياشتەك ئىرىتسەڭ يولۇمدا مۇزنى،
سەل كەلسە جېنىمدىن كۆۋرۈك سالىمەن.
كۆرەلمەي كەتسەممۇ مەيلى بەختنى،
ئاداققىي نەپەستە ئارام تاپىمەن.

مەيلىغۇ يۈز قېتىم يارسام بىستوننى،
سەن بەخت ئامبىرى، ئاچقۇچى مەندە.
ئۆزگىگە پۇراقسىز گۈل بول، مەن پۇراي،
ئۆزگىگە جىن كۆرۈن، گۈزەللىك سەندە.

غەم-قايغۇ كۆزىگە تىقىپ خەنجەرنى،
قاقاقلاپ كۈلۈۋال دۈشمەن ئالدىدا.
تىكەنلىك سىم بولساڭ ياۋ تۇمشۇقىغا،
ئايرىلدىم دىمەيمەن قەبرەڭ ئالدىدا.

نىگارىم سەن ماڭا بەخت داستانى ،
ئوقۇسام، ئوقۇسام قانمايمەن قانچە.
مەن باركى ھەر بېتىڭ كونىراپ قالماس،
ئەكسىچە زەر چاچار يولۇمغا سەنچە.

ئۆي تۇتۇش

سىرىتتا مىڭ ئايال يۈرسىمۇ يالىڭاچ،
ئەر كۆزى تىكىلمەس غەيرىي نەزەردە.
ۋىجداننى، غورۇرنى ساقلاش ئەڭ زۆرۈر،
قالسىمۇ گەر ئايال مىڭ ئەر ئىچىدە.

پالتىنى ئەر تۇتار، چىنىنى ئايال،
مەيلىتى قايسىسى ئوت ياقسا مەشكە.
يوقنى ئەر تاپىدۇ، ئايال تىجەيدۇ،
بولمىسا مۇپتىلا بۇ ئۆي ئۈندەشكە.

قايغۇرۇش بىردەمدە بولار خۇشاللىق،
ھېچقايسى بىرىگە بەرمەيدۇ ئازار.
جۈپ يۈرەك شەربەتتىن كىتىدۇ سەكرەپ،
كۆيۈنۈش، سۆيۈنۈش بولغاندا بازار.

رازىكى ساتمىدا يىسە قاتتىق نان،
مىننەتلىك داچىنى خالىماس ئەسلا.
دۈشمىنى ئېغىزغا تەڭلىسە لوق گۆش،
قولىنى چىشلەيدۇ بولۇپلا تەرسا.

ئايال ئۇ ئەمەستۇر ئۆينىڭ دىدىكى،
ئەر ئەمەس پادىشاھ ئالتۇن كۇرسىدا.
مانا بۇ ئۆي تۇتۇش، مانا بۇ بەخت،
ئەر-ئايال چاۋاكنى تەكشى ئۇرسىلا.

ئەركەم كەل

كەل ئەركەم، ياش چىقماس بولدى كۆزۈمدىن،
ئۈمىدىم بېغىغا يامغۇر بولۇپ چۈش.
ھىجرانغا ئوت قويۇپ، سورۇي كۈلىنى،
يوقالسۇن يۈرەكتىن ئۆكسۈش، ئۆكۈنۈش.

كەل ئەركەم، تومۇزدا شەربەت بولۇپ كەل،
بىر قەترە مەي ئىچەي نازۇك لىۋىڭدىن.
ھوزۇر يوق ھىدىڭدەك مىڭ گۈزەلدىمۇ،
قانداقمۇ چىدىدىڭ كىتىپ يېنىمدىن؟

كەل ئەركەم، ياشلىققا ئويۇپ ئابىدە،
كىيىكتەك ئوينايلى شادلىنىپ تاغدا.
باشلايىتتى دوستلىرىم ئۇسسۇل، سامانى،
سەن كەلسەڭ چېلىنغاچ ئۆيۈمدە ناغرا.

كەل ئەركەم، يۈرىكىم كۆكەرسۇن قايتا،
سىنىڭسىز چىمەنلەر بىلىنەر قاقاس.
نە ھاجەت ئىزدىشىم نارات، باغراشنى،
سەن بولساڭ مەھەللەم بولىدۇ قاناس.

ئۆزھالكا، بىرقانچە شېئىرىمنى يوللاپ قويدۇم. مۇۋاپىق دەپ قارىسىلا ئالاقىلىشامىز.  ھېچبولمىغاندا بۇرۇن ئېلان قىلىنىپ بولغان ياخشى شېئىرلىرىمنى بولسىمۇ يوللاپ باقاي.

ئەركەك دىگەن...

ئەركەك دىگەن بۇ ئالەمنىڭ قۇياشى،
ئەركەك دىگەن ئۇ ، مىللەتنىڭ ئاتىسى.
ئەركەك دىگەن پەرزەنتلەرنىڭ ھۆرلۈگى،
ئاياللارنىڭ باغرى ئىللىق دۇنياسى.

ئەركەك دىگەن قۇترىغان روھ تاڭ بىلەن،
بەلكىم سۆيگۈ ئوقچۇپ چىققان يۈرەكتىن.
ئەركەك دتگەن ئانىلارنىڭ دۇئاسى،
قۇۋۋەت ئېلىپ كۆكلەۋاتقان تىلەكتىن.

ئەركەك دېگەن چىن ئىنساننىڭ ئىخلاسى،
قەھرى بىلەن نىجىسلارنى تىترەتكەن.
ئەركەك دېگەن ئىتىقاتنىڭ زىياسى،
كۆرەشلەردە نامەرتنى يەر چىشلەتكەن.

ئەركەك دېگەن باش قويمايدۇ ئىنسانغا،
پەقەت بىرلا ئۇنىڭ تەڭرى- خۇداسى.
ئەل غېمى ئۈچۈن ياش تۆكسە بۇ ئىھتىمال ،
ئەل ئۈچۈندۇر ئۇنىڭ ئاھۇ نىداسى.

ئەرغۇ تولا ئەركەك دېگەن باشقا گەپ،
ئەركەك دېگەن يىگىتلەرنىڭ بەرناسى.
ئەركەك دېگەن ۋەتەن ئۈچۈن جان بەرگەن ،
ئۇ مىللەتنىڭ بۈيۈك روھى ھەغداسى.
1998.12


بۇ يازمىنى ئاخىرىدا   ئايقۇت تەھرىرلىگەن. ۋاقتى  2012-6-28 21:32