بوزلان: سۆزلەيدىغانلىرىدىن ۋە سۆزلىنىدىغانلىرىدىن [ئۇلانما كۆچۈرۈش]

10



قۇلىقىمنى ئېتىۋالىمەن، تىڭشايمەن ئاۋازىڭنى

ئىچىم كاۋاك،

لىق قاچىلانغان ئاۋازىڭ مېنى ماڭا قايتۇرۇپ كېلىدۇ:

مەن - كاۋاكقا قاراپ ئۇچىۋاتقان سۇمرۇغ.

11



ئاسمان – زېمىن تەبەسسۇمىدا ماڭا يېقىنلاشساڭ،

ئاسمان – زېمىن ئېغىرلىقىدا ساڭا پاتىمەن.

غەيب تېنىم، غەيب روھىم

نىڭ ئارىسىدىكى غەيب ئويدۇرمەن، ئۆزۈڭ قاي ئويدىن؟

مۇفىرەداتلار

1

يوشۇرۇن سېغىنىش تازا سېغىنىشتۇر.

يوشۇرۇن جەۋھەر تازا جەۋھەردۇر.

2

ئۇيقۇم مېنى چىنلىق دەپ تونۇيدىغان ھۇقۇش.

چىنلىق چىملىرىدا ئۆرلەيدىغان سۆزلەر مېنىڭ چۈشۈمدۇر.

3

چۈشۈم مېنى ئويغىتىدىغان ھۇقۇش،

ھۇقۇش قاناتلىرىدىن چۈشۈپ قالغان سۆزلەر -  چىنلىقىم.

رەھمەت، دېڭىز. يۈز - تۇرانە سىردىشىش پۇرسىتى كەلگىچە ئامان بول. ئىجادىيەت ئىشلىرىڭغا ئۇتۇق تىلەيمەن!

4

سەرخۇشلۇق ئويۇمنى قۇچتى،

كېچە بار ئىكەن، كېچە بار بولدى.

5

لېۋىڭ بويىغا يەتكەندە

مەن ھەمىشە تۇلپار ئۈستىدە كېچىنى ئۆتكۈزىمەن.

6

ئازغۇن قۇش ئۇچۇۋىدى، قاناتلىرىدىن

ئۆزلۈك توزانلىرى كۆتۈرۈلدى.