ئۈرۈمچى لىنىيىسى خەۋىرى، 8-ئاينىڭ 15-كۈنى، تۇنجى نۆۋەتلىك جۇڭگو-ئاسىيا ياۋرۇپا كۆرگەزمە يېغىنىنىڭ ئىشىك بېلىتى سېتىلىشقا باشلىغان، بېلەت سېتىلىش ۋاقتى 9-ئاينىڭ 5-كۈنىگىچە داۋاملىشىدىغان بولۇپ، بېلەت باھاسى ھەر بىر ئادەم 50  يۈەن ئىكەن.
 نۆۋەتتە، ئۈرۈمچى شەھىرىنىڭ دوستلۇق يولى 167-نومۇر قارمىقىدىكى 1- نومۇرلۇق ئەسلىدىكى ئۈرۈمچى كېڭەش مۇلازىمەت مەركىزىنىڭ 101، 102- ئىشخانىلىرى؛ ئۈرۈمچى قىزىل نۇر تېغى يولى 3-نومۇرلۇق خەلقئارا كۆرگەزمە مەركىزى يۈرۈشلەشتۈرۈش ئونۋىرسال مۇلازىمەت رايونلىرىدا  ئىشىك بېلىتى سېتىش نۇقتىلىرى تەسىس قىلىنغان بولۇپ، بېلەت سېتىش ۋاقتى ھەركۈنلىكى سائەت 10 دىن 20 گىچە بولىدىكەن.
ئاسىيا ياۋرۇپا كۆرگەزمە بېلىتىنى سېتىشتا« بىر ئادەم بىر كېنىشكە ، بىر بېلەت » تۈزۈمى يولغا قويۇلغان بولۇپ، ئەگەر ئىشىك بېلىتى سېتىۋالماقچى بولسا، ئۆزىنىڭ كىملىك گۇۋاھنامىسىنى ئېلىپ ، بەلگىلەنگەن سېتىش نۇقتىسىغا بېرىپ سېتىۋالسا بولىدىكەن، بېلەت سېتىۋالغۇچىلار شۇ كۈنى سېتىۋالغان بېلەت ياكى بېلەت سېتىۋالغان گۇۋاھنامە بىلەن مەيدانغا كىرسە بولىدىكەن.
شۇنىڭ بىلەن بىرگە،  شىياڭگاڭ، ئاۋمىندىن كەلگەن ئاھالىلەر ئۆزىنىڭ يول يۈرۈش گۇۋاھنامىسى بىلەن بېلەت سېتىۋالىدىكەن، تەيۋەندىكى ئاھالىلەر تەيۋەندىن چوڭ قۇرۇقلۇققا كېلىدىغان يول يۈرۈش گۇۋاھنامىسى بىلەن بېلەت سېتىۋالىدىكەن، چەت ئەللىكلەر چوقۇم ئۆزىنىڭ پاسپورتىغا ئاساسەن بېلەت سېتىۋالىدىكەن، ھەربىيلەر ، ساقچىلار چوقۇم ھەربىيلىك ياكى ساقچىلىك گۇۋاھنامىسى بىلەن ئۆزى تۇرۇشلۇق ئىدارە يېزىپ بەرگەن ئىسپات بىلەن  بېلەت سېتىۋالىدىكەن.