بوللىۋود كىنو شاھى ئامىرخاننى بىلىدىغانلار بىزدە كۆپ،لېكىن مەملىكىتىمىزدە ئۇنى ھەقىقىي تونۇتقان كىنوسى
ئۆزى باش رولغان «ئۈچ ئەخمەق»ناملىق كىنودۇر.بۇ كىنودا ئۇ ئەنئەنىۋى مائارىپنىڭ نۇرغۇن نۇقسانلىرىغا
دادىللىق بىلەن قارشى چىققان،ئەنئەنىۋى مائارىپنىڭ ئوقۇغۇچىنى ئاساس قىلماي بىلىمنى ئاساس قىلىش،
نەزەرىيىگە ئېسىلىۋېلىش،قاتماللىق قاتارلىق ئەيىبلىرىنى قاتتىق قامچىلىغان،تەتۈر ئىديىلىك مۇتەئەسسىپ
مائارىپچىلارنى سۆككەن.
مەزكۇر كىنودىن ھوللىۋودچە كۈلكە خۇرۇچلىرىنى،فرانسىيە فىلىملىرىنىڭ رومانتىكىسىنى،بوللىۋودنىڭ تىپىك
ناخشا-ئۇسۇللىرىنى ئۇچرىتالايسىز.ھەسرەت،ئېچىنىش،كۈلكە،يېڭى ئىدىيە يۇغۇرۇلۇپ كەتكەن بۇ كىنو ئامىرخاننى
جۇڭگوغىلا ئەمەس،پۈتكۈن ئاسىياغا ھەقىقىي تۈردە تونۇتتى.
تۆۋەندە كىنودىن ۋە كىنو رىكلاملىرىدىن ئارىيەلەر:
كىنودىكى باش ئايال پېرسوناژ - كېرىننا كاپور.بۇ ئايالنى مەيلى شاھرۇھخان،مەيلى ئامىرخان،مەيلى يولدىشى سەئىف ئەلى خان بولسۇن،ياكى بوللىۋودنىڭ داڭلىق رېژىسورلىرى بولسۇن،ھەممىسى بەك ئەتىۋارلاپ كىنولىرىدا باش روللارنى بېرىشىدۇ.بۇنىڭغا ئادەمنىڭ ئەقلى تازا يەتمەيدۇ.
«زېمىندىكى يۇلتۇزلار»
ئامىرخاننىڭ مائارىپ تېمىسىدىكى يەنە بىر يىرىك ئەسىرى.
فىلىم ئىشلىگۈچىسى ۋە رېژىسورى ئامىرخان ئۆزى.
كىشىگە يېڭىچە تەپەككۈر،يېڭىچە ئىدىيە بەخش ئېتىدىغان،ئىنسانلارنىڭ كىشىلىك ھوقۇقى ۋە ئىنسانىي قىممىتى
ئۆزگىچە ئۇسۇلدا ئەكس ئەتتۈرۈلگەن نادىر فىلىم.
(ئامىرخان ھەققىدىكى ئەڭ يېڭى ئۇچۇرلار ۋە ئۇنىڭ كىنولىرىغا ئائىت يېڭى خەۋەرلەر داۋاملىق يوللىنىدۇ) |
