ئامېرىكىدىكى ھەر قايسى مەكتەپ رايونلىرى، ئوقۇغۇچىلارنى ئىجادىيەت، كەشپىيات، تۈرلۈك ئەسەرلەرنى لايىھىلەش قاتارلىق تەرەپلەردە رىغبەتلەندۈرۈش پائالىيىتى ئېلىپ بارغان. نەچچە ئون ئوتتۇرا-باشلانغۇچ مەكتەپتىكى 500 گە يېقىن ئوقۇغۇچى كۆرگەزمىگە قاتناشقان، نەچچە مىڭلىغان ئادەم كۆرگەزمىگە تاماشىبىن بولۇپ، پائالىيەت كەيپىياتىنى يۇقىرى كۆتۈرگەن. كۆرگەزمىگە قاتناشقان ئوقۇغۇچىلار يۈرەك-قېنىنى سەرپ قىلىپ تەييارلىغان ئەسەرلەر، كۆرگەزمىگە قويۇلغان بولۇپ، باشقا باشلانغۇچ مەكتەپ ئوقۇغۇچىلىرىنىڭ باھالىشى ۋە رىغبەتلەندۈرۈشىگە ئېرىشكەن. كۆرگەزمە ئەسەرلىرى رەڭگارەڭ، تەسەۋۋۇرغا باي، لايىھەلىنىشى ئۆزگىچە بولۇپ، كۆپ خىل مەدەنىيەت، تارىخى يەر شەكلى، ئېكولوگىيىلىك مۇھىت قاتارلىقلارنى مەزمۇن قىلغان،كىشىنى ھەقىقەتەنمۇ ئۆزىگە جەلىپ قىلىدۇ. كۆرگەزمە مەيدانىدىكى بىر ئائىلە باشلىقىنىڭ خاتىرىسى:

  قىزىم باشلانغۇچ مەكتەپنىڭ 2- يىللىقىدا ئوقۇيدىغان ۋاقىتتا شىتات دەرىجىلىك ئىمتىھاندىن ئۆتۈپ، «تالانتلىقلار سىنىپى» غا تاللىنىپ كىرگەن. ھەر كۈنى باشقا بالىلار بىلەن ئوخشاش دەرس ئوقۇغاندىن سىرت يەنە، تالانتلىقلار ئۈچۈن مەخسۇس دەرسلىكمۇ ئورۇنلاشتۇرۇلغانچقا، باشقا بالىلارغا قارىغاندا ھەر ھەپتىدە بىر قىسىم دەرسلەرنى ئارتۇق ئوقۇيتى. بۇنىڭ ئىچىدە ئاساسلىق بولغانلىرى كۈز پەسىلىدە ئوقۇش باشلىغاندىن كېيىن، چوقۇم ئۆزىنىڭ كۆرگەزمە ئەسەرلىرىنى تەييارلاشقا كىرىشىش. ئىككىنچى يىللىقتىكى ۋاقىتتا، تۇنجى قېتىم كۆرگەزمىگە قاتناشقاندا، مۇئەللىم يەنە بىر قىسىم تەكرارلارنى قىلىپ بېرىدىغان بولۇپ، قىزىم بۇلتۇر بىر يۈرۈش چالغۇ ئەسۋابلىرى ۋە ياساش پىرىنسىپلىرىنى كۆرگەزمە قىلغان ئىدى.

  بۇ يىلقى پائالىيەت دەل مەن دۆلەتكە قايتىشنى ئالدىدا ئۆتكۈزۈلگەچ، بىز ئەلۋەتتە قىزىمىزنى رىغبەتلەندۈرىدىغان بۇ پۇرسەتنى قولدىن بېرىپ قويمايمىز. تۆۋەندىكىلىرى شۇ قېتىملىق كۆرگەزمە ئەسەرلىرىگە قاتناشقۇچىلار ۋە ئۇلارنىڭ ئەسەرلىرىدىن كۆرۈنۈشلەر:




    قىزىم بىر خىل ئويۇننى لايىھەلىگەن، سۈرەتتە زىيارەت قىلىۋاتقان ساۋاغداشلار ئويۇن پىرىنسىپلىرىنى چۈشەندۈرۈۋاتقان بولۇپ،بىز بۇنىڭغا قاراپ بېشىمىز قېىيىپ قالدى، قانداق ئويناشنى بىلەلمەي قالدۇق. قىزىم ئەسەرلىرىنى مەكتەپكە دەرس باشلىنىشتىن بۇرۇن كېلىپ ئۆزى تەييارلىغان. بىزمۇ بۇ يەردە تۇنجى قېتىم كۆردۇق. بىز ئۇنىڭدىن ئۆيگە نېمىشقا ئاپارمىغانلىقىنى سورىدۇق ھەمدە ئۆيگە ئاپارغان بولسا ياردەم قىلىدىغانلىقىمىزنى ئېيتتۇق، ئەمما ئۇ دەل بىزنىڭ ياردەم بېرىشىمىزدىن ئەنسىرەپ ئۆيگە ئاپارمىغان ئىكەن. قارىغاندا، بالىنىڭ مۇستەقىل پائالىيەت قىلىش ئىقتىدارىغا سەل قاراشقا بولمىغۇدەك.

   ئوغلىمىز ئىككىنچى يىللىققا چىققان بولۇپ، ئالدىراش بولۇپ قېلىپ ئوغلىمىزنىڭ ئىختىساسلىقلار سىنىپىغا كىرىشىگە دەخلى قىلىپ قويدۇق. بۈگۈن نەق مەيدانغا كېلىپ ئاچىسىنىڭ ئەسەرلىرىنى كۆرگەندىن كېيىن ئۇنىڭدىمۇ قىزىقىش پەيدا بولدى، باشقا ئەسەرلەرنى كۆرگەزمە قىلىپ بولغاندىن كېيىن، ئوغلۇم كۆڭلى يېرىم بولغان ھالدا، بىزنىڭ تالانتلىقلار سىنىپى ئىمتىھانىغا ئىلتىماس قىلىپ بېرىشىمىزنى سورىدى. بىز ئالدىراشلا مۇئەللىمدىن ئىمتىھاننىڭ ۋاقىتىنى سۈرۈشتۈردۇق، بىر قېتىملىق ئىمتىھان پۇرسىتى ئاللىقاچان ئۆتۈپ كەتكەن بولغاچ، كېيىنكى قېتىملىق ئىمتىھاننى ساقلاشقا توغرا كېلەتتى، ھەممەيلەيلەن بىئارام بولدۇق. مۇشۇنىڭدەك پائالىيەت دەرۋەقە باشقا باشقا بالىلارنىڭمۇ قىزىقىشىنى ئىلگىرى سۈرۈش رولى ئوينىغانىدى.



   ئىككى قىزچاق يەر شارى سۇ مەنبەسىنىڭ كەمچىللىكىنى كۆزدە تۇتۇپ، سۇ تىجەپ ئىشلىتىش مەزمۇنىدىكى چاقىرىقىنى كۆرگەزمە قىلغان.

    بالىلار بىر قىسىم ئىسسىق بەلباغ ھايۋاناتلىرىنىڭ كىچىكلىتىلگەن مەنزىرە رايونىنى كۆرگەزمە قىلغان بولۇپ، مەنزىرە بەك ئوبرازلىق ئىپادىلەنگەن بولغاچ، بىزنىڭمۇ كىچىك ئادەمگە ئۆزگىرىپ بالىلار بىلەن بىرلىكتە ئىسسىق بەلباغ يامغۇرلۇقىدا بالىلار بىلەن بىرلىكتە ئىزدەنگۈمىز كېلىپ كەتتى.
     

  
    بۇ يېشى ئەڭ كىچىك بولغان بالىلار تەييارلىغان سەنئەت ئەسىرى: يۇلتۇز پاسپورتى، ئويلاپ بېقىڭلار، سىلەرچە بۇ نېمىگە ۋەكىللىك قىلىدۇ؟




     
    ھازىر كىشىلەر كۈندىن-كۈنگە بۇلغىنىۋاتقان مۇھىتتا ياشىماقتا، سۇ مەنبەسىنىڭ بۇلغىنىشى تېخىمۇ ئېغىر. ئەمما بۇ كۆرگەزمە كۈنىدە يەر شارىنى قۇتقۇزىۋېلىشقا يول چىقتى، بۇ ئوغۇلچاقنىڭ كەشپىياتى بىزنى پاكىز سۇغا ئېرىشتۈرەلەيدۇ. ئۇ بىر يۈرۈش ھەل قىلىش لايىھەلىرىنى ئوتتۇرىغا قويغان ھەمدە نەق مەيداندىلا شۇ لايىھە بويىچە تەجرىبە ئىشلەپ بەرگەن. توۋا، بۇ دەل ئالىملىرىمىز تىرىشىپ تېپىپ چىققان سۇ تازىلاش ئۇسۇلى ئەمەسمۇ، ھازىر يەنە بىر ئوقۇغۇچى بۇ ئۇسۇلنى تېپىپ چىقىپتۇ!

   بۇ كىچىك قىزچاق ياسىغان كۆۋرۈكنى خالىغانچە قۇراشتۇرۇشقا بولىدۇ. ئۇ يەنە قەدىمىي كۆۋرۈك بىلەن زامانىۋى كۆۋرۈكنى سېلىشتۇرما قىلغان. كىچىككىنە ئوقۇغۇچىنىڭ بۇنچىلىك ئىجادىيەتكە تەپەككۇر قىلالىشى كىشىنى ھەقىقەتەنمۇ قايىل قىلىدۇ.

   بۇ ماشىنا ئادەمنى كەلگۈسىنىڭ يەنە بىر ماشىنا ئادەم ئېنژىنىرى ياسىغان.ھ