7-نۆۋەتلىك ئەيرۈي يىللىق كارخانىچىلار يىغىنى 3-ئاينىڭ 22-كۈنىدىن 23-كۈنىگىچە بېيجىڭدا ئېچىلدى،يېڭىلىق يارىتىش جەمىئىيىتىنىڭ باشلىقى،قوشۇمچە باش ئىجرائىيە ئەمەلدارى لى كەيفۇ يىغىندا،iPhone ،iPad ۋە Android قاتارلىق يېڭى ئويۇن سۇپىلىرىنىڭ نۆۋەتتە يېڭىدىن پۇل تېپىش پۇرسىتىگە ئايلىنىپ قىلىۋاتقانلىقىنى،بۇ پۇرسەتنىڭ يەرشارى خاراكتېرلىك ئىكەنلىكىنى تەكىتلىدى.
لى كەيفۇ مۇنداق دىدى:
«كۆچمە ئەسلىھە دەۋرىگە قەدەم قويۇش ئالدىدا،بىز ئەڭ چوڭ پۇل تېپىش پۇرسىتىنىڭ قەيەردە ئىكەنلىكىنى بىلىشىمىز كىرەك،بۇ پۇرسەت ۋاقىتقا قاراپ ئۆزگىرىپ تۇرىدۇ،بىز شۇنداق قارايمىزكى،كەلگۈسى ئىككى-ئۈچ يىل ئىچىدە كۆچمە ئەسلىھە ئويۇنلىرى ھەممىنىڭ دىققىتىنى ئۆزىگە تارتىدىغان مۇھىم بىر ئورۇنغا ئۆتىدۇ.كۆچمە ئەسلىھە ئويۇنلىرى يېڭى بىر سىستېما سۇپىسى شەكلىدە مەيدانغا چىقتى،بولۇپمۇ يېڭى ئوتتۇرىغا چىققانiPad دەل مۇشۇنداق،iPad ئۆزىدە ھازىرلىغان ئېنىقلىق دەرىجىسى،كۆرسىتىش ئۈنۈمى،تورغا ئۇلاش ئىقتىدارى،قوللىنىشچانلىقى شۇنداقلا ئېلىپ يۈرۈشكە ئەپلىك بولۇشى قاتارلىق ئالاھىدىلىكلىرى بىلەن ئۆتمۈشتىكى ھەرقانداق بىر ئەسلىھەدىن ئېشىپ چۈشتى.شۇنىڭ ئۈچۈن،iPad،iPhone ۋە Android قاتارلىقلار بىزگە ئىلىپ كەلگەن پۇرسەت بولسا يەرشارى خاراكتېرىدىكى غايەت زور بىر پۇل تېپىش پۇرسىتىدۇر.»