11-مارت چۈشتىن بۇرۇن، شىنجاڭ ئۇيغۇر ئاپتونوم رايونلۇق مەنىۋىي  مەدەنىيلىك ئىشخانىسى ئۇيۇشتۇرغان ‹‹لېي فىڭ روھىنى نامايان قىلىش - مەملىكەتلىك ئەخلاق نەمۇنىچىلىرىنىڭ شىنجاڭدىكى كۆرۈشۈش يىغىنى›› شىنجاڭ يىپەك يولى قار تېيىلىش مەيدانىدا ئۆتكۈزۈلدى. يىغىندا، مەملىكەتلىك ئەخلاق نەمۇنىچىلىرىدىن ئالىم خالىق، جۇاڭ شىخۇا ، ليۇ چيەنكۇن، ئەكبەر ئىمىن، غېنى جۈمە شۇنداقلا ئاپتونوم رايونلۇق ئەخلاق نەمۇنىچىسى ۋاڭ يەننا قاتارلىقلار جەمئىيەتنىڭ ھەرقايسى ساھەسىدىن كەلگەن 200دىن ئارتۇق ۋەكىل بىلەن كۆرۈشۈپ، ئۆزلىرىنىڭ ئاددىي ئەمما ئۇلۇغ، تەسىرلىك ئىش-ئىزلىرىنى بايان قىلدى.

　　مەملىكەتلىك ئەخلاق نەمۇنىچىلرىدىن ئالىم خالىق، جۇاڭ شىخۇا ، ليۇ چيەنكۇن، ئەكبەر ئىمىن، غېنى جۈمە شۇنداقلا ئاپتونوم رايونلۇق ئەخلاق نەمۇنىچىسى ۋاڭ يەننا قاتارلىقلار

　　ئەخلاق نەمۇنىچىلىرىنىڭ ئۈلگىلىك ئىش-ئىزلىرى ئۈنگە ئېلىپ تارقىتىش، نەق مەيدان سۆھبىتى، توردا بىۋاستە تارقىتىش قاتارلىق كۆپ خىل شەكىللەر ئارقىلىق تەشۋىق قىلىنىپ، ئۇلارنىڭ تەسىرلىك ئىش-ئىزلىرى نامايەن قىلىندى. سەككىز يىلدىن بۇيان، كاۋاپ سېتىپ تاپقان نەچچە ئون مىڭ يۈەن پۇلىنى قىيىنچىلىقى بار يۈزدىن ئارتۇق ئوقۇغۇچىغا ئىئانە قىلغان، باشقىلارغا ياردەم بېرىشنى خۇشاللىق دەپ بىلىدىغان مەملىكەتلىك ئەخلاق نەمۇنىچىسى ئالىم خالىق؛ چېگرا رايونغا يىلتىز تارتقان 38 يىلدىن بۇيان، 200 مىڭدىن ئارتۇق ئادەم(قېتىم)نىڭ كېسىلىنى كۆرۈپ، ئاممىنى داۋالىغان، چەت، نامرات دېھقانچىلىق-چارۋىچىلىق رايونلىرىدىكى 19 دوختۇرخانىنىڭ داۋالاش شارائىتىنى ياخشىلاشقا خالىس ياردەم بەرگەن مەملىكەتلىك ئەخلاق نەمۇنىچىسى جۇاڭ شىخۇا؛ بۆرىكىنى قىلچە قانداشلىق مۇناسىۋىتى بولمىغان ئۇيغۇر ياشقا تەقدىم قىلغان قىزچاق ۋاڭ يەننا؛ 39 يىلدىن بۇيان 200 مىڭ يۈەندىن ئارتۇق پۇلنى قىيىنچىلىقى بارلارغا ئىئانە قىلغان، باشقىلارغا ياردەم بېرىشنى خۇشاللىق دەپ بىلىدىغان مەملىكەتلىك ئەخلاق نەمۇنچىىسى ليۇ چيەنكۇن؛ يەتتە يىلدىن بۇيان، پوچتا خەت-چەكلىرىنى يەتكۈزۈش نىسبىتىنى %95كە يەتكۈزگەن پوچتالىيون، مەملىكەتلىك ئەخلاق نەمۇنىچىسى ئەكبەر ئىمىن؛ خەنزۇ قىز ۋاڭ لىنى قوغداش ئۈچۈن ئېغىر يارىلانغان، ئادالەت يولىدا پىداكارلىق كۆرسەتكەن ئۇيغۇر ياش غېنى جۈمە قاتارلىق ياخشى كىشىلەرنىڭ ئىش-ئىزلىرى جانلىق ھالدا نامايان قىلىپ، يېڭى دەۋردىكى لېي فىڭ روھى ئەكس ئەتتۈرۈلدى.