يېقىندا، ئۈرۈمچى شەھەرلىك سەھىيە ئىدارىسى ئىلتىماس سۇنۇپ ئىجازەتنامىگە ئېرىشكەن ‹‹ئائىلە تاماقخانىلىرى›› نى تۇيۇقسىز تەكشۈرۈپ، بايقالغان مەسىلىلەرنى ۋاقتىدا بىر تەرەپ قىلغان.

　　ئىگىلىنىشىچە، سەھىيە تارماقلىرىدىكى خادىملار ‹‹ئائىلە تاماقخانىلىرى›› نىڭ ئورنى، ئورۇنلاشتۇرۇشى، كۆلىمى ۋە تاماق يەيدىغان ئادەمنىڭ سانى، غىزالىنىش ئۈچۈن ئىشلىتىلىدىغان دېزىنفېكسىيە قاچا–قۇچىلىرىنىڭ بار–يوقلۇقى، كەسپىي خادىملارنىڭ ساغلاملىق گۇۋاھنامىسى ئالغان–ئالمىغانلىقى، يېمەكلىكلەرنىڭ ئۆلچەملىك–ئۆلچەملىك ئەمەسلىكىنى تەكشۈرۈپ، بايقالغان مەسلىلەرنى ۋاقتىدا بىر تەرەپ قىلىپ، ئوقۇغۇچىلارنىڭ تاماق سۈپىتىگە ۋە ئىستېمال بىخەتەرلىكىگە كاپالەتلىك قىلغان.

　　ئۈرۈمچى شەھەرلىك سەھىيە ئىدارىسى قانۇنىي نازارەت باشقارمىسىنىڭ باشلىقى تەن ۋېي مۇنداق دېدى: ئېنىقسىز تەكشۈرۈش نەتىجىسىگە قارىغاندا، پۈتۈن شەھەردە 537 ‹‹ئائىلە تاماقخانىسى›› بار بولۇپ، يېمەكلىك مۇلازىمەت ئىجازەتنامىسىغا ئىلتىماس سۇنغانلار 75، بۇنىڭ ئىچىدە ئۆلچەمگە يەتكەنلىكتىن ئىجازەتنامە ئالغانلار ئاران50 كە يېتىدۇ . بۇ يېمەكلىك مۇلازىمەت ئىجازەتنامىسىگە ئېرىشكەن ‹‹ئائىلە تاماقخانىسى›› تىجارىتى بىلەن شۇغۇللىنىدىغانلار ئومۇمىي ساننىڭ %10 گىمۇ يەتمەيدۇ. كېيىنكى باسقۇچتا، بىز چوقۇم ئۆلچەمگە يەتمىگەن ئائىلە تاماقخانىسىنى تاقاپ، ئوقۇغۇچىلارنىڭ ساغلاملىقىغا كاپالەتلىك قىلىمىز.