ئۈرۈمچى تورى خەۋىرى؛ ئۈرۈمچى شەھىرى يىقىندا شەھەر دەرجىلىك باغچا ـــ تەڭرىتاغ باغچىسىنى قۇرماقچى. ئۇنىڭ ئورنى تەڭرىتاغ رايونىدا بولۇپ بۇنىڭ بىلەن ئۈرۈمچىدىكى شەھەر دەرجىلىك باغچىدىن ئالتىسى بولىدۇ.
يېڭى باغچا شەرىقتە ئىتتىپاق يولى، غەرب تەرەپتە مۇقام ئۆمىكىگە، شىمال تەرىپى مىللەتلەر ئۇسۇل مەكتىپىگە تۇتۇشىدىغان بولۇپ ئومۇمى كۆلىمى 300 مىڭ كىۋادىرات مېتىرغا يېقىن. 2-ئاينىڭ 28-كۈنىدىن 3-ئاينىڭ 6 –كۈنىگىچە شەھەرلىك ئورمانچىلىق ئىدارىسى باغچىنىڭ كۆكەرتىش لاھىيەسى ۋە سەپلىمىلىرىنى شەھەر خەلقىگە ئاشكارلاپ پىكىر ئالماقچى. شەھەر خەلقى ئېلىكتىرونلۇق خەت ساندۇقى، تېلېفون قاتارلىق ۋاستىلەر ئارقىلىق پىكىر بەرسە بولىدۇ.
نۆۋەتتە شەھەر دەرجىلىك بەش باغچا ئىچىدە تەڭرىتاغ ياۋايى ھايۋاناتلار باغچىسىنىڭ شەھەردىن يىراق بولغىنىنى ھىسابقا ئالمىغاندا، خەلق باغچىسى، قىزىل تاغ باغچىسى، سۇ ئۈستى باغچىسى ۋە ئۆسۈملۈك باغچىسىنىڭ كۆلىمى 300 مىڭ كىۋادىرات مېتىردىن بىر مىليون كىۋادىرات مېتىرغىچە بولۇپ، ئەڭ چوڭى سۇ ئۈستى باغچىسى، ئەڭ كىچىكى بولسا خەلق باغچىسى.
بۇ باغچىنىڭ ئاساسلىق ئىقتىدارى؛ باغچا مەدەنىيەت كۆرگەزمە رايونى، سۇ ئۈستى پائالىيەت رايونى، بالىلار پائالىيەت رايونى، تەنتەربىيە چىنىقىش رايونى، كېرىپ-چىقىش ئېغىزى، ئارام ئىلىش رايونى قاتارلىق رايونلارغا بۆلۈنگەن بولۇپ مىللى مەدەنىيەت بىلەن زامانىۋىلىق بىرلەشتۈرۈلگەن.
باغچىنىڭ كۆكەرتىش كۆلىمى پۈتۈن باغچىنى 70 پىرسەنتىنى ئىگىلەيدىغان بولۇپ، باغچا ئىچىگە ماشىنا يولى، پىيادىلەر يولى قىلىنغان. ساياھەتچىلەرنىڭ ماشىنىسىنى توختىتىشىغا قولايلىق بولۇش ئۈچۈن يەنە ئېكىلوگىيىلىك ماشىنا توختۇتۇش ئورنى لايىھىلەنگەن. بۇنىڭدىن سىرت يەنە تۆت ئورۇنغا ھاجەتخانا ئورۇنلاشتۇرۇش پىلانلانغان.
ئىگىلەشكە قارىغاندا؛ ئۈرۈمچى شەھىرى ئىچىدە يۇقىرىدا دېيىلگەن باغچىلاردىن سىرت يەنە يەنئەن باغچىسى، تەنتەربىيە يولى باغچىسى، بۇلاقتاغ باغچىسى، بالىلار باغچىسى قاتارلىق رايونلار ئۆزى باشقۇرىدىغان باغچىلارمۇ بار ئىكەن.