شىنجاڭ ئۇيغۇر ئاپتونوم رايونلۇق پارتكومنىڭ شۇجىسى جاڭ چۈنشيەن قەشقەر شەھىرى ياۋاغ كوچا ئىش بېجىرىش باشقارمىسى تۇرياۋاغ مەھەللىسى پارتىيە ياچىيكىسىنىڭ شۇجىسى، مەھەللە مۇدىرى غۇنچەم ۋايىت بىلەن كۆرۈشتى

 27 - فېۋرال كەچ، شىنجاڭ ئۇيغۇر ئاپتونوم رايونلۇق پارتكومنىڭ شۇجىسى جاڭ چۈنشيەن شىنجاڭدىكى ھەر مىللەت، ھەر ساھەدىكى ئاساسىي قاتلامدىن كەلگەن ئايال ۋەكىللەر بىلەن كۆرۈشۈپ، ھەر مىللەت، ھەر ساھە ئاياللىرىنىڭ جەمئىيەت تەرەققىياتىدا زامانىۋىي مەدەنىيەتنىڭ ئىلغار تەشۋىقاتچىلىرى، ئەمەلىيەتچىلىرى، ئىلگىرى سۈرگۈچىلىرى بولۇشىنى ئۈمىد قىلدى.
   بۇ ئايال ۋەكىللەر ئاپتونوم رايونىمىزنىڭ ھەر قايسى جايلىرىدىن كەلگەن، ئوخشىمىغان خىزمەتلەر بىلەن شوغۇللىنىدىغان ئاياللار بولۇپ، ئۇلار شىنجاڭنىڭ ماس تەرەققىياتى ئۈچۈن ناھايىتى مۇھىم تۆھپە قوشقان بولۇپ، گۈلنىسا ئىمىن دەل ئاشۇنداق ئايال ۋەكىللەرنىڭ بىرى. گۈلنىسا ئىمىن ۋە ئۇنىڭ ئائىلىسىدىكىلەر دېھقانچىلىقنىڭ ئارىسال مەزگىلىدىن پايدىلىنىپ گىلەم توقۇپ سېتىپ، كىرىمنى ئاشۇرۇپ، چوڭ ئۆيلەرنى سېتىۋېلىش بىلەن بىرگە، 100 دىن ئارتۇق ئايالغا گىلەم توقۇشنى ئۆگىتىپ، ئۇلار بىلەن بىرلىكتە بېيىش يولىغا ئاتلاندى. ھازىرقى بەختىيار تۇرمۇشىدىن سۆز ئاچقاندا، ئۇ : پارتىيە ۋە ھۆكۈمەتكە رەھمەت، جاڭ شۇجىنىڭ بىزنى قوللىغىنىغا ۋە مەدەت بەرگەنلىكىگە رەھمەت . بۇنىڭدىن كېيىن تېخىمۇ تىرىشىپ، تېخىمۇ كۆپ ئاياللارغا گىلەم توقۇش تېخنىكىسىنى ئۆگىتىپ، تېخىمۇ كۆپلىگەن ئاياللار بىلەن بىرلىكتە ئۆز ئەمگىكىمىزگە تاينىپ بېيىش يولىغا ئاتلىنىمىز،دېدى.
    جاڭ چۈنشيەن ئايال ۋەكىللەرنىڭ سۆزىنى ئاڭلىغاندىن كېيىن مۇنداق دېدى: شىنجاڭدىكى ئاياللار ئۆزىنىڭ ئەمەلىي ھەرىكىتى ئارقىلىق بىزگە ئۆزىگە خاس گۈزەللىكىنى نامايەن قىلىپ بەردى. بۈگۈن ‹‹ گۈزەللىك قۇرۇلۇشى ›› يولغا قويۇلغانلىقىنىڭ بىر يىللىقى، شىنجاڭدىكى نۇرغۇن ئاياللار ئۆزىنىڭ ئەمگىكى ۋە تىرىشچانلىقى ئارقىلىق ئايال بېيىش ماھىرى، ئايال كارخانىچى، بېيىش يولىدىكى باشلامچىلاردىن بولۇپ چىقىپ، ئىگىلىك تىكلەش ئارقىلىق ئىشقا ئورۇنلىشىشقا تۈرتكە بولۇپ، ئۆزىنىڭ ئارتۇقچىلىقى ئارقىلىق ئۆز تەقدىرىنى ئۆزگەرتىپ، ئائىلىسىنىڭ تۇرمۇش شارائىتىنى ياخشىلاپ، ئاياللارنىڭ ئىقتىسادىي ئورنىنى يۇقىرى كۆتۈرۈپ، جەمئىيەتنىڭ ئىناق ، مۇقىملىقىنى ئىلگىرى سۈرۈشتە پائال رولىنى جارى قىلدۇردى.
   يىغىندا، جاڭ چۈنشيەن بىر قىسىم ئايال ۋەكىللەر ئۇچرىغان قىيىنچىلىقلار ۋە ئوتتۇرىغا قويغان مەسىلىلەرگە قارىتا ماسلاشتۇرۇش ئېلىپ بېرىپ، مۇناسىۋەتلىك تارماقلاردىن تېخىمۇ ئىلگىرىلىگەن ھالدا ئەھۋالنى ئېنىقلاپ، ئۇلار دۇچ كەلگەن قىيىنچىلىق ۋە مەسىلىلەرنى ھەل قىلىپ، ئاياللارنىڭ تەرەققىياتىنى قوللاشنى تەلەپ قىلدى.
   ئاپتونوم رايون رەھبەرلىرىدىن بەي جىجيې، ئەركىنجان تۇراخۇن، دۇ چىنرۈي، جاپپار ھەبىبۇللا، رىزۋان ئەبەي قاتارلىقلار كۆرۈشۈشتە بىللە بولدى.

جاڭ شۇجى ھەر ساھە ھەر كەسىپتىكى ئاياللار ۋەكىللىرى بىلەن كۆرۈشمەكتە