Msn تورىنىڭ 05-ئاينىڭ 16-كۈنىدىكى تاماشا خەۋىرى، دائىملا ئالدىراش يۈرۈيدىغان داڭلىق چولپانلارنىڭ كۆپ ۋاقتى خىزمەت، ئىجتىمائىي پائالىيەت قاتارلىقلار بىلەن سىرتتا ئۆتىدۇ. ئۇلارنىڭ ئۆز تۇرالغۇسىدا تۇرىدىغان ۋاقتى ئۇنچە كۆپ ئەمەس. يېقىندا دۇنيادىكى بىر قىسىم داڭلىق كىشىلەرنىڭ ھەشەمەتلىك تۇرالغۇلىرى توردا ئاشكارىلانغان بولۇپ، كەڭ تورداشلارنىڭ كۆرۈپ قويۇشىغا ئەرزىيدۇ.

1.شىياڭگاڭلىق داڭلىق كىنو چولپىنى چېڭلۇڭنىڭ كاتتا تۇرالغۇسى

چېڭلۇڭ 1954-يىلى 4-ئاينىڭ 27-كۈنى شىياڭگاڭنىڭ تەيپىڭشەندە تۇغۇلغان. جۇڭگونىڭ دۇنياغا داڭلىق كىنو ئارتىسى، ئۇ رول ئالغان نۇرغۇن كىنولار جۇڭگو ۋە چەتئەللەردە نۇرغۇنلىغان داڭلىق مۇكاپاتلارغا ئېرىشكەن.
2. بىل گەيتېسنىڭ مىھمانخانىسى

بىل گەيتېس(Bill Gates) دۇنياغا داڭلىق يۇمشاق دېتال ئاتىسى، ئامېرىكا مېكروسوفت شىركىتىنىڭ باش لېدىرى، 1955-يىلى 10-ئاينىڭ 28-كۈنى تۇغۇلغان، 2008-يىلى 6-ئاينىڭ 27-كۈنى رەسمىي ھالدا مىكروسوفت شىركىتىدىن چېكىندى. فۇربېس ئېلان قىلغان 2012-يىلدىكى كاتتا بايلار تىزىملىكىدە بىل گەيتېس 61 مىليارد 100 مىليون ئامېرىكا دوللىرى بىلەن ئىككىنچى ئورۇنغا تىزىلدى.
3. بېكخامنىڭ ماشىنا توختىتىش مەيدانى

بېكخام(David Robert Joseph Beckham) دۇنيا پۇتبۇل مۇنبىرىدە ئۆچمەس ئىزلارنى قالدۇرغان مۇنەۋۋەر توپچىلارنىڭ بىرى ھېسابلىنىدۇ. ئۇ 1975-يىلى 5-ئاينىڭ 2-كۈنى لوندۇندا تۇغۇلغان، بوي ئىگىزلىكى 1.83 مىتىر، بەدەن ئېغىرلىقى 75 كىلوگرام. ئۇ پۇتبۇل مۇنبرىدە چاقنىغان يۇلتۇزغا ئايلانغاندىن كېيىن، دۇنيادىكى داڭلىق ماركىلارنىڭ ئوبراز ۋەكىلى بولغان، يەنە نۇرغۇن قېتىم خەيرى-ساخاۋەت ئىشلىرى بىلەن شۇغۇللانغان.

4. نىكولاس كاجې(Nicolas Cage) نىڭ «قەلئە» سى

نىكولاس كاجې 1964-يىلى 1-ئاينىڭ 7-كۈنى ئامېرىكىنىڭ كالىفورنىيە ئىشىتاتىدا تۇغۇلغان، ئۇ 17 يېشىدىلا كىنوچىلىق ساھەسىگە قەدەم قويغان، ئۇ رول ئالغان «لاس ۋېگاستىن ئايرىلىش» ناملىق كىنو 1996-يىلى ئوسكار ئەڭ ياخشى ئەر باش پۇرسۇناژ مۇكاپاتىغا ئېرىشكەن. ئۇ ھازىر ھوللىۋودتىكى دەۋر سۈرىۋاتقان ئادەتتىن تاشقىرى كىنو ئارتىسلىرىنىڭ بىرى ھېسابلىنىدۇ.