بىرازىلىيە كوماندىسى كۆپ مۇسابىقىدىكى چوڭ تىزىملىكنى ئېلان قىلدى

         بىرازىلىيە دۆلەت پۇتبول كوماندىسى باش تېرنېرى مېنىسائىس 22-سىنتەبىر بىر ۋاقىتتا ئىككى پارچە تىزىملىكنى ئېلان قىلدى، بۇنىڭ بىرسى 28-سىنتەبىر ئارگېنتىنا بىلەن بولىدىغان مۇسابىقىگە قارىتىلغان، يەنە بىرى7-ئۆكتەبىر ۋە 11-ئۆكتەبىردىكى كوستارىكا ۋە مېكسىكا كوماندىسى بىلەن بولىدىغان دوستلۇق مۇسابىقىسىگە قارىتىلغان. 

            بىرازىلىيە بىلەن ئارگېنتىنا سىنتەبىردە ساھىبخان ۋە مېھمان مەيدانلاردا جەنۇبىي ئامېرىكا دېربىسىدا ئۇچراشقان، دەسلەپكى ئۇچرىشىشتا، ئارگېنتىنا ساھىبخان مەيداندا تۇرغان، مۇسابىقە نەتىجىسى 0-0، ئۇ چاغدىكى بىرازىلىيە كوماندىسىنى ئەزالىرىنىڭ ھەممىسى دۆلەت ئىچىدىكى بىرلەشمە مۇسابىقىدە توپ تېپىۋاتقان توپچىلار ئىدى. كېيىنكى ئۇچرىشىشتىكى مۇسابىقىدە شۇ تىزىملىك ئاساسىدا ئازراق تۈزىتىش كىرگۈزگەن.

            ئىككى مەيدان دوستلۇق مۇسابىقىدىكى چوڭ تىزىملىكتە كۆپلىگەن ياۋروپا كولۇبلىرىدا توپ تېپىۋاتقان پۇتبولچىلار بار، بۇنىڭ ئىچىدە بارسىلونا كوماندىسىدىكى دانىئىل، ئادىرىئانو ھەمدە ＡＣ مىلاندىكى دىياگې قاتارلىقلار. رونالدىنىخونىڭ ئىككى مەيدان دۆلەت مۇسابىقىسىدا ئىپادىسى ياخشى بولغانلىقى ئۈچۈن داۋاملىق بۇ تىزىملىككە كىرگەن. 

          خەلقئارا پۇتبول بىرلەشمىسى تۈنۈگۈن ئېلان قىلغان دۆلەت كوماندىلىرى رەت تەرتىپىدە بىرازىلىيە كوماندىسى يەنە بىر ئورۇن كەينىگە سۈرۈلۈپ 7-ئورۇنغا چۈشۈپ قالغان، بۇ 18 يىلدىن بۇيانقى بىرازىلىيەنىڭ ئەڭ ناچار رەت-تەرتىپى. بىرازىلىيە كوماندىسىنىڭ ئورنى 1993-يىلى بىر مەزگىل 8- ئورۇندا تۇرغان، بىراق شۇنىڭدىن كېيىن 2007-يىلىغىچە ئىزچىل دۇنيادا 1-ئورۇندا تۇرۇپ كەلگەن. بۇ يىل يازدىكى ئامېرىكا لوڭقىسى ھەمدە كېينكى دوستلۇق مۇسابىقىدە گىرمانىيىگە ئۇتتۇرۇپ قويۇپ، ئارگېنتىنا بىلەن تەڭلىشىپ قىلىشى كوماندىنىڭ رەت تەرتىپىنى زور دەرىجىدە چۈشۈپ كېتىشىنىڭ ئاساسلىق سەۋەبى.