چۇتىيەن گېزىتى خەۋىرى، 19 ياشلىق قىزچاق شاشانىڭ جەسىدى، ئالدىنقى كۈنى قىپيالىڭاچ ھالدا ئەخلەت ساندۇقى ئىچىدىن تېپىلدى. تۆنۈگۈن، ساقچى تەرەپنىڭ ئۆلگۈچىنىڭ ئائىلە تاۋاباتلىرىغا ئاشكارىلىشىچە، قاتىل شاشاغا سۆيگۈ ئىزھار قىلىپ رەت قىلىنغان بولغاچغا شاشانى ئۆلتۈرىۋەتكەن ئىكەن.

تۆنۈگۈن، شاشانىڭ ئاپىسى سۈن X نىڭ ئېيتىشىچە، قىزى جوڭنەن مالىيە-ئىقتىساد ۋە سىياسەت-قانۇن ئۇنۋېرسىتېدا ئوقۇيدىغان بولۇپ، بۇ يىل يازلىق تەتىلدا، شاشا شاڭگاڭغا بېرىپ ساياھەت قىلىشنى پلانلىغان ئىكەن، ئەسلى 8-ئاينىڭ 15-كۈنىگە زاكاس قىلىنغان ئايروپىلان بىلىتى، ئۇچۇش بىكار قىلىنغانلىق تۈپەيلى باشقا كۈنىگە ئۆزگەرتىلگەن. 16-چىسلا چۈشتىن كېيىن سائەت 3 لەر ئەتراپىدا، شاشا ئۆيدىكىلەرگە بىر ساۋاقدىشىنىڭ ئۆزىنى تاماق يېيىشكە تەكلىپ قىلغانلىقىنى ئېيتىپ سىرتقا چىقىپ كەتكەن، ئۇنىڭدىن كېيىن ئىزچىل دېرىكى بولمىغان.

ئۇنىڭ يېقىن دوستلىرى ۋە ئۇرۇغ-تۇغقانلىرى گەرچە ئارقا-ئارقىدىن ئىككى كۈن ھەر تەرەپتىن ئىزدىگەن بولسىمۇ ئىزچىل نەتىجە بولمىغان. شۇنىڭ بىلەن بىر ۋاقىتتا، 18-چېسلا چۈشتىن بۇرۇن، بىرەيلەن جامائەت خەۋپسىزلىك ئىدارىسىنىڭ بىر پارچە دوكلاتىنى مىكروبلوگقا چاپلاپ قويغان، دوكلاتتا دېيىلىشىچە، خەنكۇدىكى مەلۇم بىر ئۇنۋېرسىتېتنىڭ ئەخلەت ساندۇقى ئىچىدىن زىيانكەشلىككە ئۇچرىغان بىر قىزنىڭ جەسىدى بايقالغان. شاشانىڭ ساۋاقداشلىرى ئۆلگۈچىنىڭ پۇتىدا بىر دانە چېكىلگەن رەسىمنىڭ بارلىقىنى بايقىغان ۋە بۇ رەسىمنىڭ شاشانىڭ بەدىنىدىكىگە ئاجايىپ ئوخشايدىغانلىقىنى ھېس قىلغان. ساقچى تەرەپ بىلەن ئالاقىلاشقاندىن كېيىن، زىيانكەشلىككە ئۇچرىغۇچى قىزنىڭ دەل شاشا ئىكەنلىگى ئېنىقلانغان.

ساقچى تەرەپ كۆپ تەرەپلىمە تەكشۈرۈش ئارقىلىق، تېز سۈرئەتتە خەنكۇدىكى بىر ئالىي مەكتەپنىڭ 4-يىللىقىدا ئوقۇيدىغان ۋاڭX ئىسىملىك ئوغۇل ئوقۇغۇچىنى جىنايەت گۇماندارى دەپ بېكىتكەن ھەمدە قولغا ئالغان.

تەكشۈرۈش ئارقىلىق، ۋاڭ X ھەممىنى تاپشۇرغان، نەچچە ئاي ئىلگىرى، ئۇ تور ئارقىلىق شاشا بىلەن تونۇشقان بولۇپ، ئۇنىڭ بىلەن دوست بولۇپ قېلىشنى ئۈمىد قىلغان. 16-چېسلا كەچ سائەت 7 لەر ئەتراپىدا، ئۇ شاشا بىلەن تاماق يېگەندىن كېيىن، ئۇنى خەنكۇدىكى ئۆيىگە ئېلىپ بارغان ھەمدە ئۇنىڭغا كۆڭلىنى ئىزھار قىلغان، بىراق شاشا ئۇنى رەت قىلغان، شۇ سەۋەپتىن ئىككىيلەننىڭ ئوتتۇرىسدا ئىختىلاپ كۆرۈلگەن، ئۇ غەزەپلەنگەنلىكتىن قولىغا چىققان بولقىنى ئېلىپلا شاشانى ئۇرۇپ ئۆلتۈرىۋەتكەن، ئارقىدىن جەسەتنى ئېلىپ يېقىن ئەتراپتىكى ئەخلەت ساندۇقىغا تاشلىۋەتكەندىن كېيىن قېچىپ كەتكەن.

نۆۋەتتە ساقچىلار بۇ ئەنزە ھەققىدە تېخىمۇ ئىچكىرىلەپ تەكشۈرۈش ئېلىپ بارماقتا.