(قىستۇرما رەسىمنىڭ خەۋەر مەزمۇنى بىلەن مۇناسىۋىتى يوق)
 

قىز شىياۋشۈ بۇ يىل 25 ياش، ۋۇخەندىكى مەلۇم ئۇنۋېرسىتېتنى پۈتتۈرگەندىن كېيىن ئىزچىل خىزمەت تاپالمىغان. ئىشتىن كېيىن ئۇنىڭ ساقچى تەرەپكە دېيىشىچە، بۇ يىل بېشىدا، كۆڭۈل ئېچىش سورۇنىغا ئوينىغىلى بېرىپ ئوتتۇرا ياشلىق ئەر سەي X بىلەن تونۇشۇپ قالغان، سەي X نىڭ ئۆيىنىڭ شېنجېندا ئىكەنلىگىنى، تۇرمۇش قۇرۇپ بولغانلىقىنى ۋە خېلى مال-مۈلكىنىڭ بارلىقىنى بىلگەن. سەي X تىمۇ ئۇنىڭغا نىسبەتەن قىزىقىش پەيدا بولۇشقا باشلىغان.

كۆپ قېتىم ئۇچراشقاندىن كېيىن، سەي X شىياۋشۈگە ئارىلىشىش ھەققىدە تەكلىپ بەرگەن ھەمدە شىياۋشۈگە ھەر ئايدا 30 مىڭ سوم تۇرمۇش پۇلى بېرىشكە ۋەدە قىلغان. شىياۋشۈمۇ بۇنىڭغا قوشۇلغان، شۇنىڭدىن باشلاپ ئىككىيلەن كۆپ قېتىم ۋۇخەن، شېنجېنلاردا ئۇچراشقان. ئەمما ھەر قېتىملىق تاتلىق مىنۇتلار ئاخىرلاشقاندىن كېيىن سەي X تۇرمۇش پۇلى توغرىسىدا بىر ئېغىزمۇ زۇۋان سۈرمەي تۇرىۋالغان، ھەتتا شىياۋشۈگە ئالدى-كەينىگە قاراپراق بىر نېمە دېيىشى ھەققىدە مەخپىي ئەسكەرتىشلەرنى بېرىپ قويغان.

بۇ يىل 4-ئايدا، تېخىچە دېيىشكەن پۇلنى ئالالمىغان شىياۋشۈ ئاخىرى بۇ ئىشنى ئۈزۈل-كېسىل ئاخىرلاشتۇرۇش قارارىغا كەلگەن. 4-ئاينىڭ 12-كۈنى، ئۇ يەنە بىر قېتىم ئۇچرىشىشنى باھانە قىلىپ سەي X نى ۋۇخەندىكى مەلۇم مېھمانسارايغا تەكلىپ قىلغان، يېرىم كېچىدە سەي X تاتلىق ئۇخلاۋاتقاندا، ئۇنىڭ يېنىدىن بىر دانە ئالىي دەرىجىلىك سائەت ۋە قاشتېشىدىن ياسالغان ئاسمىنى ئېلىپ، جەمئىي قىممىتى 278 مىڭ يۈەنلىك بايلىقنى ئېلى ئايرىلغان. ئارقىدىن شىياۋشۈ سەي X گە تېلىفون قىلىپ، ئۆزىنىڭ ئاللىقاچان ھامىلدار بولۇپ قالغانلىقىنى، سەي X نىڭ ئۇنىڭغا روھى تۆلەم بېرىشى كېرەكلىكىنى، 100 مىڭ سوم ئېلىپ كېلىپ، شىياۋشۈ ئەكەتكەن نەرسىلىرىنى ياندۇرىۋالسا بولىدىغانلىقىنى ئېيتقان.

سەي X بىر تەرەپتىن قوشۇلغان بولۇپ، يەنە بىر تەرەپتىن 110 غا مەلۇم قىلىۋەتكەن. شۇ كۈنى، شىياۋشۈ «تۆلەم پۇلى»نى تاپشۇرۇپ ئېلىۋاتقاندا ساقچى تەرەپ ئۇنى قولغا چۈشۈرگەن.

خوڭشەن رايونلۇق سوت مەھكىمىسى شىياۋشۈنىڭ باشقىلارنىڭ مال-مۈلكىنى قانۇنسىز ئىگەللىۋېلىش مۇددىئاسى بار، باشقىلارنىڭ قاقتى سوقتى قىلغان، باشقىلارنىڭ مال-مۈلكىنى قاقتى-سوقتى قىلىش جىنايىتى شەكىللىنىدۇ دەپ قارىغان، ئەمما قاقتى-سوقتى قىلىش تېخى ئەمەلگە ئاشمىغاچقا، يېنىكلىتىپ جازالاش، ئىككى يىللىق قاماق جازاسىغا ھۆكۈم قىلىپ ئىككى يىل كېچىكتۈرۈپ ئىجرا قىلىش، قوشۇمچە 5000 سوم جەرىمانە قويۇشقا بۇيرىغان.