ئۈرۈمچى كەچلىك گېزىتى خەۋىرى:
تۇرمۇشتا كىشىلەر ئادەتتە يەپ ئېشىپ قالغان قورۇمىنى توڭلاتقۇغا سېلىپ غىزالانغان ۋاقىتتا ئىسسىتىپ يەيدۇ. لېكىن تېببىي مۇتەخەسسىسلەرنىڭ قارىشىچە، ئېشىپ قالغان قورۇمىلارنى قايتا ئىسسىتىپ يېسە، كۆكتاتنىڭ زەھىرىنى كۈچەيتىپ، يېمەكلىكتىن زەھەرلىنىشنى كەلتۈرۈپ چىقىرىدۇ.
تۇرمۇشتا كىشىلەر ئادەتتە يېمەكلىكنى دۈملەپ ئىسسىق ئۆتكۈزۈپ يېسىلا دېزىنفېكسىيەلىنىپ زەھەرلىنىشنىڭ ئالدىنى ئېلىپ، خاتىرجەم غىزالانغىلى بولىدۇ، دەپ قارايدۇ. ئەمىليەتتە بۇ خىل كۆزقاراشنىڭ يېرىمى توغرا. چۈنكى بەزى يىمەكلىكلەرنىڭ زەھەر پىگمېنتىنى ئىسسىق ئۆتكۈزۈپ يوقاتقىلى بولمايدۇ، بەزىدە ئەكسىچە زەھەرنىڭ قويۇقلۇق مىقدارنى ئاشۇرۇۋېتىدۇ. مەسىلەن: كەرەپشىنىڭ(چىڭسەي) سۈپىتى ئۆزگەرگەندىن كېيىن قايناتسا، چىرىتىش مىكروبىنى ئۆلتۈرگىلى بولىدۇ، لېكىن يۇقىرى تېمپېراتۇرىنىڭ تەسىرى ئاستىدا ئەكسىچە نۇرغۇن سېلىتىرا پارچىلىنىپ، نىترىتوئىدقا ئايلىنىپ، زەھەرلىك دەرىجىسى تېخىمۇ كۈچىيىدۇ.
