يامغۇرلۇق كېچە
ساداقەتجان ھاجى
يامغۇر ياغقان ئاشۇ كېچىنى،
ئەسكە ئېلىپ سۈرىمەن خىيال.
ئىككىمىزگە بولغانتى كۈنلۈك،
يول بويىدا ئۆسكەن مەجنۇنتال.
يامغۇر ياغقان ئاشۇ كېچىنى،
چىقارمايمەن ئېسىمدىن زىنھار.
چۈنكى شۇ كۈن جانانىم ساڭا،
قىلغان ئىدىم سۆيگۈمنى ئىزھار.
يامغۇر ياغقان ئاشۇ بىر كېچە،
غازاڭلارغا تولغان ئىدى يول.
لېكىن يامغۇر ئېچىلدۇرغانتى،
قەلبىمىزدە بىر جۈپ قىزىلگۈل.
