ئىگىلمە

قاغانلار1، قاملارغا2 ھايانلىق بەرگەن،
بىرلىكدىن ئىككىلىك ئالەم يارالغان.
رۇسۇللا3 ئاللادىن گۇۋالىق بەرگەن،
روھ بىلەن تۇپراقتىن ئادەم يارالغان.

 
پاراسەت زەررىسى ئىنساندا بەرپا،
مەنبەئى مەۋجۇدلۇق ماھىتى4 ئاللا.
شوڭلاشقا قانائەت، ئۇ روھى دۇنيا،
تاپمىدى ئادەم ۋە ئانىمىز ھاۋا5.

ماددا ۋە پاراسەت، روھىيەت ئۈچلىك،
ماھىتى ئىنساننىڭ قۇدرىتى كۈچلىك.
روھىيەت مەڭگۈلۇك، ماددا ۋاقىتلىق،
يوقۇلار ئىنسانلىق يوقالسا بىرلىك.

ئىنسان ئەمەس روھ، ساپال قاچىسى،
بىزگەن بۇ دۇنيا تاكچىسىن ئاللا،
ۋە ياكى ئۇ ئەمەس ماددا غالچىسى،
ئۆمىلەپ ياشاشقا بۇ پانى دۇنيا.

نەسىلدىن، نەسىلگە روھ بىلەن غورۇر،
ياشاشقا تۆرەلگەن ئىنسان بۇ دۇنيا
پاراسەت – غۇرۇر، ھۆرلىك ۋە تەپەككۈر،
خىسلىتى ئىنساننىڭ سۇلتانى دۇنيا.

ھاياتلىق رىقابەت ماددىۋى دۇنيا،
تاللىنىپ، گۈللىنپ، يوقۇلۇشى ئاندا.
ئىگىلىپ ياشاش بىر چوڭ گۇناھ –
قۇللۇقتىن ئۆلۈمنىڭ ھۆرلىكى ئەلا.

ئىگىلمە ئۆزگىگە، ئەگمە ئۆزگىنى،
ئەركەكەننىڭ بىر زامان ئىگىلمىكى بار،
ئەگمەككە ئىنتىلسە ئۆزگىلەر سىنى،
سەنمۇ بول ھازىر ئەگمەككە تەييار.

 
__________________________________
1) قاغانلار- تەڭرى دىنىدىكى ياراتقۇچىنىڭ پەرمانى بىلەن ماددىۋى دۇنيانى رەتلىك قۇرۇپ چىققان نۇردىن يارارلغان قۇرغۇچىلار – ئۇلار تۆرت. ماھىيەتدە، ئىسلام دىنىدىكى تۆرت مالايىكېلەرگە ئوخشاش.
2) قاملار – تەڭرى دىنىنىڭ پەيخەمبەرلىرى (قارا قاغانلار).
3) رۇسۇللار – پەيخەمبەرلەر.
4) ماھىتى – ماھىيېتى.
5) ئادەم – ئادېمى ئاتام. ئانىمىز ھەۋۋا – ھاۋا ئانا.

يازما ھوقۇقى: لوندون ئۇيغۇر ئانسامبىلى توربېكىتى
يازما ئادىرىسى: ئىگىلمە