-
2008-10-19
ئىز (ئا.ئۆتكۈر) - [Artsسەنئەت]
ئىز (ئا.ئۆتكۈر)
ياش ئىدۇق ئۇزۇن سەپەرگە ئاتلىنىپ ماڭغاندا بىز ،
ئەمدى ئاتقا مىنگۈدەك بوپقالدى ئەنە نەۋرىمىز .
ئاز ئىدۇق مۈشكۈل سەپەرگە ئاتلىنىپ چىققاندا بىز ،
ئەمدى چوڭ كارۋان ئاتالدۇق قالدۇرۇپ چۆللەردە ئىز.
قالدى ئىز چۆللەر ئارا گاھى داۋانلاردا يەنە ،
قالدى نى-نى ئارسىلانلار دەشىت-چۆلدە قەبرىمىز .
قەبرىسىز قالدى دىمەڭ يۇلغۇن قىزارغان دالىدا ،
گۈل-چىچەككە پۈركىنۇر تاڭنا باھاردا قەبرىمىز .
قالدى ئىز ،قالدى مەنزىل ،قالدى ئۇزاقتا ھەممىسى ،
چىقسا بوران كۆچسە قۇملار ھەم كۆمۈلمەس ئىزىمىز .
توختىماس كارۋان يولىدىن گەرچە ئاتلار بەك ئورۇق ،
تاپقۇسى ھېچبولمىسا بۇ ئىزنى بىر كۈن نەۋرىمىز يا ئەۋرىمىز.
历史上的今天:
ئېنگىلىز تىلىنى ئۆگېنىش ئۇسۇللىرى 2008-10-19ﺋﯘﻳﻐﯘﺭ ﺑﻮﻟﺴﺎﯓ ﺑﺎﻻﯕﻐﺎ ﺋﯘﻳﻐﯘﺭﭼﯩﻨﻰ ﺋﯘﮔﻪﺗﻜﯩﻦ 2008-10-19ﺋﻪﺭﻛﻪﻙ ﺳﯘﻧﻰ ﻛﯚﭘﺮﻩﻙ ﺋﯩﭽﻪﻳﻠﻰ 2008-10-19