سۇمرۇغ تېلېۋىزىيىسىنىڭ 15-ئىيۇلدىكى خەۋىرىگە ئاساسلانغاندا، سەئۇدى ئەرەبىستانىنىڭ شەرقىدىكى مۇھىم نېفىت بازىسى قەتىف ئۆلكىسىدە 14-ئىيۇل ئېغىر توپىلاڭ يۈز بەرگەن: زور ساندىكى ئامما نامايىش قىلىپ، يەرلىك دائىرىلەرنىڭ شىئە مەزھىپىدىكى ئىمامنى قولغا ئالغانلىقىغا نارازىلىق بىلدۈرگەن يەرلىك بىر ساقچى ئىدارىسى ھۇجۇمغا ئۇچرىغان، ساقچىلار بىر ھۇجۇم قىلغۇچىنى ئېتىپ تاشلىغان. سەئۇدى ئەرەبىستان ھۆكۈمىتى قەتىفكە قوشۇن كۆپەيتكەن. توردا ئېلان قىلىنغان سىنغا ئاساسلانغاندا، زور ساندىكى ياشلار كوچىلاردا بالۇنلارنى كۆيدۈرۈپ، يەرلىك دائىرىلەرنىڭ ئالدىنقى ھەپتىدىكى نامايىشنى قوراللىق باستۇرغانلىقىنى ئېتراز بىلدۈرگەندە ئىككى نامايىشچى قازا قىلغان. نامايىشنىڭ سەۋەبى يەرلىك دائىرىلەر شىئە مەزھىپىدىكى بىر ئىمامنى قولغا ئالغان.
قەتىف ئۆلكىسى شىئە مۇسۇلمانلىرى ئولتۇراقلاشقان جاي بولۇپ، 2011-يىلى سۈننىي مۇسۇلمانلار ھۆكۈمرانلىقىدىكى سەئۇدى ئەرەبىستان ھۆكۈمىتىگە قارشى كۆپ قېتىم نامايىش بولغان ئىدى. بۇنىڭدىن سىرت، يەرلىك ساقچى ئىدارىسى قورال ھەمدە كۆيدۈرگۈچ بومبا ھۇجۇمىغا ئۇچرىغان، ساقچىلار قايتۇرما ھۇجۇم قىلىپ، بىر ئادەمنى ئېتىپ تاشلىغان، باشقا ئۈچ ئادەم قېچىپ كەتكەن. ھۇجۇم يۈز بەرگەندىن كېيىن، كۆپلەپ ساقچى ماشىنىسى ياردەمگە كەلگەن. 7-ئاينىڭ 14-كۈنى ئەتىگەندە باشقا بىر ساقچىغا ھۇجۇم قىلىش ۋەقەسى يۈز بەرگەن، موتسىكىلىت مىنىۋالغان قوراللىقلار ئىككى ساقچى ماشىنىسىغا ئوق چىقارغان، 4 ساقچى يارىدار بولغان.
|
 |
سۆھبەتخانىدا ھازىر ئادەم بار | │ |
