ئۆتكەن 40يىل جەريانىدا خەلقئارا نېفىت باھاسى چوڭ داۋالغۇشلارنى باشتىن كەچۈرۈپ، 2دوللاردىن ئۆسۈپ 150دوللارغا يىقىنلاشتى. تۆۋەندىكىسى نېفىتقا ئالاقىدار چوڭ ئىشلار خاتىرىسى:
1970-يىلى: سەئۇدى ئەرەبىستان ھۆكۈمەت تەرەپ نىفىت باھاسىنىڭ ھەر تۇڭىنى 1.8ئامېرىكا دوللىرى دەپ بېكىتتى.
1974-يىلى: 1973-يىلى 10-ئايدىكى 4-قېتىملىق ئوتتۇرا شەرق ئۇرۇشى 1-قېتىملىق نىفىت قەھەتچىلىكىنى پەيدا قىلىپ، نىفىت باھاسىنىڭ ھەر تۇڭى 10دوللاردىن ئاشتى.
1979-يىلى: ئىران ئىسلام ئىنقىلابىنىڭ پارتىلىشى يىڭى بىر نۆۋەتلىك نېفىت كىرىزىسىنى پەيدا قىلدى. ھەر تۇڭ نېفىت باھاسى 20دوللاردىن ئاشتى.
1990-يىلى 9~10ئايغىچە: ئىراق كۇۋەيىتكە تاجاۋۇز قىلىپ كىردى، ھەر تۇڭ نېفىتنىڭ باھاسى 40دوللاردىن ئېشىپ كەتتى.
ئەنگىلىيە شىمالىي دېڭىز برونت نېفىتىنىڭ باھا ئۆزگىرىش جەدىۋىلى
2008-يىلى 1-ئاينىڭ 2-كۈنى: نېگىرىيەدىكى قالايمىقانچىلىق، پاكىستان ۋەزىيىتىدىكى تۇراقسىزلىق ۋە ئامېرىكا بازىرىدىكى تەمىنلەش مەسىلىسى كىشىلەرنىڭ كۈچلۈك دىققىنى تارتتى. نېفىت باھاسى تارىختا تۇنجى قېتىم 100دوللارلىق ئۆتكەلنى بېسىپ ئۆتتى.
2008-يىلى 5~6-ئايغىچە: ئامېرىكا ئىقتىسادىنىڭ ئىستىقبالىنىڭ تۇتۇقلۇقى، ئامېرىكا ئېنىرگىيە زاپىسىنىڭ تۆۋەنلىشى ۋە جۇڭگۇنىڭ ئېھتىياجىنىڭ ئېشىشى قاتارلىقلار تۈپەيلىدىن نېفىت باھاسى 120دوللارلىق ئۆتكەلنى بۇزۇپ، 130دوللار ۋە 140دوللارغا يەتتى.
2008-يىلى 7~12ئايغىچە: دۇنياۋى خاراكتىرلىك ئىقتىسادىي چېكىنىش ئېنىرگىيەگە بولغان ئېھتىياجنى ئازايتىپ، نېفىت باھاسى شىددەتلىك چۈشۈپ، ھەر تۇڭ نېفىت باھاسى 100دوللاردىن تۆۋەن سەۋىيەگە قايىتتى.
2008-يىلى 12-ئاينىڭ 19-كۈنى: نىيو يورك نېفىت باھاسى چۈشۈپ ھەر تۇڭى 32.40دوللارلىق سەۋىيەگە كەلدى.
2009-يىلى 1-ئايدىن 6-ئايغىچە: نېفىت باھاسى تەدرىجىي ئۆرلەپ، 5-ئايدا ھەر تۇڭى 60دوللار، 6-ئايدا ھەر تۇڭى 70دوللارلىق سەۋىيەگە كەلدى.
2009-يىلى 12-ئايدا: نېفىت باھاسى ئالدىنقى يىلدىكىگە قارىغاندا %70ئۆرلىدى.
2010-يىلى: يەر شارى ئىقتىسادىدىكى ئاجىز ھالدىكى ئەسلىگە كېلىشنىڭ قوللىشى ئارقىسىدا، نېفىت باھاسى داۋاملىق ئۆستى، يىل ئاخىرىدا لوندۇن بازىرىدا نېفىت باھاسىنىڭ ھەر تۇڭى 93دوللارغا، نىيو-يورك بازىرىدا 90دوللارغا يېقىنلاشتى.
مەبلەغچىلەرنىڭ كۆڭلىنى تىندۇرغىنى، خەۋەرلەردە دېيىلىشىچە، ياۋرۇ رايۇنى، ئەنگىلىيە، ياپۇنىيە ۋە ئامېرىكا ئاللىقاچان ئېغىر دەرىجىدىكى چېكىنىشتىن قۇتۇلغان.
2011-يىلى 1-ئاينىڭ 31-كۈنى: لوندۇن بازىرىدىكى نېفىت (برونت نېفىتى) باھاسى 2008-يىلى 10-ئايدىن بۇيان تۇنجى قېتىم 100دوللارلىق ئۆتكەلنى بۇزدى.
| 
