Salam URUMQI :: سالام ئۈرۈمچى :: 乌鲁木齐综合娱乐网 :: 萨拉慕乌鲁木齐 :: 维吾尔综合门户网:: 新疆维吾尔文化::

شىنخۇا تورى توكيو 2-ئاۋغۇسىت تېلېگراممىسى ياپونىيە كىيودو ئاگېنتلىقىنىڭ 2-ئاۋغۇسىتتىكى خەۋىرىدىن قارىغاندا، ياپونىيەدە بىر كېچىلىك يولۇچىلار ئاپتوبوسى شۇ كۈنى خونسىيو ئارىلىنىڭ شەرقى شىمالى قىسمىدىكى گۇڭچىڭ ناھىيىسىدە بىر يۈك ئاپتوموبىلى بىلەن سوقۇلۇپ كېتىپ، 31ئادەم يېنىك يارىلاندى.
 خەۋەردە دېيىلىشچە، شۇ كۈنى سەھەر سائەت 4:10ئەتراپىدا، گۇڭچىڭ ناھىيىسىدىكى يۇقىرى سۈرئەتلىك تاشيولدا كېتىۋاتقان كېچىلىك يولۇچىلار ئاپتوبۇسى ئالدىدا كېتىۋاتقان يۈك ئاپتوموبىلىغا ئۈسۈۋىلىپ، يۈك ئاپتوموبىلىدىكى ئىككى ئادەم ۋە يولۇچىلار ئاپتوبۇسىدىكى شوپۇرنى ئۆز ئىچىگە ئالغان 29ئادەم يىنىك يارىلاندى.
يولۇچىلار ئاپتوبۇسىنىڭ شوپۇرى مۇنداق دېدى:مەن ھادىسە يۈز بەرگەندە مۈگدەپ قاپتىمەن، شۇ ۋاقىتتىكى ئەھۋاللار تازا ئېنىق ئىسىمدە يوق. مەن ئىككى ئاي بۇرۇن يېنىك دەرىجىدىكى مېڭە توسۇلۇش كېسىلىگە گىرىپتار بولغان، دۇختۇر ماڭا ئەمدى ماشىنا ھەيدىمەڭ دېگەن، ئەمما ھادىسە يۈز بەرگەندىن كېيىنكى تەكشۈرۈشتە شوپۇردا مېڭە توسۇلۇش كېسەللىكىنىڭ ئالامەتلىرى بايقالمىدى.
كېچىلىك يولۇچىلار ئاپتوبۇس تىجارەت شېركىتىدىكى خادىمنىڭ دېيىشىچە، ئاپتوبۇس توكيودىكى دېسنىي باغچىسىدىن   گۇڭچىڭ ناھىيەسىگە كېتىۋاتقان بولۇپ، يولۇچىلارنىڭ كۆپىنچىسى ئون نەچچە ياشتىن 20نەچچە ياش ئارىسىدىكى ياشلار ئىكەن.