شىنلاڭ تورى 8-ئاينىڭ 6-كۈنى كەچتىكى خەۋىرى، ئەھۋالدىن خەۋەردار ئەربابلارنىڭ ئاشكارىلىشىچە، نوكىيا 9-ئاينىڭ بېشىدا ئەڭ بالدۇر بولۇپ تۇنجى Windows Phone8يانفونىنى ئېلان قىلىدىكەن.
ئەھۋالدىن خەۋەردار زاتلار، نوكىيا 9-ئاينىڭ 5-كۈنىدىكى نوكىيا دۇنيا يىغىنى (Nokia World)دا Windows Phone 8سۇپىسى ئاساسىدىكى ئەقلىيفوننى بازارغا سالىدۇ دەپ كۆرسەتتى.
بۇ نوكىيانىڭ ئالما يېڭى ئەۋلاد iPhoneنى ئېلان قىلىشىتىن بىر ھەپتە بۇرۇن Windows Phone 8يانفونىنى ئېلان قىلىدىغانلىقىدىن دېرەك بېرىدۇ. ئۇنىڭدىن باشقا، سېتىلىش مىقدارىغا تۈرتكە بولۇش ئۈچۈن، نوكىيا بۇ يىل روژدېستۋولىق مال سېتىۋېلىش مەزگىلىدە ئامېرىكىدا Windows Phone 8يانفونىنى بازارغا سېلىشنى پىلانلىدى.
Windows Phone 7قا ئوخشىمايدىغان يېرى، Windows Phone 8كېيىنكى ئەۋلاد مەشغۇلات سېستىمىسى Windows 8يادروسى قوللىنىلغان. شۇڭلاشقا، ھازىرقى Windows Phone 7ئەقلىيفونلىرىنى Windows Phone 8غا يېڭىلىغىلى بولمايدىكەن.
ئاخبارات ۋاستىلىرىنىڭ مۆلچەرىدىكى نوكىيا WP8 يانفونىنىڭ سىرتقى كۆرۈنۈشى