1 . چېنىقىپ بېرىشى كېرەك . بۇ خىل كېسەللىككە گىرىپتار بولغانلار ئۆزىنىڭ بەدەن ئەھۋالى ، كېسەللىك ئەھۋالىغا ماس ھالدا چېنىقىپ بەرگەندە ، بەدەننىڭ ئىممۇنىتېت كۈچىنى ئاشۇرغىلى بولىدۇ . مەسىلەن ، سەھەر تۇرۇپ سەيلە قىلىش قاتارلىقلار . بولۇپمۇ ئاستا يۈگۈرۈشنىڭ بۇ خىل كېسەللىككە بولغان پايدىسى ئىنتايىن كۆپ . بۇنداق چېنىقىشنى داۋاملاشتۇرۇپ بەرگەندە ، يۈرەك ۋە ئۆپكىنىڭ ئىقتىدارىنى ياخشىلاپ ، كېسەللىك ئەھۋالىنىڭ ياخشىلىنىشىنى ئىلگىرى سۈرىدۇ . بىراق بۇ خىل ئاغرىقلار چوقۇم مۇۋاپىق چېنىقىشى ، ھەددىدىن زىيادە كۈچەپ چېنىقماسلىقى ، بەك چارچاپ كەتمەسلىكى كېرەك .

2 . تۇرۇۋاتقان مۇھىتقا دىققەت قىلىشى كېرەك . بۇ خىل كېسەللىككە گىرىپتار بولغان ياشانغانلار چوقۇم ھاۋارايىغا قاراپ كىيىنىشى ، زۇكام بولۇپ قېلىشنىڭ ئالدىنى ئېلىشى كېرەك .

3 . كۈندىلىك تۇرمۇشنى رەتلىك ، پاكىز ئورۇنلاشتۇرۇشى ، ئۆينى پاكىز تۇتۇشى ، شاۋقۇن – سۈرەنلىك مۇھىتتىن خالى تۇرۇشى كېرەك .

4 . قىش كۈنلىرى ئۆينىڭ تېمپېراتۇرىسىنى تەڭشەپ ھاۋا ئالماشتۇرۇش كېرەك .

5 . كەيپىياتقا دىققەت قىلىشى كېرەك . ئادەتتە كەيپىياتنىڭ بۇ خىل كېسەللىككە بولغان تەسىرى ئىنتايىن چوڭ . شۇڭا پۈتۈن كۈچى بىلەن خۇشال كەيپىياتنى ساقلىشى كېرەك .