ckplayer قويغۇچىسى ئۈستىدە ئىزدىنىش

ئەسسالامۇ ئەلەيكۇم ، مۇئەللىم بىلوگىغا كىرگەن ئەزىز ئوقۇرمەن ، كەلگەن قەدىمىڭىز قۇتلۇق بولسۇن !

ئالدىنقى يازمىمىزدا ckplayer قويغۇچىسىنى WordPress بىلوگىلىرىغا قېتىش توغۇرلۇق يازما يوللىغاندىن كېيىن ، بىر قىسىم بىلوگگىر دوستلار قاتالمىغانلىقىنى ئوتتۇرغا قويدى ، بىر قىسىم بىلوگگىر دوستلار ckplayer قويغۇچىسىنى بىلوگقا ئۇتۇقلۇق قاتتى ۋە ئىشلىتىش ئارقىلىق بىر قاتار قىممەتلىك پىكىرلەرنى ئوتتۇرغا قويدى . بۇ مەسلىلەر تۆۋەندىكىچە :

1. «加载失败» دەپ چىقىۋالدى ۋە قوشقان فىلىم ھۆججىتى قويۇلمىدى .
جاۋابى : «加载失败» نىڭ ئاساسلىق سەۋەبى ، 2-باسقۇچتىكى ckplayer.xml ئىچىدىكى ئادرېسنىڭ توغرا قويۇلمىغانلىقىدىن كېلىپ چىقىدىكەن . ئىككىنچى باسقۇچنى يەنە بىر تەكشۈرۈپ باقامسىز ؟
ئەسكەرتىش : ئالدىنقى يازمىنىڭ ئىككىنچى تۈرىگە قاراڭ :
ckplayer ھۆججەت قىسقۇچى ئىچىدىكى ckplayer.xml ھۆججىتىنى تەھرىرلىگۈچتە ئېچىپ ، تۆۋەندىكى قۇرنى ئۆزگەرتىڭ :

2. قويغۇچ ۋە فىلىم قېتىش مۇۋەپپىقىيەتلىك بولدى ، ئەمما ، فىلىم تېلېفۇندا قويۇلمىدى ؟
جاۋاب : مۇشۇ مەسىلە ئۈستىدە كۆپ ئىزدەندىم ، ئالدىنقى قېتىم «گۈلبۇلاق گىرافىگى» نىڭ قۇرغۇچىسىنىڭ «نۇرقۇت مۇنبىرى» دىكى ckplayer توغرىسىدىكى ياردەم تېمىسىنى كۆرگەندىن كېيىن ، خەنزۇ يولداشلارنىڭ بىلوگىدىن ckplayer قويغۇچىسى ئاساسدىكى قىستۇرمىنى تاسادىپى بايقاپ قېلىپ ، قاچىلىغاندىن كېيىن ، قولايلىقىنى ۋە تېلېفۇندىمۇ قويۇلىدىغانلىقىنى سەزگەن ۋە «گۈلبۇلاق گىرافىگى» نىڭ قۇرغۇچىسىغا تەۋسىيە قىلغان ئىدىم . كېيىن قىستۇرما ئىشلەتمەي ، ckplayer قويغۇچىسىنى بىلوگقا قېتىش توغۇرلۇق ئىزدەنگەندىن كېيىن ، گەرچە بىلوگقا قېتىش ئۇتۇقلۇق بولغان بولسىمۇ ، ئەمما قوشقان فىلىم تېلېفۇندا قويۇلمىدى .(بەلكىم بۇ مەسلىلەر ckplayer قويغۇچىسىنىڭ كېيىنكى نەشىرلىرىدە ھەل بولۇشى مۇمكىن . بۇ ھەقتىكى ئىزدىنىش يەنىلا داۋاملىشىدۇ .)
كېيىن بىلوگ سىستېمىسىنىڭ نەشىرىنى يۇقىرى كۆتۈرگەنلىك سەۋەبىدىن بۇ قىستۇرما نۇرمال ئىشلىمىدى . كەڭ دوستلارنىڭ تەلىپى بويىچە ، بىلوگ سىستېمىسىنىڭ نەشىرىنى 3.8.1 گە تۆۋەنلىتىپ سىنىغاندىن كېيىن ، بۇ قىستۇرما نۇرمال ئىشلىدى . ھەم قوشقان فىلىم تېلېفۇندىمۇ نۇرمال قويۇلدى .
فىلىم ئۈنۈمىنى بۇ ناخشىنى تېلېفۇندا ئېچىپ كۆرۈڭ :

[ckvideo auto="0" width="660" height="460" url="http://v.youku.com/v_show/id_XNjE5MzQ5Mjcy.html"]يۈرىكىڭىزنى تىترەتمىسە بىكا[/ckvideo]

قىستۇرما تەسىراتى

1. قىستۇرما ئارقىلىقمۇ ئوخشاشلا ئۈنۈمگە ئېرىشەلەيمىز .
2. تېلېفۇندا قويۇش ئۈنۈمى ھەقىقەتەن كىشىنى خۈشال قىلىدۇ . بۇنىڭغا ئۈستىدىكى فىلىمنى تېلېفۇندا ئېچىپ كۆرگەندىن ، ئۆزىڭىز باھا بېرىڭ .
3. فىلىم قوشۇش ئۇسۇلى ناھايىتى قولايلىق . يەنى قىستۇرمىنى قاچىلىغانىدن كېيىن ، يازما تەھرىرلەش رامكىسىنىڭ كۆرۈنمىلىك ھالىتىدە ، قوراللار قاتارىدا تۆۋەندىكى رەسىمدىكىدەك بىر قورل سېن بەلگىسىنىڭ كۆپىيىپ قالغانلىقىنى كۆرىسىز :

شۇ سېن بەلگىنى چىكىش ئارقىلىق ، ئېچىلغان كۆزنەكتىن فىلىم قوشۇش مەقسىتىگە يېتەلەيمىز .
4. قىستۇرما سىناش باسقۇچىدا بولغاچقا ، ھازىرچە تەرجىمە قىلىنمىدى ، سىناش باسقۇچىدىن ۋە كەڭ دوستلارنىڭ سېنىقىدىن ئۆتكەندىن كېيىن ، ئۇيغۇرچىلاشتۇرۇلۇپ ، كەڭ بىلوگگىر دوستلارغا تەمىنلىنىدۇ .

قىستۇرما چۈشۈرۈش

كۆرۈلگەن مەسلىلەر بولسا ، يازما ئاستىغا قالدۇرۇپ قويساڭلار تىز سۈرئەتتە جاۋاب بېرىشكە تىرىشمەن .