چىش مىلىكى قاناش

ئەسسالامۇ ئەلەيكۇم ، مۇئەللىم بىلوگىغا كىرگەن ئەزىز ئوقۇرمەن ، كەلگەن قەدىمىڭىز قۇتلۇق بولسۇن !

چىش مىلىكى قاناش

بۇ كېسەللىك چىش مىلىكىنى ئوزۇقلاندۇرغۇچى قۇۋۋەتنىڭ ئاجىزلىشىشى ۋە ئۇششاق قان تومۇرلارنىڭ سۇسلىشىپ ، شۇ ئورۇندا تۇتقۇچى قۇۋۋەتلەرنىڭ ئاجىزلىشىشى سەۋەبىدىن چىش مىلىكىنىڭ رەڭگى ئۆزگىردىغان ۋە قاناش بىلەن ئىپادىلىنىدىغان كېسەللىك . داۋالاش رېتسىپلىرى؛
1_ رېتسىپ؛ ئانار گۈلىدىن بىر سىقىم ، تاباشىردىن بىر ئوچۇم ، سەرپىستاندىن بىر ئوچۇم ، يۇلغۇن مېۋىسىدىن بىر سىقىم ، يېرىم ئاچچىق ئانارنىڭ پوستى ، قىزىلگۈلدىن بىر سىقىم قاتارلىقلارنى ئېلىپ يۇمشاق سوقۇپ ، يەرلىك ئورۇنغا سېپىپ بەرسە ، چىش مىلىكى قاناشقا مەنپەئەت قىلىدۇ .
2 _ رېتسىپ؛ موزىدىن بىر تال ، سېمىز ئوت ئۇرۇقىدىن بىر ئوچۇم ، سارغايتىلغان زەمچىدىن ئۈچ چىمدىم ئېلىپ ، بىر چىنە سۇدا ئېرىتىپ ئەلگەكتىن ئۆتكۈزۈپ ، سۈيىدە غار _ غار قىلىنىدۇ .
3 _ رېتسىپ؛ ناماز شام گۈلىدىن بىر ئوچۇم ، سۇماقتىن بىر چىمدىم ، ئەرەب دەرىخىنىڭ پوستىدىن بىر چىمدىم ئېلىپ قوشۇپ ، يۇمشاق سوقۇپ ، چىش تۈۋىگە باسسا ، چىش مىلىكى قاناشقا مەنپەئەت قىلىدۇ .
4 _ رېتسىپ؛ موزىدىن ئۈچ تال ، تاباشىردىن بىر ئوچۇم ، يېرىم ئانارنىڭ پوستى قاتارلىقلارنى يۇمشاق سوقۇپ تالقانلاپ ، چىش تۈۋىگە بېسىلىدۇ .
5 _ رېتسىپ؛ ناماز شام گۈلى ئۇرۇقىدىن ئون تال ، موزىدىن بىر تال ، كۆپۈكى دەريادىن گۈلە چوڭلۇقىدا ، قىزىلگۈلدىن بىر سىقىم ئېلىپ يۇمشاق سوقۇپ ، چىش تۈۋىگە باسسا ، چىش مىلىكى قاناشقا مەنپەئەت قىلىدۇ .
6 _ رېتسپ؛ موزىدىن بىر تال ، ئاقاقىيادىن گۈلە چوڭلۇقىدا ، كۆپۈكى دەريادىن ئۆرۈك چوقلۇقىدا ئېلىپ ، چىش تۈۋىگە باسسا چىش مىلىكى قاناشقا مەنپەئەت قىلىدۇ .
7 _ رېتسىپ؛ ئانارگۈلىدىن بىر ئوچۇم ، موزىدىن بىر تال ، فۇپەلدىن بىر چىمدىم ئېلىپ يۇمشاق سوقۇپ تالقانلاپ ، چىشقا باسسا چىش مىلىكى قاناشقا مەنپەئەت قىلىدۇ .
8 _ رېتسىپ؛ كەتھىندىدىن چىلان چوڭلۇقىدا ، ناماز شام گۈلىنىڭ ئۇرۇقىدىن بەش تال ، كاۋاۋىچىندىن ئون تال ، موزىدىن ئىككى تال ئېلىپ ، يۇمشاق سوقۇپ چىشقا باسسا مەنپەئەت قىلىدۇ .
9 _ رېتسىپ؛ ئىككى چىمدىم مورمەككىنى بىر سىقىم قىزىلگۈلنىڭ بىر چىنە چىلانغان سۈيىدە ئېرىتىپ غار _ غار قىلسا بولىدۇ.
10 _ رېتسىپ؛ كاۋاۋىچىندىن بىر سىقىم ، موزىدىن ئىككى تال ، ئانار گۈلىدىن بىر ئوچۇم ئېلىپ ، ئىككى چىنە سۇدا قاينىتىپ ، غار _ غار قىلسا ، چىش مىلىكى قاناشقا مەنپەئەت قىلىدۇ .