مەن بىر ئوقۇلۇشنى كۈتۈپ ،جاھازىدا ياتقان بىر كىتابمەن.مېنى چۈشىنىش ئۈچۈن قايتا-قايتا ئوقۇشۇڭ كىرەك.

مەلەك: بۇ دۇنيادا ئۆگىنىش قەرزىمىز بار،بۇنى ھەر ۋاقىت ئەستىن چىقارماڭ!.

  • 2010-12-25

    ئېھتىمال - [ئىجادىيەتلىرىم]

    قۇپقۇرۇق كاللامدا يوقتۇر ھېچنىمە
    بەلكىم
    يۈز ئۆرۈپ كەتكەندۇر ھەربىر ئەسلىمە
    خيالىم،پىكرىم ھەممە ئويلىرىم
    نېمىدۇر؟نېمىدۇر؟پەقەت ھېچنىمە
    يۇمۇلغان كۆزلىرىم ،قۇپقۇرۇق دۇنيا
    كۆرۈنەر،كۆرۈنمەس سۇسىز بىر دەريا  
    ئىچىمنى مالتىلار بەلكى ھېچنىمە
    بىلمەيمەن ،بىلمەيمەن قانداق بىر نېمە؟
    ئېھتىمال
    لەنەتگەردى،«سۆيۈملۈك» شەيتان
    ھۈجەيرەم توقۇلمام باغرىدا ياتقان \
    تېنىمنى،قېنىمنى،ئەيلىگەن ماكان   
    ئەرشتىن «گۇناھكار»بولۇپ قوغلانغان
     
    چېكىلمەكتە دەرۋازام ئۈنسىز
    ئھېتىمال
    ئوردىسى بار،سەرگەردان شامال!
    قەسىرى يوق،شاھانە شامال  
    چانىقىمدىن چۈشمەكتە سىرغىپ
    ئېھتىمال
    سۈبھىدىكى شەبنەم تامچىسى
    ئېزىتقۇ شەھەرنىڭ زىمىستانىدىن  
    يامغۇر تۆككەن بۇلۇت پارچىسى
    كىرپىكىمدىن ساقىغان ئەگىز   
    توڭلاپ قالدى ئېرىمەس ھەرگىز
    ---مەلەك




مەلەك:بارلىق ھوقۇق مەلەك بىلوگىغا مەنسۇپتۇر،يازمىلارنى رۇخسەتسىزكۆچۈرمەڭ،خالىسىڭىز ئۇلىنىش قىلىۋىلىڭ.

ئۇسلۇب ئاپتورى: پرېستان | تارقاتقۇچى ئورۇن: ئۇيغۇربەگ تور تۇرايى | بىلوگ يازغۇچى: مەلەك