جاھان ئاگېنتلىقى 1-مارت خەۋىرى؛ لەگلەك تورى تەرجىمىسى: ئۇكرائىنىيەنىڭ شەرقىدە ئۇرۇش توختىتىش كېلىشىمى بولغان بولسىمۇ تۇقۇنۇشلار يۈز بېرىۋاتقان بولۇپ، شۇ ئەسنادا بىر مۇخبىر ھاياتىدىن ئايرىلدى.
ئۇكرائىنىيەنىڭ شەرقىدىكى دونېتسىكنىڭ پېسكى بازىرىدا قۇراللىق گۇرۇپىلار بىلەن ئارمىيە قىسىملىرى ئارىسىدا ئۇرۇش توختىتىش كېلىشىمى بولغان بولسىمۇ تۇقۇنۇش داۋاملىشىۋاتقان بولۇپ، تۇقۇنۇشىۋاتقان رايۇندىن خەۋەر بېرىۋاتقان مۇخبىر سېرجىي نىكولايېۋ ئوق تىگىپ ھاياتىدىن ئايرىلدى.
نىكولايېۋ ئىشلەۋاتقان سېگودنيا گېزىتىنىڭ باشقۇرغۇچىسى ئولگا گك، دۇنيانىڭ بىر قانچە دۆلەتلىرىدە ئۇرۇش مەيدانلىرىدا مۇخبىرلىق قىلغان
43 ياشتىكى نىكولايېۋنىڭ ئ‍ۆز دۆلىتىدە ھاياتىدىن ئايرىلغانلىقىغا ئەپسۇسلانغانلىقىنى بىلدۈردى.
ئۇكرائىنيە ھۆكۈمىتىگە قاراشلىق تېرورغا قارشى كۈرەش قىلىش مەركىزى، يېقىنقى 24 سائەت ئىچىدە دۆلەتنىڭ شەرقىدىكى تۇقۇنۇشتا بىرەر ئەسكەرنىڭ ئۆلمىگەنلىكى، ئەمما 3 3 ئۇكرائىنىيە ئەسكىرىنىڭ يارىلانغانلىقىنى ئېلان قىلدى. ئۇكرائىنىيەنىڭ شەرقىدىكى 3 بازاردا قۇراللىق تۇقۇنۇش يۈز بەرگەن بولۇپ، ئوپىتنو بازىرى ئەتراپىدا قاتتىق تۇقۇنۇش يۈز بەرگەن.
ئۇكرائىنىيەدە 14-فېۋرال شەنبە كۈنى ئىمزالانغان ئۇرۇش توختىتىش كېلىشىمىگە قارىماستىن تۇقۇنۇشلار توختىمىدى.
روسىيە تەرەپدارى بولغان قۇراللىقلار قورال تاشلاپ، تۇقۇنۇش رايۇنىدىن ئېغىر تىپتىكى قۇراللارنى چىقىرىشى كىرەك. ئەمما مۇستەقىللىق تەلەپ قىلغۇچىلار ۋە ئۇكرائىنىيە ئارمىيسى مىنىسكىدا ئىمزالانغان كېلىشىمگە قارشى دېبالتسېۋدا تۇقۇنۇشنى داۋام قىلىۋاتىدۇ. ئىككى تەرەپ بىر بىرىنى كېلىشىمنى بۇزغان دەپ ئەيىبلىمەكتە. گېرمانىيە، فرانسىيە، ئۇكرائىنىيە ۋە روسىيە رەھبەرلىرى مىنىسكى كېلىشىمى ئىمزالىغان ئىدى.
ئۇكرائىنىيەدە 2014-يىلى مارت ئېيىدا قىرىم ئاپتۇنۇم رايۇنىنىڭ روسىيە تەرىپىدىن ئىشغال قىلىنىشىدىن كېيىن تۇقۇنۇشلار ئاپرېل ئېيىدا پۈتۈن شەرقى قىسىمغا تارقالغان ئىدى، ھازىرغا قەدەر 5 مىڭ 600 كىشى ھاياتىدىن ئايرىلدى.