شىنجاڭ تورى خەۋىرى: ئۈرۈمچى جەنۇبىي ۋوگزالى «1-ماي ئەمگەكچىلەر بايرىمى » لىق دەم ئېلىش مەزگىلىدە ياشانغانلار، بالا كۆتۈرىۋالغانلار، ئاغرىقلار، مېيىپلار ۋە ھامىلىدار ئاياللارنىڭ بېلەت سېتىۋېلىشىغا قولايلىق يارىتىش ئۈچۈن توسالغۇسىز بېلەت سېتىۋېلىش كۆزنىكىنى كۆپەيتىش بىلەن بىر ۋاقىتتا يەنە ئادەتتىكى بېلەت سېتىۋېلىش كۆزنىكىنىمۇ بەشتىن 11 گە كۆپەيتىدۇ.
مۇخبىرنىڭ 28-ئاپرېل ئۈرۈمچى جەنۇبىي ۋوگزالىدىن ئىگىلىشىچە، 30-ئاپرېل شىنجاڭدىن چىقىدىغان ۋە شىنجاڭ ئىچىدە قاتنايدىغان يولۇچىلار پويىزىنىڭ قاتتىق كارىۋات بېلىتى بىر قەدەر قىس بولۇپ، قاتتىق ئورۇندۇق بېلىتى كۆپ ئىكەن. 1-مايدىن 3-مايغىچە شىنجاڭدىن چىقىدىغان ۋە شىنجاڭ ئىچىدە قاتنايدىغان يولۇچىلار پويىزىنىڭ قاتتىق كارىۋات بېلىتى ۋە قاتتىق ئورۇندۇق بېلىتى يېتەرلىك ئىكەن.
ئۈرۈمچى جەنۇبىي ۋوگزالى بۇ ئۈچ كۈنلۈك دەم ئېلىش مەزگىلىدە، ئۈرۈمچىدىن قومۇلغا قاتنايدىغان ئىككى جۈپ ئېلېكتىروۋۇز؛ خوتەن، قورغاس، كۇيتۈن قاتارلىق جايلارغا قاتنايدىغان قاتتىق كارىۋاتلىق ۋاگونلارنى كۆپەيتىدىكەن.