تورى خەۋىرى لەگلەك تورى تەرجىمىسى . ئەنگىلىيىنىڭ ئائىلە ۋە بالىلار تەربىيىسىگە كاپالەتلىك قىلىش فوندى جەمئىيىتى يېقىندا ئېلان قىلغان بىر تەكشۈرۈش دوكلاتىدا ئېيتىلىشىچە ئەنگىلىيىدە بالىلارغا قاراش ھەققى تېز سۈرئەتتە ئۆرلەپ كەتكەنلىكتىن نۇرغۇن ئاتا ئانىلار مالىيە قىيىنچىلىقىغا دۇچار بولغان .بىر قىسىم كىشىلەر قۇشۇمچە خىزمەت قىلىپ تولۇقلىما ئېلىپ بېرىپ تۇرمۇشنى قامداشنى ئويلاشقان بولسا يەنە بىر قىسىم كىشىلەر خىزمىتىدىن ئىستىپا بېرىپ بالىلىرىنى ئۆزى بېقىشنى ئويلاشقان .
دوكلاتتا ئېيتىلىشىچە ئەنگىلىيىدە ئىككى ياشقا توشمىغان بالىنى يەسلىگە ئاپارسا بىر ھەپتىدە 25 سائەت قاراش ھەققى 115.45 فوند سېرلىڭ يەنى تەخمىنەن 177 ئامېرىكا دوللىرى بولىدىكەن.بۇ سان بۇلتۇرقىدىن 5.1%ئاشقان .2010-يىلىدىن 32.8%ئۆرلىگەن ،ھەمدە ئۆيدە قونمايدىغان بىر بالا باققۇچىنىڭ بىر يىللىق ئىش ھەققىمۇ 4.3% ئاشقان.تەكشۈرۈشتە كۆرسىتىلىشىچە تۇرمۇش تەننەرخى ئېلىپ كەلگەن بېسىم بارغانسېرى ئېشىپ بىر قىسىم خىزمەت قىلىدىغان ئاتا ئانىلارنى ئالدىراپ رۇخسەت سورىمايدىغان قىلىۋەتكەن .40%خىزمەت قىلىدىغان ئاتا ئانىلارنىڭ ئېيتىشىچە ئۇلار بالىلىرى ئاغرىپ قالغاندىمۇ مەكتەپكە ئاپىرىشقا مەجبۇر بولغان ،چۈنكى ئۇلارنىڭ خىزمەت بېسىمى ئېغىر بولغاچقا رۇخسەت سوراپ ئۆيدە بالىسىغا قارىيالمىغان .تەكشۈرۈش دوكلاتىدا ئېيتىلىشىچە ئىقتىسادىي ئەھۋالى ناچار نۇرغۇن ئاتا ئانىلار ئادەم تەكلىپ قىلىپ بالىسىنى باقتۇرۇشقا قۇربى يەتمىگەچكە خىزمىتىنى ئازايتىپ ياكى خىزمىتىدىن ئىستىپا بېرىپ بالىلىرىنى ئۆزى باققان .
ئەيمى كوك مۇنداق دېدى :> خىزمىتىمدىن ئىستىپا بېرىشنى ئويلاشتىم ،چۈنكى مېنىڭ مۇئاشىم بەك ئاز بولغاچقا كىرىممىنىڭ ھەممىسى يەسلى ھەققىگە ئارانلا يېتىدۇ .شۇڭا خىزمىتىمنى قىلمىغىنىم تۈزۈك <. گەرچە كامىرون ھۆكۈمىتى ئالدىنقى نۆۋەتتىكى ھۆكۈمەتكە قارىغاندا تېخىمۇ كۆپ خىزمەت قىلىپ يەسلى چىقىم مەسىلىسىگە تاقابىل تۇرۇشقا ياردەم قىلغان بولسىمۇ ئەمما ئاتا ئانىلار يەنىلا يۇقىرى يەسلى ھەققىنى ئۈستىگە ئالالمايدىغانلىقىنى بىلدۈردى .
جېننىفېر مۇنداق دېدى :> مەن ئوقۇتقۇچى يولدىشىم ئوت ئۆچۈرۈش خادىمى ،ئەسلىدە ئىككىمىزنىڭ مائاشى بىلەن يەسلى ھەققىنى كۆتۈرەلىسەك بولاتتى لېكىن ئەمەلىيەتتە ئۇنداق بولمىدى <.

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى : LEGLEK