بۈگۈن (12-ئاينىڭ 19-كۈنى) سائەت 7:30 دا، خۇيجۇ شەھىرى خۇيچىڭ رايونى خۇينەن جەنۇبىي يولى بويىدا تۆت ئادەمنىڭ كاربون چالا ئوكسىد بىلەن زەھەرلىنىپ قازا قىلغانلىقى بايقالغان، ساقچى تەرەپنىڭ دەسلەپكى تەكشۈرۈشىدىن مەلۇم بولۇشىچە، ئۆلۈم ۋەقەسىنىڭ كېلىپ چىقىش سەۋەبى بولسا ئىسسىنىش ئۈچۈن ئوت قالىغاندا ئىس چىقىپ كەتكەنكەن.

     چۈشتىن بۇرۇن سائەت 10 دا، خۇيچىڭ رايونلۇق ھۆكۈمەت، خۇيچىڭ رايونلۇق ج خ شۆبە ئىدارىسى قاتارلىقلار ئورۇنلاردىن 20 نەچچە ئادەم نەق مەيدانغا بېرىپ ۋەقەنى بىر تەرەپ قىلغان. ۋەقە يۈز بەرگەن بۇ ئورۇن چۇڭچىڭ شەھىرىدىن كەلگەن چېن شيەن (ئۆزگەرتىلگەن ئىسمى) ۋە ئۇنىڭ يولدىشى ئىجارە ئالغان ئورۇن بولۇپ، بۇ يەر ئاسما كىران ئۈسكۈنىسىنى قويۇش ئۈچۈن ئىشلىتىلگەن.

چېن شيەننىڭ مۇخبىرغا ئېيتىپ بېرىشىچە، بۈگۈن ئەتىگەن بۇ ياتاق ئۆيدىكى بىر قانچە ئادەم خېلى ۋاقچە بولۇپ كەتسىمۇ ئورنىدىن تۇرمىغان، شۇنىڭ بىلەن باشقا ئىشچىلار ئىشىكنى ئېچىپ كىرىپ تۆت ئادەمنىڭ ئاللىبۇرۇن قازا قىلغانلىقىنى بايقىغان.

مۇخبىرنىڭ دېيىشىچە، ساقچى تەرەپ قانۇن دوختۇرى ھازىر بۇ تۆت جەسەتنى تەكشۈرۈۋاتقانكەن، جىنايى ئىشلار ساقچىسىنىڭ تونۇشتۇرۇشىچە، بۇ تۆت ئادەمنىڭ چىرايى قارىماققا بەكمۇ خاتىرجەم بولۇپ، ئۇخلاۋاتقان ۋاقىتتا كېلىشمەسلىككە ئۇچرىغان.

     چېن شيەننىڭ مۇخبىرغا ئېيتىپ بېرىشىچە، بۇ تۆت ئادەم ئۇنىڭ ئاكىسى، جىيەنى، قېيىن ئىنىسى ۋە نەۋرە ئاكىسى ئىكەن، جىيەنى بولسا ئاران 21 ياشتا ئىكەن. نەۋرە ئاكىسىدىن باشقا قالغان ئۈچ ئادەم بۇ جايدا تۇرغىلى بىر يىلدىن ئاشقان بولۇپ، نەۋرە ئاكىسى ئىككى كۈن ئىلگىرى بۇ يەرگە كېلىپ تۇرغان، ئۇ ئۇدۇلدىكى بىر قۇرۇلۇش ئورنىدا خىزمەت قىلىدىكەن. ئوت قالىغان قازان ئەسلىدە سىرتتا بولۇپ، نەۋرە ئاكىسى سىرتتىن ئۆي ئىچىگە سۆرەپ ئېلىپ كىرگەن. سىرتتا يەنە قازاننى سۆرىگەن ئىزلار ئېنىق كۆرۈنۈپ تۇراتتى.