جاھان ئاگېنتلىقى 5-ماي خەۋىرى؛ لەگلەك تورى تەرجىمىسى: فرانسىيە پارلامېنتى، تېرورغا قارشى كۈرەش ئۈچۈن ئ‍اخبارات تەدبىرلىرىنى چىڭىتىشنى قوللايدىغان يېڭى ئاخبارات قانۇن لايىھەسىنى قۇبۇل قىلدى. پارلامېنت باش شىتابىدا ئېلىپ بېرىلغان ئاۋازغا قويۇشتا، يېڭى قانۇن لايىھەسى 86 ئاۋازنىڭ قارشى تۇرۇشى، 438 ئاۋازنىڭ قوللىشى بىلەن قۇبۇل قىلىندى. ئاۋازغا قۇيۇشتا 42 نەپەر خەلق ۋەكىلى بىتەرەپ تۇردى. قانۇن لايىھەسىنىڭ ماي ئېيى ئاخىرىدا كىڭەش پالاتتاسىدا ئاۋازغا قويۇلىشى كۈتۈلمەكتە. يېڭى ئاخبارات قانۇنى تېرور تەھدىتلىرىنىڭ چەكلىنىشى ئۈچۈن ئىنتېرنىت بىخەتەرلىكىنىڭ كۈچەيتىلىشىنى كۆزدە تۇتىدۇ. بۇ قانۇن بىلەن فرانسىيە ئاخبارات ئىدارىسىنىڭ تېخىمۇ ئۈنۈملۈك خىزمەت قىلىشى ئۈچۈن تېخنىكا ئىمكانىيتى كۈچەيتىلىدۇ. بۇ دائىرىدە ئىنتېرنىت ۋە تېلېفون تورىنىڭ ئانالىز قىلىنىشى بىلەن بايقالغان تېرور گۇماندارلىرى تەكشۈرۈلۈش ئۈچۈن ئىلغار سېستىمىلار ئىشلىتىلىدۇ. قانۇن لايىھەسى، دۆلەت قارمىقىدا مىللى ئاخبارات كونترول قىلىش كومىتىتى نامىدا يېڭى بىر باشقۇرۇش مىخانىزىمىنىڭ قۇرۇلۇشنى نەزەردە تۇرىدۇ.
فرانسىيە پايتەختى پارىژدا 7-يانۋاردا چارلى ھىبدو گېزىتى ھۇجۇم ۋەقەسى بىلەن باشلانغان ۋە كېيىن داۋاملاشقان 3 قېتىملىق تېرور ھۇجۇمىدا 17 كىشى ھاياتىدىن ئايرىلغان، ساقچىلارنىڭ ھەرىكىتىدە ھۇجۇم ئېلىپ بارغان كىشىلەر ئۆلۈك ھالەتتە قولغا چۈشكەن ئىدى. بۇ ۋەقەلەردىن كېيىن دۆلەتتىكى بىخەتەرلىك تەدبىرلىرى ئەڭ يۇقىرى سەۋىيەگە چىقىرىلدى ۋە قۇشۇمچە قانۇن ئۆزگەرتىش يۈز بەردى.