ئامېرىكىلىق بىر ئانا توققۇز ئاينىڭ ئىچىدە ئۈچ بالا تۇغقان بولۇپ، بۇ بالىلارنىڭ ھەممىسى ھازىر تۆت ياشقا كىرگەن. كىشىنىڭ ھەيرانلىقىنى قوزغايدىغىنى شۇكى، بۇ بالىلار ئۈچ كېزەك ئەمەسكەن. ئەڭ چوڭى قىز بولۇپ، قالغان ئىككىسى قوشكېزەك سىڭىللىرى ئىكەن. ئۈچ قىزنىڭ ئادەتتىكى ھەرىكەت ۋە قىزىقىشلىرى ناھايىتى ئوخشىشىدىغان بولۇپ، ھەقىقىي ئۈچ كېزەك بولسىمۇ، ئۇلار ئۈچ كېزەككە ئوخشايدىكەن.

     ئۆتكەن يىلى 7-ئايدا، بۇ ئانا چوڭ قىزى كارانى يەڭگىگەن. ئۇلار بالىلىرىنىڭ بىر قەدەر يېقىن بولۇشىنى ئۈمىد قىلغاچقا، ياش پەرقىنىڭ بەك چوڭ بولۇپ كېتىشىنى خالىمىغان. شۇڭا كارا ئۈچ ئايلىق بولغاندىلا ئۇلار يەنە بىر بالىلىق بولۇشقا تەييارلانغان. ئۇزاق ئۆتمەي بۇ ئايال يەنە ھامىلدار بولغان ھەمدە 12 ھەپتىلىك بولغاندا دوختۇرخانىغا تەكشۈرتكىلى بارغان. تەكشۈرۈش ئارقىلىق قورساقتىكى ھامىلىنىڭ قوشكېزەك ئىكەنلىكىنى بىلگەن. كېيىن بۇ بالىلار 27 ھەپتە بولغاندىلا تۇغۇلغان، ھەقىقەتەن قوشكېزەك قىز تۇغقان. توققۇز ئايلىق بولغان كارا ئىككى قىزغا ئاچا بولغان. ھەر بىر كىچىك قىزنىڭ ئېغىرلىقى ئىككى قاداقلا كېلىدىكەن.

       ئۇلار گەرچە ئۈچ كېزەك بولمىسىمۇ، لېكىن ئۇلار ناھايىتى يېقىن بولۇپ، كىيىنىشىمۇ ئوخشاش، ھەتتا بىر كارۋاتتا ئۇخلايدىكەن.

     ئۇلارغا ئوخشاش ئائىلىدىن يەنە بىرى بار بولۇپ، بۇ ئائىلە ئەنگىلىيەدە ئىكەن.

     ئەنگىلىيەدە بىر 80-يىلدىن كېيىن تۇغۇلغان ئايال ئۆتكەن يىلى 6-ئايدا بىر بالا يەڭگىگەن. توققۇز ئايدىن كېيىن، بۇ ئايال يەنى بۇ يىل 3-ئايدا ئۈچ كېزەك تۇغقان. يەنە كېلىپ ئۇلارنىڭ ئىككىسى ئوغۇل بىرى قىزكەن.

بۇ ئائىلىدىكى ئەر 31 ياشتا، ئايال 29 ياشتا ئىكەن. ئەر بىر پوچتالىيون، ئايال بولسا بىر مۇئامىلىدار دېرىكتورى ئىكەن. بۇ ئەر-ئاياللار ئۆتكەن يىلى 6-ئايدا بىر ئوغۇللۇق بولغان. كىشىنىڭ ھەيرانلىقىنى قوزغايدىغىنى بولسا سەككىز ھەپتە بولغاندا بۇ ئايال يەنە ھامىلدار بولغان. تەكشۈرۈش ئارقىلىق قورساقتىكى ھامىلىنىڭ ئۈچ كېزەك ئىكەنلىكىنى بىلگەن.

دوختۇر بۇنىڭ ئىچىدىكى بىرىنى چۈشۈرۋېتىشنى تەكلىپ بەرگەن، بۇنداق قىلغاندا قالغان ئىككى بالىنى تېخىمۇ ياخشى بولغان شارائىت بىلەن تەمىنلىگىلى بولىدىكەن. دوختۇرنىڭ بۇ تەكلىپىنى ئۇلار رەت قىلغان. بۇ يىل 3-ئايدا ئەمدىلا يەتتە ئايلىق بولغان ئۈچ كېزەك بالدۇر تۇغۇلغان. ئۆتكەن ئايدا بۇ ئۈچ كېزەك بالىلار ساغلام ھالدا دوختۇرخانىدىن چىققان.

يېقىندا، ئۇلارنىڭ ئۆيى بالا باقىدىغان يەرگە ئوخشاپ قالغان بولۇپ، ئۇلار ھەر ھەپتىدە 175 پارچە زاكا ئالماشتۇرىدىكەن، 80 قۇتا سۈت پاراشوكى ئېمىتىدىكەن. مۇشۇنداق بولسىمۇ، بۇ ياش ئەر-ئاياللار ھازىرقى تۇرمۇشىدىن ناھايىتى رازى ئىكەنلىكىنى ئېيتقان.