لى خەنجىنىڭ ئۈرۈمچى شەھەرلىك بىخەتەر ئىشلەپچىقىرىشنى نازارەت قىلىپ باشقۇرۇش ئىدارىسىدىن ئىگىلىشىچە، ئۈرۈمچى شەھىرى 6 – يانۋار ‹‹2015 – يىلى چاغاندىكى پوجاڭزا تىجارىتى، پوجاڭزا ئېتىش بىخەتەرلىكىنى نازارەت قىلىپ باشقۇرۇش خىزمىتى لايىھەسى››نى تارقىتىپ، ئۈرۈمچى شەھىرىنىڭ 2015 – يىللىق چاغاندا پوجاڭزا ئېتىش ۋاقتىنى 2 – ئاينىڭ 18 – كۈنى سائەت 18 دىن 3 – ئاينىڭ 5 – كۈنى سائەت 24 كىچە قىلىپ بېكىتكەن، ئۇنىڭدىن باشقا ۋاقىتتا شەھەر رايونىدا پوجاڭزا ئېتىش مەنئى قىلىنىدىكەن.
2 – ئاينىڭ 4 – كۈنىدىن 3 – ئاينىڭ 5 – كۈنىگىچە، شەھەر ئاھالىلىرى پوجاڭزىنى پارچە ساتىدىغان 100 نۇقتىدا پوجاڭزا سېتىۋالسا بولىدىكەن.

تونۇشتۇرۇلۇشىچە، بۇ يىل چاغاندا ئۈرۈمچى شەھىرىدىكى پوجاڭزىنى پارچە سېتىش نۇقتىلىرىدا زەنجىرسىمان تىجارەت قىلىش ئەندىزىسى يولغا قويۇلىدىكەن، يەنى تىجارەت نۇقتىلىرىدىكى تىجارەتچىلەر پوجاڭزىنى توپ سېتىش سالاھىيىتى بار كارخانىلار بىلەن زەنجىرسىمان تىجارەت قىلىش كېلىشىمى ئىمزالىشىپ، بىخەتەر ئىشلەپچىقىرىشنى نازارەت قىلىپ باشقۇرۇش تارماقلىرىغا قانۇنلۇق تىجارەت قىلىش سالاھىيىتىگە ئېرىشكەنلىكىنى مەلۇم قىلىدىكەن. بۇ، ئۈرۈمچى شەھىرىدە پوجاڭزىنى پارچە سېتىش ئەندىزىسىنىڭ زەنجىرسمان تىجارەت قىلىشقا ئۆزگەرتىلگەنلىكى، پوجاڭزىلارنى بىخەتەر سېتىشنى باشقۇرۇش يېڭى سىستېمىسى ئاساسىي جەھەتتىن بارلىققا كەلگەنلىكىدىن دېرەك بېرىدۇ.