قئارا مەدەنىيەت تارقىتىش مەركىزى ، جۇڭگو ئىللىقلىق يەتكۈزۈش خىزمىتى كومىتېتى ، شىنجاڭ خەير-ساخاۋەت باش جەمئىيىتى بىرلىكتە ئۇيۇشتۇرغان ‹‹تەڭرىتاغقا مۇھەببەت باغلاپ ، شىنجاڭ ئارزۇسىنى روياپقا چىقىرىش ›› خەير-ساخاۋەت يەتكۈزۈش-ئىئانە قىلىش مۇراسىمى 18-دېكابىر ئۈرۈمچىدە ئۆتكۈزۈلدى . مۇراسىمدا فۇجيەن ئۆلكىسى فۇرۈي داۋالاش پەن-تېخنىكا چەكلىك شىركىتى شىنجاڭغا 53 مىليون يۈەن قىممىتىدىكى داۋالاش ئۈسكۈنىلىرىنى ئىئانە قىلدى .

ئىگىلىنىشىچە ، بۇ قېتىملىق خەير-ساخاۋەت يەتكۈزۈش-ئىئانە قىلىش مۇراسىمىدا شىنجاڭ خەير-ساخاۋەت باش جەمئىيىتى جەمئىي 20 مىليون يۈەن قىممىتىدىكى داۋالاش ئۈسكۈنىسىگە ، بايىنغولىن ئوبلاستلىق خەلق دوختۇرخانىسى 18 مىليون يۈەن قىممىتىدىكى داۋالاش ئۈسكۈنىسىگە ، كورلا شەھەرلىك 1-خەلق دوختۇرخانىسى 15 مىليون يۈەن قىممىتىدىكى داۋالاش ئۈسكۈنىسىگە ئېرىشكەن ، بۇ داۋالاش ئۈسكۈنىلىرى دوختۇرخانىلارنىڭ داۋالاش شارائىتىنى يەنىمۇ ياخشىلاپ ، يەرلىك ئاممىنىڭ ساغلاملىق سەۋىيەسىنى يۇقىرى كۆتۈرۈشىگە ياردىمى بولىدىكەن .

ئاپتونوم رايونلۇق خەلق ئىشلىرى نازارىتى پارتگۇرۇپپىسىنىڭ ئەزاسى ، مۇئاۋىن نازىر ما جيەنشىننىڭ بىلدۈرۈشىچە، ‹‹ تەڭرىتاغقا مۇھەببەت باغلاپ ، شىنجاڭ ئارزۇسىنى روياپقا چىقىرىش›› پائالىيىتى يېقىنقى يىللاردىن بۇيان ئېلىپ بېرىلغان ئۆلچىمى يۇقىرى ، تەسىر كۈچى چوڭ بولغان بىر قېتىملىق ئىللىقلىق يەتكۈزۈش پائالىيىتى ئىكەن.