خەلقئارا لىنىيەسى خەۋىرى: شۇ يەر ۋاقتى 2014-يىلى 14-ئىيۇل، ئىككى يىلدا بىر قېتىم ئۆتكۈزۈلىدىغان فرانبورۇگ ئاۋىياتسىيە كۆرگەزمىسى لوندوننىڭ غەربىي جەنۇبىدىكى كىچىك بازار ـــ فرانبورۇگدا باشلاندى. بوئىن، ھاۋادىكى ئاپتوبۇس قاتارلىق خەلقئارادىكى ئاساسلىق ئاۋىياتسىە شىركەتلىرى ئەڭ ئىلغار ئايروپىلانلىرىنى كۆرگەزمىگە قاتناشتۇردى ھەمدە تاماشىبىنلارغا ئۇچۇش ماھارىتى كۆرسەتتى.

كۆلىمى ۋە داڭقى پارىژ ئاۋىياتسىيە كۆرگەزمىسىدىن قالسىلا، دۇنيادا 2-ئورۇندا تۇرىدىغان ئاۋىياتسىيە كۆرگەزمىسى بولۇش سۈپىتى بىلەن، بۇ نۆۋەتلىك فرانبورۇگ ئاۋىياتسىيە كۆرگەزمىسى پۈتۈن دۇنيادىكى 1500 دىن ئارتۇق كارخانىچىنى جەلپ قىلدى. ئەنگلىيەنىڭ باش ۋەزىرى كامېرون كۆرگەزمىنىڭ باشلىنىش مۇراسىمىغا قاتناشتى ھەمدە بىر مىليارد 100 مىليون فوندستىرلىڭ مەبلەغ سېلىپ دۆلەت مۇداپىئەسى ھەربىي زاپاس كۈچىنى كۈچەيتىدىغانلىقى، بۇنىڭ ئىچىدە 300 مىليون فوندستىرلىڭنىڭ ‹‹تەيفېڭ بورىنى ئۇرۇش ئايروپىلانى›› تەتقىقاتىغا سەرپ قىلىنىدىغانلىقىنى جاكارلىدى.

ئەنگلىيە، گېرمانىيە، ئىتالىيە ۋە ئىسپانىيە تۆت دۆلەت بىرلىكتە تەتقىق قىلىپ ياسىغان ‹‹تەيفېڭ بورىنى ئۇرۇش ئايرۇپىلانى›› ئەنگلىيە خان جەمەتى ھاۋا ئارمىيەسىنىڭ ھازىر ھەربىي خىزمەت ئۆتەۋاتقان ئەڭ ئىلغار ئۇرۇش ئايرۇپىلانى، شۇنداقلا بۇ نۆۋەتلىك ئاۋىياتسىيە كۆرگەزمىسىدىكى چولپان تىپلىق ئايرۇپىلانلارنىڭ بىرى. ئامېرىكا ‹‹بوئىن›› شىركىتى بۇ قېتىم دەرىجىسى يۇقىرى كۆتۈرۈلگەن،ئۇزۇنلۇقى 63 مېتىر كېلىدىغان، ئالدىنقى بىر ئەۋلاد ‹‹بوئىن 787›› تىپلىق يولۇچىلار ئايرۇپىلانىدىن %16 يولۇچىنى ئارتۇق سىغدۇرالايدىغان ‹‹بوئىن 9-787›› تىپلىق ئايروپىلاننى كۆرگەزمىگە قاتناشتۇرغان.