جامائەت خەۋپسىزلىكى مىنىستىرلىقى ، مەركىزىي كومىتېت مەنىۋى مەدەنىيلىك قۇرۇلۇشىغا يېتەكچىلىك قىلىش كومىتېتى ئىشخانىسى ، قاتناش تىرانسپورت مىنىستىرلىقى يېتەكچىلىك قىلغان ، ‹‹ئىقتىساد كۈندىلىك گېزىتى ››، ‹‹ خەلق جامائەت خەۋپسىزلىكى گېزىتى ›› باش بولۇپ ئۇيۇشتۇرغان چوڭ تىپتىكى ‹‹ جۇڭگودىكى ياخشى ساقچى . جۇڭگودىكى ياخشى شوپۇر ›› پائالىيىتى بۇ يىل 10-ئۆكتەبىر رەسمىي باشلىنىپ ، جايلاردىن جەمئىي 158 نەپەر ‹‹ جۇڭگودىكى ياخشى ساقچى ›› نامزاتى ، 105 نەپەر ‹‹جۇڭگودىكى ياخشى شوپۇر›› نامزاتى كۆرسىتىلگەن بولۇپ ، مەملىكەت بويىچە تورداشلارنىڭ بېلەت تاشلىشى ، پائالىيەت تەشكىللەش كومىتېتىنىڭ ئۇنىۋېرسال قاراپ چىقىشى ئارقىلىق ، 20 نەپەر ‹‹ جۇڭگودىكى ياخشى ساقچى ››، 10 نەپەر ‹‹ جۇڭگودىكى ياخشى شوپۇر ›› سايلاپ چىقىلدى . يۇقىرى دەرىجىلىك تاشيول قاتناش ساقچى تارماق ئەترىتى تۇرپان چوڭ ئەترىتىنىڭ مۇئاۋىن باشلىقى ئەيساجان ئابلىز شۇلارنىڭ ئىچىدىكى بىرى بولۇپ ، ئۇ شىنجاڭ بويىچە ‹‹جۇڭگودىكى ياخشى ساقچى ›› نامىغا ئېرىشكەن بىردىنبىر ساقچى بولۇپلا قالماي ، يەنە غەربىي شىمالدىكى بەش ئۆلكە ئىچىدىمۇ بىردىنبىر شۇ نامغا ئېرىشكۈچىدۇر .