چەت ئەل تاراتقۇلىرى خەۋىرىگە قارىغاندا، دۇنيادىكى لىنىيەسى ئەڭ ئۇزۇن گۈللۈك سىرلىق ئوردا ئېنگلاندنىڭ لوڭلېئات قورۇقىغا جايلاشقان بولۇپ، 1975 – يىلى لايىھەلەنگەن ۋە قۇرۇلغان ئىكەن، ئومۇمىي ئۇزۇنلۇقى 2.72 كىلومېتىر بولۇپ، تەخمىنەن بىر يېرىم سائەت ۋاقىت سەرپ قىلىپ ئاندىن بۇ سىرلىق ئوردىدىن چىقىپ كەتكىلى بولىدىكەن.

ئىگىلىنىشىچە، بۇ گۈللۈك سىرلىق ئوردا 16 مىڭ تۈپ زەرنەب دەرىخىدىن تەشكىل تاپقان ئىكەن. بۇ سىرلىق ئوردىنىڭ لىنىيەسى بەك مۇرەككەپ بولغانلىقتىن، باغۋەنلەرگە بۇ جاينى ياساش ناھايىتى تەسكە توختىغان. سىرلىق ئوردىغا كىرگۈچىلەرنىڭ بەك ئۇزاق ۋاقىت ئېزىپ قالماسلىقى ئۈچۈن، ئىچىگە 6 كۈل رەڭلىك ياغاچ كۆۋرۈك ياسالغان، سىرلىق ئوردىغا كىرگۈچىلەر شۇ كۆۋرۈككە چىقىش ئارقىلىق ئۆز ئورنىنى كۆزىتەلەيدىكەن. ئۇنىڭدىن باشقا، بۇ سىرلىق ئوردىغا يەنە نەچچە ‹‹ئېزىپ قېلىش›› تاختىسى ئورۇنلاشتۇرۇلغان بولۇپ، ئېزىپ قالغاندا شۇ تاختىنى كۆتۈرۈش ئارقىلىق باشقىلاردىن ياردەم تەلەپ قىلسا بولىدىكەن.